ການລົງຫາສຽງແບບບ້ານໆຂອງ ສສ ນວ ເພື່ອເອົາໃຈປະຊາຊົນ ຢູ່ບ້ານດອນກາງ ເຂດເມືອງສັງທອງ.

ການລົງຫາສຽງແບບບ້ານໆຂອງ ສສ ນວ ເພື່ອເອົາໃຈປະຊາຊົນ ຢູ່ບ້ານດອນກາງ ເຂດເມືອງສັງທອງ.

ໃນວັນທີ 17 ກຸມພາ 2021 ຂະບວນການລົງໂຄສະນາຫາສຽງຂອງ ຜູ້ຮັບສະໝັກປະຈຳເຂດເລືອກຕັ້ງເມືອງສັງທອງ ໄດ້ສືບຕໍ່ເຄື່ອນໄຫວລົງໂຄສະນາຫາສຽງ ພ້ອມທັງພົບປະໂອ້ລົມຜູ້ມີສິດປ່ອນບັດເລືອກຕັ້ງ ຢູ່ບ້ານດອນກາງຂອງ ເພື່ອເຮັດໃຫ້ຜູ້ມີສິດປອນບັດເລືອກຕັ້ງໄດ້ຮັບຮູ້, ເຂົ້າໃຈຕໍ່ຈຸດປະສົງລະດັບຄາດ ໝາຍ, ຄວາມໝາຍ, ຄວາມສຳຄັນ ແລະ ທັງເປັນການລົງໂຄສະນາຫາສຽງຂອງຄະນະຜູ້ແທນເຂດເລືອກຕັ້ງຕ່າງໆໃຫ້ທົ່ວເຖິງປະຊາຊົນຢ່າງແທ້ຈິງ

ດັ່ງນັ້ນຜູ້ແທນສະໝັກຮັບເລືອກຕັ້ງ ສສຂ ນວ ຊຸດທີ II ປະຈຳເຂດເລືອກຕັ້ງເມືອງສັງທອງ ກໍ່ໄດ້ລົງເຄື່ອນໄຫວຢ່າງຕັ້ງໜ້າ ແລະ ເອົາໃຈໃສ່ເຕັມເມັດເຕັມໜ່ວຍ ເຊິ່ງໄດ້ຮັບການຕ້ອນຮັບຢ່າງອົບອຸ່ນຈາກຜູ້ມີສິດປ່ອນບັດເລືອກຕັ້ງ ຢ່າງມີບັນຍາກາດຟົດຟື້ນ ທັງໝົດ 125 ຄົນ, ຍິງ 87 ຄົນ.

ເພື່ອເຮັດໃຫ້ການລົງຫາສຽງໃນຄັ້ງນີ້ມີຄວາມສະຫງົບ ປອດໄພ ທ່ານ ພັທ ຢອນສັນ ສີຫາພົມ, ຮອງພະແນກຢາເສບຕິດ ຄະນະກໍ່ສ້າງຮາກຖານກອງຮ້ອຍ 8 ຊີ້ນຳກຸ່ມ I ໂຄກເພີງ, ສົມທົບກັບ ທະຫານຊາຍແດນ, ອຳນາດການປົກຄອງບ້ານ, ປກສ ບ້ານ ລົງຕິດຕາມການເຄື່ອນໄຫວປ້ອງກັນ ແລະ ອຳນວຍຄວາມສະດວກເພື່ອເຮັດໃຫ້ການລົງຫາສຽງໃນຄັ້ງນີ້ມີຄວາມຟົດຟືນ, ມີຄວາມສະຫງົບ ແລະ ມີຄວາມເປັນລະບຽບຮຽບຮ້ອຍ.

ຂ່າວລາວ