ຜົນເສຍຫາຍຈາກພາຍຸລະດູຮ້ອນພັດເຂົ້າເທດສະບານແຂວງເຊກອງ

ຜົນເສຍຫາຍຈາກພາຍຸລະດູຮ້ອນພັດເຂົ້າເທດສະບານແຂວງເຊກອງ

ໃນວັນທີ 20 ມີນາ 2021 ເວລາປະມານ 17:30 ເກີດພາຍຸພັດເຂົ້າເຂດຕົວເມືອງເຊກອງເຮັດໃຫ້ເສົາໄຟຟ້າຫັກລົ້ມ ທັບລົດແລະເຮືອນເພເສຍຫາຍໜັກ ແລະ​ ໄຟຟ້າດັບເປັນວົງກວ້າງ.​ຍັງບໍ່ມີລາຍງານຜູ້ໄດ້ຮັບບາດເຈັບ ຫຼື ເສຍຊີວິດຈາກພາຍຸລະດູຮ້ອນເທື່ອນີ້ ແນວໃດກໍ່ຕາມໃຫ້ມີສະຕິລະມັດລະວັງຕໍ່ສະພາບຝົນຕົກ ຟ້າຮ້ອງ ຟ້າເຫຼື້ອມ, ຟ້າຜ່າ, ໜາກເຫັບຕົກ ພ້ອມລົມພັດແຮງ ທີ່ຈະເຮັດໃຫ້ມີຕົ້ນໄມ້ຫັກ ແລະ ປ້າຍໂຄສະນາຫັກລົ້ມ, ເຮືອນເປ່ເພ

ດ້ານກົມອຸຕຸນິຍົມ ແລະ ອຸທົກກະສາດ ໄດ້ແຈ້ງເຕືອນພາຍຸຝົນຕົກຟ້າຮ້ອງຟ້າເຫຼື້ອມ ປະຈຳວັນທີ 20 ມີນາ 2021 ຄວາມກົດດັນຂອງອາກາດຮ້ອນທີ່ມີກຳລັງປານກາງສືບຕໍ່ປົກຄຸມຢູ່ທົ່ວທຸກພາກຂອງປະເທດລາວ ສົມທົບກັບກະແສລົມຕາເວັນຕົກພັດປົກຄຸມພາກເໜືອ ແລະ ພາກກາງ, ສ່ວນພາກໃຕ້ພັດປົກຄຸມດ້ວຍລົມຕາເວັນອອກສ່ຽງໃຕ້, ຊຶ່ງຈະເຮັດໃຫ້ອາກາດຮ້ອນ ຫາ ຮ້ອນເອົ້າ ແລະ ຈະມີພາຍຸຝົນຕົກ ຟ້າຮ້ອງ ຟ້າເຫຼື້ອມໃນລະດັບຄ່ອຍ ຫາ ປານກາງ

ພ້ອມມີລົມພັດແຮງຢູ່ບາງທ້ອງຖິ່ນແຂວງພາກເໜືອ ແລະ ພາກກາງ. ດັ່ງນັ້ນ ຈຶ່ງຂໍແຈ້ງເຕືອນເຖິງອານາດການປົກຄອງ ແລະ ພໍ່ແມ່ປະຊາຊົນ ທີ່ອາໃສຢູ່ເຂດພາກເໜືອ ແລະ ພາກກາງ ໃຫ້ມີສະຕິລະມັດລະວັງຕໍ່ສະພາບຝົນຕົກ ຟ້າຮ້ອງ ຟ້າເຫຼື້ອມ, ຟ້າຜ່າ, ໜາກເຫັບຕົກ ພ້ອມລົມພັດແຮງ ທີ່ຈະເຮັດໃຫ້ມີຕົ້ນໄມ້ຫັກ ແລະ ປ້າຍໂຄສະນາຫັກລົ້ມ, ເຮືອນເປ່ເພ ທີ່ຈະເກີດໃນໄລຍະ 1 ຫາ 2 ວັນຕໍ່ໜ້ານີ້

ຂ່າວລາວ