ຊາປະນະກິດ 2ເອື້ອຍນ້ອງທີ່ປະສົບອຸບັດຕິເຫດຕຳງົວທີ່ທາງດ່ວນແລ້ວ

ຊາປະນະກິດ 2ເອື້ອຍນ້ອງທີ່ປະສົບອຸບັດຕິເຫດຕຳງົວທີ່ທາງດ່ວນແລ້ວ

ຈາກຜູ່ໃຊ້ເຟສບຸກ Poun Sirichandho ໄດ້ໂພສວ່າ ຂໍອະນຸຍາດແຈ້ງຂ່າວ ການກຳນົດວາຣະດຳເນີນງານບຳເພັນກຸສົນ ຊາປະນະກິດ ທ້າວວຽງສັກ(ປ໊ອກກີ່) ແລະນາງວຽງໄຊ(ນາງນ້ອຍ) ສີດາວົງ ວັນຈັນ ຂຶ້ນ ໔ ຄ່ຳ ເດືອນ ໔ ພສ ໒໕໖໓ ກົງກັບ ວັນທີ 15 ກຸມພາ 2021

ເວລາ 11:00ນ ສູດອະພິທັມ ຖວາຍພັດຕາຫານ

ເວລາ 19:00ນ ໄຫວ້ພຣະ ສະມາທານສີນ ໘ ນັ່ງສມາທິ ຟັງທັມມະເທດສະໜາ ຈົນເຖິງເວລາອັນສົມຄວນ

ວັນອັງຄານ ຂຶ້ນ ໕ ຄ່ຳ ເດືອນ ໔ ພສ ໒໕໖໓ ກົງກັບວັນທີ 16 ກຸມພາ 2021

ເວລາ 07:30ນ ໄຫວ້ພຣະ ຮັບສິນ ຖວາຍພັດຕາຫານເຊົ້າ

ເວລາ 11:00ນ ຖວາຍພັດຕາຫານເພນ ບັນພະຊາສາມະເນນ ສູດອະພິທັມ

ເວລາ 13:00ນ ທຳພິທີຊາປະນະກິດ ທີ່ປ່າຊານປະນະສະຖານ(ປ່າຊ້າ) ບ້ານປາກແຈ້ງ

ເວລາ 19:00ນ ໄຫວ້ພຣະ ສມາທານສີນ ໘ ນັ່ງສມາທິ ຟັງທັມ ເໝືອນຄືນກ່ອນ

ວັນພຸດ ຂຶ້ນ ໖ ຄ່ຳ ເດືອນ ໔ ພສ ໒໕໖໓ ກົງກັບວັນທີ 17 ກຸມພາ 2021 ຕອນເຊົ້າ ຫ້າງຫາກຽມກຽມວັດຖຸປັດໄຈ ໄທຍະທານຕ່າງໆ ຕອນແລງ ປະຕິບັດເໝືອນວັນຜ່ານມາ

ວັນພະຫັດ ຂຶ້ນ ໗ ຄ່ຳ ເດືອນ ໔ ພສ ໒໕໖໓ ກົງກັບວັນທີ 18 ກຸມພາ 2021

ຕອນເຊົ້າ ເວລາ 07:30ນ ຕັກບາດຖວາຍສັງຄະທານ ຟັງທັມເທສນາ 1 ກັນ ຈົບພິທີ.

ດັ່ງນັ້ນ, ຂໍຕ່າງໜ້າໃຫ້ແກ່ຄອບຄົວ ສີດາວົງ ຄອບຄົວ ສຸທຳມະວົງ ແຈ້ງຂ່າວມາຍັງຍາຕິພີ່ນ້ອງ ເພື່ອນມິດສະຫາຍ ແລະຜູ້ມີຈິດສັດທາທັງຫຼາຍ ທີ່ຢູ່ໃກ້-ໄກ ໄດ້ຊາບ ແລະຮ່ວມບຳເພັນກຸສົນຕາມວັນເວລາແລະສະຖານທີ່ດັ່ງກ່າວມາແລ້ວນີ້ເຖີ້ນ… ສະຖານທີ່ບຳເພັນກຸສົນ ວັດເທບນິມິດມຸງຄຸນ ບ້ານປາກແຈ້ງ, ເມືອງວຽງຄຳ, ແຂວງວຽງຈັນ.

ສູນເສຍລູກ 2 ຄົນພ້ອມກັນ ໃນວັນ 14 ກຸມພາ ວັນແຫ່ງຄວາມຮັກຂອງຫລາຍໆຄົນແຕ່ເປັນວັນທີ່ໂສກເສົ້າທີ່ສຸດຂອງຄອບຄົວນີ້ 2 ເອື້ອຍນ້ອງທີ່ກຳລັງໃຫ່ຍກ້າຫນ້າບານກຳລັງມີອານາຄົດທີ່ສົດໃສ, ລູກທີ່ປຽບດັ່ງແກ້ວຕາດວງໃຈຂອງພໍ່ແມ່ໄດ້ຈາກໄປພ້ອມກັນດ້ວຍອຸບັດຕິເຫດ
ອຸບັດຕິເຫດ=ການສູນເສຍ

ຂ່າວລາວ