ທຸກບ່ອນທຸກສະຖານທີ່ລ້ວນແແຕ່ມີຄວາມສ່ຽງກ່ຽວກັບພະຍາດໂຄວິດ-19

ທຸກບ່ອນທຸກສະຖານທີ່ລ້ວນແແຕ່ມີຄວາມສ່ຽງກ່ຽວກັບພະຍາດໂຄວິດ-19

ຄະນະສະເພາະກິດປ້ອງກັນ, ຄວບຄຸມ ແລະ ແກ້ໄຂການແຜ່ລະບາດຂອງພະຍາດໂຄວິດ-19 ໄດ້ຖະແຫຼງຂ່າວເມື່ອວັນທີ 25 ເມສາ 2021 ນີ້ໃຫ້ຮູ້ວ່າ: ລາວກວດພົບຜູ້ຕິດເຊື້ອພະຍາດເພີ່ມໃໝ່ອີກ 76 ຄົນໃນມື້ວັນທີ 25 ເມສາ 2021 ນີ້ ຈາກຜູ້ກວດເຊື້ອທັງໝົດ 2.115 ູຄົນໃນມື້ວັນທີ 24 ເມສາ 2021, ຈໍານວນຜູ້ຕິດເຊື້ອດັ່ງກ່າວຢູ່ນະຄອນຫຼວງວຽງຈັນ 64 ຄົນ, ແຂວງສະຫວັນນະເຂດ 2 ຄົນ, ຫຼວງນໍ້າທາ 4, ສາລະວັນ 5 ຄົນ ແລະ ແຂວງບໍ່ແກ້ວ 1ຄົນ

ໂດຍລວມແລ້ວຜູ້ຕິດເຊື້ອສ່ວນຫຼາຍແມ່ນພົວພັນ ຫຼື ສໍາຜັດໃກ້ຊິດກັບຜູ້ຕິດເຊື້ອຜູ້ ທີ 59. ສະເພາະສະຖານທີ່ ແລະ ເວລາທີ່ຜູ້ຕິດເຊື້ອຜູ້ທີ 59 ຫຼື ຜູ້ອື່ນໆແມ່ນບໍ່ສາມາດບອກຄົບໄດ້ເພາະພວກເຂົາໄປຫຼາຍສະຖານທີ່ ຊຶ່ງສາມາດເວົ້າໄດ້ວ່າຮອດປັດຈຸບັນຢູ່ນະຄອນຫຼວງວຽງຈັນມີຄວາມສ່ຽງກ່ຽວກັບພະຍາດດັ່ງກ່າວທັງໝົດ.

ຮອດປັດຈຸບັນວັນທີ 25 ເມສາ 2021 ນີ້, ລາວກວດພົບ ຜູ້ຕິດເຊື້ອສະສົມແລ້ວ 323 ຄົນ (ໃໝ່ 76) ໃນນີ້ປິ່ນປົວຫາຍດີແລ້ວ 49 ຄົນ ແລະ ບໍ່ມີຜູ້ເສຍຊີວິດ ຊຶ່ງພະຍາດດັ່ງກ່າວໄດ້ຂະຫຍາຍໄປຮອດ 7 ແຂວງ ແລະ ນະຄອນຫຼວງວຽງຈັນ ແລ້ວ

ໂດຍແຂວງທີ່ກວດພົບຜູ້ຕິດເຊື້ອພະຍາດໂຄວິດ-19 ໃໝ່ໃນມື້ນີ້ແມ່ນແຂວງຫຼວງນໍ້າທາ ມີຜູ້ຕິດເຊື້ອ 4 ຄົນ. ສະເພາະ 8 ແຂວງທີ່ຍັງບໍ່ມີຜູ້ຕິດເຊື້ອພະຍາດໂຄວິດ-19 ຢູ່ລາວປະກອບມີ: ແຂວງ ເຊກອງ, ອັດຕະປື, ໄຊສົມບູນ, ໄຊຍະບູລີ, ອຸດົມໄຊ, ຫົວພັນ, ຊຽງຂວາງ ແລະ ຜົ້ງສາລີ.

ຂ່າວລາວ