ການນຳຂັ້ນສູງ ແລະ ຫຼາຍພາກສ່ວນຮ່ວມສົ່ງສະການ ໃຫ້ຜູ້ເຄາະຮ້າຍຈາກເຫດການອຸບັດເຫດເຮືອລົ້ມຢູ່ອ່າງນ້ຳງື່ມ

ການນຳຂັ້ນສູງ ແລະ ຫຼາຍພາກສ່ວນຮ່ວມສົ່ງສະການ ໃຫ້ຜູ້ເຄາະຮ້າຍຈາກເຫດການອຸບັດເຫດເຮືອລົ້ມຢູ່ອ່າງນ້ຳງື່ມ

ໃນວັນທີ 8 ເມສາ 2021 ເວລາ 13 ໂມງ 00 ນີ້ ຢູ່ທີ່ວັດເທບນິມິດ (ທາດຝຸ່ນ) ມື້ສົ່ງສະການ ທ່ານ ນາງ ແກ້ວສານໃຈ ໄຊຍະສອນ ພັນຍາ, ທ່ານ ວິດົງ ໄຊຍະສອນ, ອະດີດກຳມະການສູນກາງພັກ ສະໄໝທີ່ X, ອະດີດເລຂາພັກແຂວງເຈົ້າແຂວງໆວຽງຈັນ, ອະດີດລັດຖະມົນຕີປະຈຳສຳນັກງານນາຍົກລັດຖະມົນຕີ. ທ່ານ ນາງ ແກ້ວສາຍໃຈ ໄຊຍະສອນ ພັນລະຍາ ຂອງ ສະຫາຍ ຈູມມະລີ ໄຊຍະສອນ ອະດີດເລຂາທິການໃຫຍ່ ຄະນະບໍລິຫານງານສູນກາງພັກ, ອະດີດປະທານປະເທດແຫ່ງ ສປປ ລາວ. ພ້ອມດ້ວຍລູກໄພ ແລະ ຫຼານຊາຍ ແລະ ຫຼານສາວ ລວມທັງໝົດຈຳນວນ 6 ສົບທີ່ນຳມາສົ່ງສະການ ຢູ່ທີ່ວັດເທບນິມິດ ທາດຝຸ່ນ ນະຄອນຫຼວງວຽງຈັນ.

ໂດຍມີທ່ານ ທອງລຸນ ສີສຸລິດ ປະທານປະເທດ, ບັນດາຮອງປະທານປະເທດ, ທ່ານ ພັນຄຳ ວິພາວັນ ນາຍົກລັດຖະມົນຕີ, ບັນດາຮອງນາຍົກລັດຖະມົນຕີ, ບັນດາການນຳຂັ້ນສູງ, ອະດີດການນຳ, ຕາງໜ້າຈາກພາກສ່ວນຕ່າງໆ ແລະ ຍາດພີ່ນ້ອງ ແລະ ມວນຊົນເຂົ້າຮ່ວມ.

ແຈ້ງຂ່າວຄວາມເສົ້າສະຫຼົດໃຈມາຍັງສະມາຊິກພັກ, ພະນັກງານ, ລັດຖະກອນ, ປະຊາຊົນບັນດາເຜົ່າ, ເພື່ອນມິດສະຫາຍ ແລະ ຍາດພີ່ນ້ອງທີ່ຢູ່ໃກ້ ແລະ ໄກຊາບທົ່ວເຖິງກັນ.

ຈາກເຫດເຮືອຫຼົ້ມຢູ່ອ່າງນໍ້າງື່ມ ເບື້ອງແດນສະຫວັນ ໃນວັນທີ 4 ເມສາ 2021 ຜ່ານມາ ໂດຍມີຜູ້ເສຍຊີວິດທັງໝົດ 8 ຄົນ ລອດ 31 ຄົນ ລວມຜູ້ໂດຍສານໃນເຮືອ 39 ຄົນ.

ຂ່າວລາວ