ລູກສາວໂພສເສົ້າອາໄລຫາພໍ່-ແມ່ ຈາກໄປບໍ່ທັນໄດ້ລ້ຳລາ 2ສົບໂຊກຮ້າຍຖືກໂຈນປຸ້ນຄໍາຍິງດັບທີ່ທ່າແຂກ

ລູກສາວໂພສເສົ້າອາໄລຫາພໍ່-ແມ່ ຈາກໄປບໍ່ທັນໄດ້ລ້ຳລາ 2ສົບໂຊກຮ້າຍຖືກໂຈນປຸ້ນຄໍາຍິງດັບທີ່ທ່າແຂກ

ຂ່າວສະເທືອນໃຈ ໂຈນປຸເນຄໍາສຸດໂຫດຢູ່ທ່າແຂກ :ວັນທີ20.2.2021 ໂຈນປຸ້ນເອົາຄຳຢູ່ຕະຫຼາດຫຼັກ2ທ່າແຂກ ແຂວງຄຳມ່ວນ ໂຈນຍິງເຈົ້າຂອງຮ້ານຄຳເສຍຊີວິດທັງສອງຈາກແຫຼ່ງຂ່າວໃຫ້ຂໍ້ມູນໄດ້ແຈ້ງວ່າ ຜົວມາຮັບຜູ້ເປັນເມຍທີ່ມາຂາຍຄຳຢູ່ຕະຫຼາດ ຈາກນັ້ນມີໂຈນໄດ້ມາລັດ ແລ້ວໃຊ້ປືນຍິງເຮັດໃຫ້ມີຜູ້ຊີວິດ 2 ຄົນ ບາດເຈັບສາຫັດ 1 ຄົນ

ເຫດການດັ່ງກ່າວ ຖືເປັນອີກເຫດການປຸ້ນໂຫດ ທີ່ສ້າງຄວາມສະເທືອນໃຈໃຫ້ກັບຜູ້ຮັບຮູ້ ຫຼື ພົບເຫັນບໍ່ໜ້ອຍ ແລະ ຍັງເປັນທີ່ກ່າວເຖິງໃນສັງຄົມອອນລາຍຈໍານວນຫຼາຍ. ແນວໃດກໍ່ຕາມ ເຫດການດັ່ງກ່າວນັບແຕ່ມື້ເກີດເຫດຈົນຮອດປັດຈຸບັນ ຍັງບໍ່ສາມາດຈັບຕົວຜູ້ກໍ່ເຫດໄດ້ ແຕ່ກໍ່ມີຄວາມຄືບໜ້າ ເມື່ອວັນທີ 21 ກຸມພາ ກໍ່ມີຂໍ້ມູນເພີ່ມພົບເຫັນອາວຸດ, ລົດ, ເຄື່ອງນຸ່ງ ແລະ ຖົງຜ້າຂອງຜູ້ກໍ່ເຫດຢູ່ຕາມປ່າແຫ່ງໜຶ່ງ.

ຫຼ້າສຸດ ລູກສາວຂອງຜູ້ເສຍຊີວິດ ໂພສຂໍ້ຄວາມສຸດເສົ້າອາໄລຫາພໍ່ແມ່ອັນເປັນທີ່ຮັກ ວ່າ:

ສິ່ງນີ້ບໍທີ່ຕອບແທນຄົນດີ…ມັນຄືກັບຝັນເປັນຝັນທີ່ບໍ່ມີມື້ຕື່ນ ເປັນເລື່ອງທີ່ບໍ່ທັນຕຽມໃຈ ຈັກຄຳກະຍັງບໍ່ໄດ້ລາ; ຄຳເວົ້າສຸດທ້າຍເອົາໝາກພ້າວເມືອຫນ່ວຍຫນຶ່ງກະໄດ້ແລ້ວ ຄືບໍ່ກັບມາກິນ ລູກຕານລອຍແກ້ວທີ່ບອກເຮັດໃຫ້ກິນເດຍັງບໍ່ໄດ້ກິນຊໍ່າ ບໍ່ຄິດເລີຍວ່າມື້ນີ້ຕ້ອງໄດ້ເຄາະໂລງເອີ້ນເຈົ້າມາກິນ.

ແນວໃດກໍ່ຕາມ ເຫດການເສົ້າທີ່ເກີດຂຶ້ນ ມັນສະເທືອນໃຈຫຼາຍ ແລະ ມັນສ້າງຄວາມໂສກເສົ້າເສຍໃຈໃຫ້ກັບຄອບຄົວຜູ້ໂຊກຮ້າຍບໍ່ໜ້ອຍ, ແອັດຂໍສະແດງຄວາມເສຍໃຈຕໍ່ເຫດການທີ່ເກີດຂຶ້ນ ແລະ ຂໍໃຫ້ດວງວິນຍານຂອງຜູ້ໂຊກຮ້າຍໄປສູ່ສຸຂະຕິດ້ວຍເຖີ້ນ.

ຂ່າວລາວ