ສາວໃຈເດັດ ຂີ່ລົດໄລ່ຕຳໂຈນລ່າສຸດຄະນະອາຈານຈາກວິທະຍາໄລສັບພະເຂົ້າຢ້ຽມອາການບາດເຈັບ

ສາວໃຈເດັດ ຂີ່ລົດໄລ່ຕຳໂຈນລ່າສຸດຄະນະອາຈານຈາກວິທະຍາໄລສັບພະເຂົ້າຢ້ຽມອາການບາດເຈັບ

ສຸດຍອດສາວໃຈເດັດຖືກໂຈນດຶງກະເປົາ ຂີ່ລົດນໍາຕໍາລົດໂຈນ ປະຊາຊົນຊ່ວຍ ໄລ່ຈັບຈົນໄດ້. ຊົມເຊີຍພົນລະເມືອງດີທຸກທ່ານທີ່ຊ່ວຍຈັບໂຈນຄັ້ງນີ້ ເຫດການເກີດຂື້ນຕອນທ່ຽງວັນທີ 22 ຕຸລາ 2020 ຖະຫນົນກຳແພງເມືອງ ບ້ານໂພນປາເປົ້າ ເມືອງສີສັດຕະນາກ ນະຄອນຫລວງວຽງຈັນ

ນາງ ລີນາ ບຸນວິໄລພອນ ນັກສຶກສາສາຂາໄຟຟ້າ ທີ່ວິທະຍາໄລສັບພະວິຊາ, ຈາກການໃຫ້ຂໍ້ມູນຂອງຜູ້ກ່ຽວ ຫຼັງຕັດສິນໃຈເຮັດສິ່ງທີ່ອັນຕະລາຍຕໍ່ຊີວິດຂອງຕົນເອງ ນ້ອງລີນາເຜີຍວ່າ: ທີ່ຕັດສິນໃຈແບບນັ້ນ ເພາະໃນກະເປົາມີເງິນກ້ອນສຸດທ້າຍຂອງຕົນເອງຢູ່ ເຊິ່ງມັນສໍາຄັນຫຼາຍ ຕ້ອງນໍາມາຈ່າຍຄ່າຫ້ອງ ແລະ ຄ່າຮຽນ ຈຶ່ງບໍ່ຄິດເຫັນຊີວິດຕົນເອງເລີຍໃນຕອນນັ້ນ

ຈາກເຫດການດັ່ງກ່າວເຮັດໃຫ້ນ້ອງລີນາ ໄດ້ຮັບບາດເຈັບຫຼາຍສົມຄວນ, ແຕ່ທັງນີ້ທັງນັ້ນ ສິ່ງທີ່ນ້ອງເຮັດລົງໄປ ຖືໄດ້ວ່າເປັນການຊ່ວຍເຫຼືອສັງຄົມ ກໍ່ຄືການກໍາຈັດບຸກຄົນບໍ່ດີ ຫຼື ໂຈນຜູ້ຮ້າຍໃຫ້ອອກຈາກສັງຄົມໄປອີກ 1ຄົນ ແລະ ແນ່ນອນ ສັງຄົມຕ່າງກໍ່ຍ້ອງຍໍ ຂະນະດຽວກັນ ອົງການຈັດຕັ້ງ ໂດຍສະເພາະສະຖາບັນການສຶກສາທີ່ນ້ອງຮຽນຢູ່ ກໍ່ເຫັນຄວາມສໍາຄັນ

ລ່າສຸດວັນທີ 23 ຕຸລາ 2020 ອາຈານສຸລິວັນ​ ຄຳພາວົງ,​ ຮອງຜູ້ອຳນວຍການວິທະຍໄລເຕັກນິກສັບພະວິຊາ,​ ທ່ານ.​ນ​ຈັນມະລີ​ ອິນທະປະຖາ ປະທານກວດກາຄະນະພັກຮາກຖານ,​ພະແນກ​ກິດຈະກຳນັກສືກສາ,​ ພ້ອມ3ອົງການຈັດຕັ້ງມະຫາຊົນເຂົ້າໄປຢ້ຽມຢາມນ້ອງລີນາເຖິງຫ້ອງພັກແລ້ວ

ໂສມໜ້າຜູ້ຖືກຫາດຶງກໍ່ເຫດກະເປົານ້ອງນັກສຶກສາໃນວັນທີ 22 ຕຸລາ ທີ່ຜ່ານມາ, ຖືກຈັບດຳເນີນຄະດີແລ້ວຕາມກົດໝາຍ. ຜູ້ກໍ່ເຫດຊື່ທ້າວ ບ໋ອບບີ ສຸທຳ ອາຍຸ 24 ປີ ຢູ່ບ້ານດອນກອຍ ເມືອງໄຊເສດຖາ ນະຄອນຫຼວງວຽງຈັນ.ຜູ້ກ່ຽວເຄີຍຖືກໂທດມາແລ້ວ 2 ຄັ້ງ. ແຕ່ຄັ້ງນີ້ອາດຈະຖືກໂທດນານກວ່າທີ່ຜ່ານມາ.

ຂ່າວລາວ