ປະຫວັດຂອງ “ໂຈ ໄບເດນ”ວ່າທີ່ປະທານາທິບໍດີຄົນໃຫມ່ຂອງສະຫະລັດອາເມລິກາ

ປະຫວັດຂອງ “ໂຈ ໄບເດນ”ວ່າທີ່ປະທານາທິບໍດີຄົນໃຫມ່ຂອງສະຫະລັດອາເມລິກາ

ທ່ານ Joseph Robinette Biden, Jr. ເກີດເມື່ອວັນທີ 20 ພະຈິກ 1942 ທີ່ເມືອງສີເເຄນຕັນ ລັດເພນຊິວາຣເນຍ ສະຫະລັດອາເມຣິກາ ແລະ ປັດຈຸບັນອາຍຸ 78 ປີ ຈົບປະລິນຍາຕີ ສາຂາລັດຖະສາດ ແລະ ປະຫວັດສາດ ແລະ ສໍາເລັດການສຶກສານິຕິສາດ Juris Doctor

ປີ 1968-1969 ທະນາຍຄວາມຝ່າຍຈໍາເລີຍ ທີ່ເມືອງ Wilmington, ປີ 1970-1972 ສະມາຊິກສະພາເທດສະມົນທົນ
New Castle ລັດເດລາເເວຣ໌, 4.1973 ເລີ່ມຊີວິດທາງການເມືອງ ເປັນສະມາຊິກວຸດທິສະພາ(ສ.ວ) ລັດເດລາເເວຣ໌ (06 ສະໄໝ),

ປີ 1987-1999 ປະທານຄະນະກໍາມາທິການຍຸຕິທໍາ ສະຫະລັດ, ປີ 2001-2009 ປະທານຄະນະກໍາມາທິການຕ່າງປະເທດ ວຸດທິສະພາສະຫະລັດ,

ປີ 2009-2017 ຮອງປະທານາທິບໍດີສະຫະລັດ ຄົນທີ 44 (ສະໄໝປະທານາທິບໍດີ Barack Obama),

2020 ຜູ້ທ້າຊິງຕໍາເເໜ່ງປະທານາທິບໍດີສະຫະລັດອາເມລິກາ ຄົນທີ 46 (ຈາກພັກເດໂມເຄຣດ) ກັບ ທ່ານ Donal Trump, ພັນລະຍາຜູ້ທຳອິດໄດ້ເສຍຊີວິດຍ້ອນອຸບັດຕິເຫດພ້ອມລູກ ແລະ ໄດ້ແຕ່ງງານໃໝ່ກັບພັນລະຍາຜູ້ປັດຈຸບັນ ຊື່ Jill Biden.

ແນວ​ນະໂຍບາຍ​ຫຼັກ​ຂອງ​ທ່ານ​ເນັ້ນ​ການສ້າງ​ໂອ​ກາດ​ທາງ​ເສດຖະກິດ​ໃຫ້​ຄົນ​ເຮັດວຽກ​ໂດຍ​ສະໜັບ​ສະໜຸນໃຫ້​ເພີ່ມ​ອັດຕາ​ຄ່າ​ແຮງ​ຂັ້ນ​ຕ່ຳ​ເປັນ 15 ໂດລາສະຫະລັດ (ປະມານ 139,000 ກີບ) ຕໍ່​ຊົ່ວ​ໂມງ. ທ່ານຍັງ​ສັນຍາ​ວ່າ ພາຍ​ໃນ 100 ມື້​ທຳອິດ​ຂອງ​ການ​ຂຶ້ນ​ດຳ​ລົງ​ຕຳແໜ່ງ​ຜູ້​ນຳ​ສະຫະລັດ, ທ່ານ​ຈະ​ປ່ຽນ​ນະໂຍບາຍ​ຂອງ​ທ່ານ​ ທຣຳ ​ທີ່​ເຮັໃດຫ້​ພໍ່​ແມ່​ລູກ​ຕ້ອງຈາກກັນທີ່​ຊາຍແດນ​ລະຫວ່າງ​ສະຫະລັດກັບ​ເມັກ​ຊິ​ໂກ, ຍົກ​ເລີກ​ຂໍ້​ຈຳ​ກັດ​ເລື່ອງ​ການ​ສະໝັກ​ຂໍ​ຮັບສະຖານະ​ຜູ້​ລີ້ໄພ ແລະ ​ຍົກ​ເລີກ​ຂໍ້​ຫ້າມ​ເດີນທາງ​ເຂົ້າ​ປະເທດ​ຈາກ​ກຸ່ມປະເທດມຸດສະລິມ

ໃນ​ການ​ໂຕ້​ວາ​ທີ​ຄັ້ງ​ທຳອິດ​ຂອງ​ຜູ້​ສະໝັກ​ຊີງຕຳແໜ່ງປະທາ​ນາ​ທິບ​ໍດີສະຫະລັດ ຄົນທີ່ 46 ເມື່ອ​ຄືນວັນອັງ​ຄານ​ທີ 29 ກັນຍາ, ທ່ານ​ ໄບ​ເດນ ​ຖືກ​ທ່ານ​ ທຣຳ​ ຂັດ​ຈັງ​ຫວະ​ເປັນ​ສ່ວນ​ໃຫຍ່ ແລະ​ ນັ້ນ​ກໍ​ເຮັດໃຫ້​ເກີດ​ການ​ໂຕ້​ຖຽງ​ກັນ​ໄປ​ມາ​ຈົນ​ວຸ່ນວາຍ ລວມ​ທັງ​ການ​ທີ່​ທ່ານ ​ທຣຳ​ ຕັ້ງ​ຄຳ​ຖາມ​ເລື່ອງ​​ປັນຍາ​ຂອງ​ທ່ານ​ ໄບ​ເດນ, ສ່ວນ​ທ່ານ​ ໄບ​ເດນ ​ເອງ​ກໍ​ເອີ້ນທ່ານ ​ທຣຳ​ ວ່າ​ເປັນຕົວ​ຕະຫຼົກ ບອກ​ໃຫ້​ງຽບ​ເສຍ ແລະ ​ຕັ້ງ​ຄຳ​ຖາມ​ຢ່າງ​ຮຸນແຮງ​ວ່າ “ທ່ານ​ຈະ​ງຽບປາກ​ໄດ້​ບໍ?” ຄລິ​ບວິ​ດີ​ໂອ​ນີ້​ໄດ້ຮັບ​ການ​ເຜີຍແຜ່​ໄປ​ຫຼາຍ​ພື້ນ​ທີ່​ທົ່ວ​ໂລກ

ຂ່າວຕ່າງປະເທດ