ສ.ອາເມລິກາ ມີຜູ້ເສຍຊີວິດຈາກອຸບັດເຫດເພີ່ມຂຶ້ນກວ່າ10%

ສ.ອາເມລິກາ ມີຜູ້ເສຍຊີວິດຈາກອຸບັດເຫດເພີ່ມຂຶ້ນກວ່າ10%

ສຳນັກ​ຂ່າວ ​ຊິນ​ຮວາ​ ຂອງ​ຈີນ,ວັນ​ທີ19​ ພຶດສະພາ​ນີ້, ສຳນັກງານ ບໍລິຫານ ຄວາມປອດໄພ ການຈະລາຈອນ ທາງຫລວງ ແຫ່ງຊາດ ສ.ອາ​ເມ​ລິ​ກາ (NHTSA) ໄດ້ເປີດເຜີຍ ການຄາດຄະເນ ເບື້ອງຕົ້ນວ່າ ຈໍານວນ ຜູ້ເສຍຊີວິດ ຕາມຖະໜົນໃນ ສ.ອາ​ເມ​ລິ​ກາເພີ່ມຂຶ້ນ 10,5% ​ກວມ​ເອົາ ​ຈຳນວນ 42,915 ຄົນ ໃນປີ 2021 ເຊິ່ງເປັນການ ເສຍຊີວິດ ທາງຖະໜົນ ສູງທີ່ສຸດ ຂອງ ສ.ອາ​ເມ​ລິ​ກາ ນັບຕັ້ງແຕ່ປີ 2005 ເປັນຕົ້ນມາ.

ຕົວ​ເລກ​ ດັ່ງກ່າວ ຍັງ​ຖື​ເປັນ ​ການ​ເພີ່ມ​ຂຶ້ນ ​ລາຍ​ປີ ສູງ​ທີ່​ສຸດ ນັບ​ແຕ່​ ໃຊ້​ລະບົບ ​ຕິດຕາມ ການ​ເສຍ​ຊີວິດ ຈາກ​ອຸບັດ​ເຫດ ຕາມ​ຖະໜົນ​ ​ເມື່ອ​ປີ1975 ​ເນື່ອງ​ຈາກ​ ຜູ້​ຂັບ​ຂີ່ ບໍ່​ປະຕິບັດ​ ກົດລະບຽບ​ ການ​ສັນຈອນ​ ຫລາຍ​ຂຶ້ນ​ ໂດຍ​ສະ​ເພາະ ຂັບ​ລົດ​ໄວ​ ເກີນ​ກຳນົດ,​ເມົາ​ແລ້ວ​ຂັບ ​ແລະ ປັດ​ໄຈ​ ອື່ນໆ​ອີກ./. (ພາກ​ຂ່າວ:ຕ່າງປະ​ເທດ)

ຮຽບຮຽງ​ຂ່າວ​ໂດຍ: ສະ​ໄຫວ ລາດ​ປາກ​ດີ

ຂ່າວຕ່າງປະເທດ