ທຣຳ ໂວຍຖືກໂກງເລືອກຕັ້ງ ຂູ່ຈະຟ້ອງທຸກລັດທີ່”ໄບເດນ”ຊະນະ

ທຣຳ ໂວຍຖືກໂກງເລືອກຕັ້ງ ຂູ່ຈະຟ້ອງທຸກລັດທີ່”ໄບເດນ”ຊະນະ

ປະທານາທິບໍດີ ໂດໂນ ທຣຳ ທວີດຂໍ້ຄວາມຮຽກຮ້ອງໃຫ້ຢຸດນັບບັດເລືອກຕັ້ງ ແລະ ຂູ່ວ່າຈະຟ້ອງຮ້ອງທຸກລັດທີ່ ໂຈ ໄບເດນ ໄດ້ຮັບການປະກາດແລ້ວວ່າເປັນຜູ້ຊະນະ

ໃນວັນທີ່ 06/11/2020 ຂໍ້ຄວາມໃນທະວິດເຕີຂອງປະທານາທິບໍດີ ໂດໂນ ທຣຳ ລະບຸວ່າ “ເຮົາຈະຟ້ອງສານເພື່ອໃຫ້ມີການກວດສອບທຸກລັດທີ່ ໄບເດນ ອ້າງໄຊຊະນະ ເນື່ອງຈາກມີການໂກງການເລືອກຕັ້ງຈາກທັງຜູ້ລົງຄະແນນ ແລະ ຈາກເຈົ້າຫນ້າທີ່ຂອງລັດ”

ຢ່າງໃດກໍ່ຕາມ ທຣຳ ບໍ່ໄດ້ໃຫ້ລາຍລະອຽດວ່າການໂກງເລືອກຕັ້ງດັງກ່າວໄດ້ເກີດຂຶ້ນໃນລັດໃດ ອີກທັງຍັງບໍ່ໄດ້ຍົກຕົວຢ່າງການທຸຈະລິດທີ່ເກີດຂື້ນ

ທີມຫາສຽງຂອງທຣຳ ທີ່ຍື່ນເລື່ອງຮ້ອງຕໍ່ສານໃນລັດ ເພນຊິນເວເນຍ ໄດ້ຮັບການຕອບສະຫນອງຈາກສານມື້ວານນີ້ ຫລັງຜູ້ພິພາກສາຕັດສີນວ່າ ຜູ້ສັງເກດການນັບບັດເລືອກຕັ້ງ ສາມາດເຂົ້າໄປເບີ່ງເຈົ້າຫນ້າທີ່ນັບບັດເລືອກຕັ້ງໄດ້ ຢ່າງໃດກໍ່ຕາມ ແມ້ຜູ້ພິພາກສາເຂດ ຈະເຫັນນຳກັບທີມຫາສຽງຂອງທຣຳ ແຕ່ຜູ້ພິພາກສາສານສູງຂອງລັດບໍ່ເຫັນນຳ

ຂະນະທີ່ທຣຳ ໂພສທະວີດຂໍ້ຄວາມຕໍ່ເນື່ອງ ຮຽກຮ້ອງໃຫ້ຢຸດນັບບັດເລືອກຕັ້ງ ໂດຍສະເພາະບັດເລືອກຕັ້ງທີ່ເດີນທາງມາເຖີງຫລັງວັນເລືອກຕັ້ງ ເຊີ່ງທຣຳຕ້ອງການຈະຢຸດຕິການນັບຄະແນນ

ຂ່າວຕ່າງປະເທດ