ກຳລັງເປັນກະແສ ຊຸດປະຈຳຊາດ”ປາກັດລາວ”ຂອງ Miss Grand Laos2020 ຖືກກ່າວຫາວ່າກ້ອບປີ້

ກຳລັງເປັນກະແສ ຊຸດປະຈຳຊາດ”ປາກັດລາວ”ຂອງ Miss Grand Laos2020 ຖືກກ່າວຫາວ່າກ້ອບປີ້

ດຣາມ່າແລ້ວ! ຊຸດປະຈຳຊາດຂອງ MGL 2020 ຖືກກ່າວຫາວ່າກ໊ອບປີ້ຊຸດປະຈຳຊາດ MUT2020

ເຟສບຸກ คำภีร์ อลังการ ດີຊາຍເນີຊາວໄທ ແລະ ເປັນຜູ້ອອກແບບຊຸດປະຈຳຊາດຂອງ Miss Grand Laos 2020 ໄດ້ເຜີຍແຜ່ຊຸດ “ປາກັດລາວ” ໂດຍໂຕຊຸດເອງເປັນຮູບຊົງປາກັດ ແລະ ມີລວດລາຍຂອງທຸງລາວ

ແຕ່ເມື່ອເຜີຍແຜ່ໄດ້ບໍ່ພໍເທົ່າໃດ! ຊາວເນັດທັງລາວ ແລະ ໄທຈຳນວນຫຼາຍຕ່າງສະແດງຄວາມຄິດເຫັນເປັນສ່ຽງດຽວກັນວ່າ ຊຸດດັ່ງກ່າວມີຄວາມຄ້າຍຄືກັບຊຸດ “ປາກັດໄທ” ທີ່ Miss Universe Thailand 2020 ຈະໃສ່ປະກວດເປັນຊຸດປະຈຳຊາດຂອງໄທໃນເດືອນພຶດສະພານີ້

ຄຳພີ ອະລັງການ ເປັນແຟຊັນດີຊາຍເນີຊາວໄທ ຜູ້ເຊິ່ງຢູ່ເບື້ອງຫຼັງຊຸດປະຈຳຊາດລາວຂອງນາງງາມຫຼາຍຄົນ ແຕ່ທີ່ໂດດເດັ່ນທີ່ສຸດແມ່ນຊຸດ “ກິນນາລີ” ທີ່ ອອນອານົງ ຫອມສົມບັດ ມິສຢູນິເວີສລາວ 2018 ໃສ່ເທິງເວທີປະກວດ ແລະ ສາມາດຊະນະລາງວັນຊຸດປະຈຳຊາດດີເດັ່ນມາໄດ້

ຂະນະທີ່ສື່ສາຍນາງງາມຫຼາຍເຈົ້າໄດ້ມີການເປີດປະເດັນ ແລະ ເກີດການຖົກຖຽງໃນໂລກອອນລາຍເປັນວົງກວ້າງ ປັດຈຸບັນແມ່ນຍັງບໍ່ທັນມີການຊີ້ແຈງຈາກທາງກອງປະກວດຂອງ Miss Grand Laos ແລະ ຜູ້ອອກແບບເທື່ອ

ຫຼ້າສຸດ FB ນັກອອກແບບຊຸດປະຈໍາຊາດໃຫ້ Miss Grand Laos 2020 ໄດ້ລົບຮູບທີ່ປະກາດວ່າຮູບຊຸດປາກັດເປັນຊຸດປະຈໍາຊາດແລ້ວ ອາດຈະເປັນຍ້ອນກະແສຕອບຮັບໄປໃນທາງລົບພໍສົມຄວນເພາະວ່າຄົນຄອມເມັ້ນວ່າຮຽນແບບຊຸດ Miss Universe Thailand 2020 ຂອງອາແມນດ້າ

ຂ່າວລາວ