ພໍ່ຕູ້ພວງສູນຫາຍຕອນນີ້ຍັງບໍ່ພົບ ທາງລູກຫຼານໄດ້ເຕົ້າໂຮມເຮັດພິທີວັນເກີດໃຫ້ພໍ່ຕູ້ເພື່ອເປັນສີຣິມຸງຄຸນ

ພໍ່ຕູ້ພວງສູນຫາຍຕອນນີ້ຍັງບໍ່ພົບ ທາງລູກຫຼານໄດ້ເຕົ້າໂຮມເຮັດພິທີວັນເກີດໃຫ້ພໍ່ຕູ້ເພື່ອເປັນສີຣິມຸງຄຸນ

ວັນທີ 03/10/2020 ພໍ່ຕູ້ພວງ ອາຍຸ 95 ປີ, ພ້ອມດ້ວຍຫຼານ 2 ຄົນ ອາຍຸ 32 ປີ ( ເປັນຫຼານສາວ ແລະ ຫຼານເຂີຍ ), ເຫຼນ3 ຄົນ ອາຍຸ 12 ປີ, 9 ປີ ແລະ 5 ປີ ຕາມລຳດັບ ລວມແລ້ວມານຳກັນທັງໝົດ 6 ຄົນ, ໃດ້ມາເຖິງສູນຂໍ້ມູນຂອງສະຖານທີ່ທ່ອງທ່ຽວນໍ້່າປຽນຢໍລະປ່າເວລາ 12:15 ແລະ ພໍ່ຕູ້ພວງໄດ້ຫຼົງປ່າ ຈົນມາຮອດປັດຈຸບັນຍັງຊອກບໍ່ເຫັນ

ດ້ວຍຄວາມຄິດຮອດຢ່າງສຸດຊື້ງ ມື້ນີ້ ລູກຫຼານໄດ້ເຕົ້າໂຮມພ້ອມພຽງຮຽງຫນ້າກັນເຮັດພິທີນ້ອຍໆອັນເປັນສີຣິມຸງຄຸນ ຜູກຄໍ່ຕໍ່ແຂນ ນິມົນພຣະສົງ ສູດປະຣິຕຕະມຸງຄຸນ ໃນວັນທີ 20 ຕຸລາ2020 ເພື່ອໃຫ້ເປັນສີຣິມຸງຄຸນເນື່ອງໃນການວຽນຮອບວັນຄ້າຍວັນເກີດ ຄົບຮອບອາຍຸ 90ປີ ຂອງພໍ່ຕູ້ພວງ ສຸວັນນະວົງ

ເປັນເວລາ 18ວັນແລ້ວ ຍັງໄຮ້ວີ່ແວວຮ່ອງຮອຍຂອງພໍ່ຕູ້ທີ່ສູນຫາຍ ແຕ່ວັນທີ 3/10/2020ເປັນຕົ້ນມາ ເຖີງຢ່າງໃດກໍຕາມ ລູກຫຼານພໍ່ຕູ້ພວງທຸກໆຄົນ ກໍຍັງມີຄວາມຫວັງເປັນຢ່າງຍິ່ງວ່າ ພໍ່ຕູ້ພວງ ຍັງມີຊີວິດຢູ່ ແລະລູກຫຼານກໍຈະເຮັດທຸກວິທີທາງເພື່ອຊອກຫາພໍ່ຕູ້ພວງໃຫ້ພົບ ແລະກັບມາຢູ່ນຳລູກຫຼານໄວໆ ຂໍໃຫ້ສິ່ງສັກສິດຈົ່ງດົນບັນດານໃຫ້ເຈົ້າໜ້າທີ່ ຈົ່ງຄົ້ນຫາ ໃຫ້ພົບພໍ່ຕູ້ພວງໃນໄວໆນີ້ດ້ວຍເທີ້ນ

ຂ່າວລາວ