ສປປ ລາວ ຍັງມີນໍ້າມັນພຽງພໍຢູ່ ຂໍໃຫ້ທຸກຄົນຢ່າແຕກຕື່ນ

ສປປ ລາວ ຍັງມີນໍ້າມັນພຽງພໍຢູ່ ຂໍໃຫ້ທຸກຄົນຢ່າແຕກຕື່ນ

ໃນທ້າຍອາທິດທີ່ຜ່ານມາ, ທ່ານຈັນທອນສິດທິໄຊປະທານບໍລິສັດປີໂຕຣລ້ຽມເທຣດດີ້ງລາວມະຫາຊົນໄດ້ອອກມາຖະແຫລງຂ່າວຕໍ່ສື່ມວນຊົນວ່າ: ເພື່ອບໍ່ໃຫ້ສັງຄົມພາກັນແຕກຕື່ນ ແລະຢ່າວິຕົກກັງວົນຈົນເກີນໄປ ຕໍ່ກັບການຂາດແຄນນໍ້າມັນ ເພາະລັດຖະບານລາວໄດ້ອະນຸມັດເງິນຕາບາງສ່ວນໃຫ້ທາງບໍລິສັດ ປີໂຕລ້ຽມເທຣດດິ້ງລາວ ມະຫາຊົນ ເພື່ອນຳໄປຊື້ນໍ້າມັນມາສະໜອງ ໃຫ້ສັງຄົມໄດ້ຊົມໃຊ້ພາຍໃຕ້ຄໍາເວົ້າທີ່ວ່າ: ການແບ່ງປັນນໍ້າມັນດີກວ່າການຍາດແຍ່ງນໍ້າມັນກັນ.

ທ່ານປະທານບໍລິສັດ ປີໂຕຣລ້ຽມເທຣດດີ້ງລາວ ມະຫາຊົນໄດ້ກ່າວຢືນຢັນວ່າ: ສປປ ລາວ ຍັງບໍ່ຕົກໃນວິກິດຂອງການຂາດແຄນນໍ້າມັນເພື່ອຊົມໃຊ້ ເພາະລັດຖະບານລາວໄດ້ມີການປຶກສາຫາລືກັບບັນດາທະນາຄານພານິດ ໃຫ້ເຂົ້າມາຊ່ວຍໃນດ້ານເງິນຕາ ແລະຫາລືກັນເພື່ອຊອກຫາແຫລ່ງນໍ້າມັນທີ່ມີລາຄາຖືກ,

ຜ່ານມາບໍລິສັດ ປີໂຕຣລ້ຽມເທຣດດີ້ງລາວ ມະຫາຊົນ ກໍ່ໄດ້ນໍາເຂົ້ານໍ້າມັນຈາກໄທ, ຫວຽດນາມ, ຕາເວັນອອກກາງ ແລະສິງກະໂປ, ປັດຈຸບັນ ທາງບໍລິສັດໄດ້ເປີດປໍ້ານໍ້າມັນເປັນປົກກະຕິແລ້ວ, ເຊິ່ງເປີດຂາຍ ແຕ່ເວລາ 7:00 ໂມງເຊົ້າຫາ 17:00 ໂມງ.ບໍລິສັດພວກເຮົາມີສາງເກັບນໍ້າມັນທົ່ວປະເທດແລະມີປໍ້ານໍ້າມັນຢູ່150ປໍ້າທີ່ພ້ອມຈະສະໜອງນໍ້າມັນໃຫ້ທຸກປໍ້າ.

ຂ່າວລາວ