ຂ່າວໂຄວິດລາວພົບຜູ້ຕິດເຊື້ອເພີ່ມ 1076ຄົນ ເສຍຊີວິດເພີ່ມ 1ຄົນ

ຂ່າວໂຄວິດລາວພົບຜູ້ຕິດເຊື້ອເພີ່ມ 1076ຄົນ ເສຍຊີວິດເພີ່ມ 1ຄົນ

ສະພາບການລະບາດຂອງພະຍາດ COVID-19 ຢູ່ ສປປ ລາວ ປະຈໍາວັນ ວັນທີ 07 ພະຈິກ ປີ 2021 ກວດພົບຜູ້ຕິດເຊືື້ອໃໝ່ 1.076 ຄົນ, ເສຍຊີວິດໃໝ່ 1 ຄົນ, ຕິດເຊື້ອນໍາເຂົ້າ 05 ຄົນ, ຕິດເຊື້ອພາຍໃນ ມີ 1.071 ຄົນ ໃນນັ້ນນະຄອນຫຼວງວຽງຈັນ 540 ຄົນ, ຫຼວງພະບາງ 179 ຄົນ

ທ່ານ ດຣ. ນາງ ບົວຜັນ ຄຳພາພົງຜ່ານ ຮອງຫົວໜ້າສູນວິເຄາະ ແລະ ລະບາດວິທະຍາ, ກະຊວງສາທາລະນະສຸກ ໄດ້ລາຍງານສະພາບການລະບາດຂອງພະຍາດ COVID-19 ຢູ່ ສປປ ລາວ ວັນທີ 6 ພະຈິກ 2021, ທົ່ວປະເທດ ໄດ້ເກັບຕົວຢ່າງມາກວດຊອກຫາເຊືື້ອ COVID-19 ທັງໝົດ 1.076 ຕົວຢ່າງ, ໃນນັ້ນ ກວດພົບຜູ້ຕິດເຊືື້ອໃໝ່ 1.076 ຄົນ (ຕິດເຊື້ອພາຍໃນ ມີ 1.071 ຄົນ ແລະ ຕິດເຊື້ອນໍາເຂົ້າ 05 ຄົນ ຈາກນະຄອນຫຼວງວຽງຈັນ 4 ຄົນ ແລະ ໄຊຍະບູລີ 1 ຄົນ.

ກໍລະນີເສຍຊີວິດ ຈາກໂຄວິດ ” 07/11/2021 ເພດຍິງ, ອາຍຸ 78 ປີ, ອາຊີບ ຜູ້ເຖົ້າ, ບ້ານດົງປ່າແຫລບ, ເມືອງຈັນທະບູລີ, ນະຄອນຫລວງ.

– ວັນທີ 21 ຕຸລາ 2021: ໄດ້ເກັບຕົວຢ່າງ ມາກວດຊອກຫາພະຍາດ |ໂຄວິດ-19

– ວັນທີ 22 ຕຸລາ 2021: ຜົນກວດແມ່ນພົບເຊື້ອ ແລະ ໄດ້ໄປກັກໂຕຢູ່ສູນລ້ານຊ້າງ

– ວັນທີ 23 ຕຸລາ 2021: ຜູ່ກ່ຽວມີອາການໄອ, ມີຂີ້ສະເຫລດ, ຖ່າຍເປັນນໍ້າ, ມີຮາກ, ເຈັບແຫນັ້ນຫນ້າເອິກເວລາທີ່ໄອຫລາຍ ແລ້ວ ຈຶ່ງຍ້າຍມາຕິດຕາມຢູ່ໂຮງຫມໍມິດຕະພາບ

– ພະຍາດປະຈໍາຕົວ: ໄຂ່ຫລັງຊຸດໂຊມ ໄດ້ 5 ປີ ແຕ່ບໍ່ເຄີຍຟອກ ່ ແລະ ເປັນຄວາມດັນເລືອດສູງ ກິນຢາປະຈໍາ

– ຍັງບໍ່ໄດ້ສັກຢາວັກຊີນ – ໄລຍະທີນອນຝົນປົວຢູ່ໂຮງຫມໍ ແມ່ນແຕ່ວັນທີ 23 ຕຸລາ – 06 ພະຈິກ 2021, ເປັນເວລາ 15 ວັນ – ຮອດເວລາ 06:30 ໂມງຂອງວັນທີ 06 ພະຈິກ 2021: ຜູ້ກ່ຽວໄດ້ເສຍຊີວິດ.

ມາຮອດວັນທີ 7 ພະຈິກ ຕົວເລກຜູ້ຕິດເຊື້ອສະສົມ ພະຍາດໂຄວິດ-19 ຢູ່ ສປປ ລາວ 47.056 ຄົນ, ເສຍຊີວິດສະສົມ 82 ຄົນ (ໃໝ່ 1), ປິ່ນປົວຫາຍດີ ແລະ ກັບບ້ານໃນມື້ວານ ມີ 754 ຄົນ, ກໍາລັງປິ່ນປົວ ຄົນ.

ຂ່າວລາວ