ຢຶນຢັນ ທ່ານ ຈູມມະລີ ໄຊຍະສອນ ປອດໄພສ່ວນເມຍເສຍຊິວີດຈາກເຫດເຮືອຫລົ້ມທີ່ອ່າງນໍ້າງື່ມ

ຢຶນຢັນ ທ່ານ ຈູມມະລີ ໄຊຍະສອນ ປອດໄພສ່ວນເມຍເສຍຊິວີດຈາກເຫດເຮືອຫລົ້ມທີ່ອ່າງນໍ້າງື່ມ

ເວລາ 22:30 ວັນທີ 4 ເມສາ 2021 ຢຶນຢັນວ່າ ທ່ານ ຈູມມະລີ ໄຊຍະສອນ ອະດີດປະທານປະເທດ ປອດໄພ ຈາກເຫດເຮືອຫລົ້ມທີ່ອ່າງນໍ້າງື່ມ.

ອະດີດປະທານປອດໄພ ຈາກເຫດເຮືອຫລົ້ມທີ່ອ່າງນໍ້າງື່ມ

ຂປລ. ອຸບັດເຫດທາງເຮືອຢູ່ເຂດທ່ອງທ່ຽວອ່າງນໍ້າງື່ມ ແດນສະຫວັນ ແຂວງວຽງຈັນ ເປັນເຫດບັງເອີນ ຍ້ອນມີພາຍຸ ແລະ ລົມມາແຮງກະທັນຫັນຈົນເຮັດໃຫ້ເຮືອລໍາດັ່ງກ່າວຫລົ້ມ, ທ່ານ ອະດີດປະທານປະເທດ ຈູມມາລີ ໄຊຍະສອນ ຢູ່ໃນເຮືອລໍາດັ່ງກ່າວ ໄດ້ຮັບການຊ່ວຍເຫລືອຢ່າງປອດໄພ ພ້ອມດ້ວຍ ຜູ້ໂດຍສານ 30 ຄົນ ລວມເປັນ 31 ຄົນ ຊຶ່ງທັງໝົດພວມໄດ້ຮັບການປິ່ນ ປົວເປັນຢ່າງດີທີ່ໂຮງໝໍໃນນະຄອນ ຫລວງວຽງຈັນ.

ທ່ານ ຄຳພັນ ສິດທິດຳພາ ເຈົ້າແຂວງວຽງຈັນ ກ່າວວ່າ: ເຫດການຄັ້ງນີິ້ເກີດຂຶ້ນຍ້ອນມີລົມແຮງກະທັນຫັນ, ອະດີດປະທານປະເທດ ໄດ້ຮັບການຊ່ວຍເຫລືອປອດໄພ. ເຮືອນີ້ມີຜູ້ໂດຍສານ 39 ຄົນ, ພາຍຫລັງເກີດເຫດການ, ທາງອົງການຈັດຕັ້ງທີ່ກ່ຽວຂ້ອງທັງສູນກາງ ແລະ ທ້ອງຖິ່ນ ໄດ້ພ້ອມກັນສຸມໃສ່ ນໍາເອົາໜ່ວຍກູ້ໄພເຂົ້າກອບກູ້ຢ່າງກະທັນຫັນ, ກອບກູ້ຜູ້ທີ່ລອດຊີວິດໄດ້ທັງໝົດ 31 ຄົນ ນໍາສົ່ງໄປປິ່ນປົວຢູ່ໂຮງໝໍນະຄອນຫລວງວຽງຈັນ. ສ່ວນຜູ້ເສຍຊີວິດ 8 ຄົນ, ສົບໄດ້ບໍາເພັນກຸສົນຢູ່ທີ່ສະໂມສອນໃຫຍ່ກະຊວງການປ້ອງກັນປະເທດ.

Rip… ປ້າ ແກ້ວສາຍໄຈ ໄຊຍະສອນ

ຂ່າວລາວ