ປະເທດ ການາດາ ພົບຜູ້ຕິດໂຄວິດ-9 ຈາກຖ້ຽວບິນເກືອບ 1000ຖ້ຽວ

ປະເທດ ການາດາ ພົບຜູ້ຕິດໂຄວິດ-9 ຈາກຖ້ຽວບິນເກືອບ 1000ຖ້ຽວ

ສຳນັກຂ່າວຊີທີວີ ນິວ (CTV News) ຂອງການາດາ ລາຍງານວ່າຖ້ຽວບິນພາຍໃນປະເທດຫລາຍກວ່າ 370 ທ້ຽວ ແລະ ຖ້ຽວບິນລະຫວ່າງປະເທດເກືອບ 600 ທ້ຽວ ໃນການາດາ ໄດ້ຮັບຮອງຜູ້ໂດຍສານທີ່ຕິດເຊື້ອໄວລັດໂຄວິດ-19

ລາຍງານລະບຸວ່າຖ້ຽວບິນລວມ 973 ທ້ຽວ ບີນເຂັ້າມາຫລື ບີນພາຍໃນການາດາພ້ອມຜູ້ໂດຍສານທີ່ຕິດໂຄວິດ-19 ນັບຕັ້ງແຕ່ວັນທີ່ 4ກຸມພາ ເຖີງ 24 ສີງຫາ ທີ່ຜ່ານມາ ໂດຍຖ້ຽວບິນສຸດທ້າຍທີ່ກວດພົບຜູ້ປ່ວຍໂລກວິດ-19 ເດິນທາງຈາກເມືອງເອັດມັນຕັນໃນລັດແອນເບີຕາ ມາທີ່ເມືອງໂຕຮອນໂຕ ເມື່ອວັນອາທິດ (23 ສີງຫາ) ລັດຖະມົນຕີກະຊວງຄົມມະນາຄົມ ຂອງການາດາ ເຜີຍວ່າລັດຖະບານກຳລັງດຳເນີນມາດຕະການຢ່າງຈີງຈັງແລະເປັນຂັ້ນຕອນ ເພື່ອລຸດຄວາມສ່ຽງທີ່ຜູ້ໂດຢສານຈະນຳເຊື້ອໄວລັດເຂົ້າມາໃນປະເທດ

ມາດຕະການເຫລົ່ານີ້ລວມເຖີງການຕອບຄຳຖາມ ການກວດອຸນຫະພູມຮ່າງກາຍເມື່ອມີຜູ້ເດີນທາງມາຈາກຕ່າງປະເທດ ແລະ ພວກເຂົາຈຳເປັນຕ້ອງໃສ່ຫນ້າກາກອານາໄມ ກາໂນເວົ້າວ່າ “ທັງຫມົດນີ້ເປັນມາດຕະການທີ່ອອກແບບມາເພື່ອລຸດຄວາມເປັນໄປໄດ້ທີ່ຈະປ່ອຍຜູ້ຕິດເຊື້ອເຂົ້າມາແລະແພ່ເຊື້ອໃນປະເທດ ຂະນະທີ່ພວກເຂົາຢູ່ເທີງເຄືອງບິນ”

ທັງນີ້ ສຳນັກສາທາລະນະສຸກການາດາ (PHAC) ລາຍງານການກວດພົບຜູ້ປ່ວຢໂລກໂຄວິດ-19 ໃນປະເທດລວມຢູ່ທີ່ 129,923 ຄົນ ແລະ ຜູ້ປ່ວຍເສຍຊີວິດ 9,135 ຄົນ ຂະນະຫ້ອງປະຕິບັດການທົ່ວປະເທດໄດ້ດຳເນີນການການກວດໂລກໃຫ້ປະຊາຊົນສະເລ່ຍ 46,000 ຄົນຕໍ່ມື້ໃນຊ່ວງອາທິດທີ່ຜ່ານມາ ໂດຍພົບຜູ້ມີຜົນກວດເປັນບວກຮ້ອຍລະ 0.9 ສ່ວນຈຳນວນຜູ້ປ່ວຍຄົນໃຫມ່ສະເລ່ຍຢູ່ທີ່ 501 ຄົນຕໍ່ມື້ໃນຊ່ວງ 7 ມື້ທີ່ຜ່ານມາ

ຂ່າວຕ່າງປະເທດ