“ຕານຸ ວັນນະສິນ” ແຕ່ງເພງສົ່ງກຳລັງໃຈໃຫ້ເດັກຍິງຕິດໂຄວິດ-19

“ຕານຸ ວັນນະສິນ” ແຕ່ງເພງສົ່ງກຳລັງໃຈໃຫ້ເດັກຍິງຕິດໂຄວິດ-19

ໂລກອອນໄລນ໌ໄດ້ມີການແຊຣ໌ພາບທີ່ໜ້າໂສກເສົ້າໃຈນັ້ນແມ່ນ ເດັກນ້ອຍຜູ້ຍິງຄົນໜຶ່ງທີ່ຕິດເຊື້ອໂຄວິດ-19 ກຳລັງຂຶ້ນລົດໂຮງໝໍ ເພື່ອໄປຮັບການປິ່ນປົວ.

ຫຼັງຈາກທີ່ຮູບພາບດັ່ງກ່າວໄດ້ເຜີຍແຜ່ອອກໄປ ກໍມີຊາວໂຊຊຽວມີເດຍຈຳນວນຫຼວງຫຼາຍກົດແຊຣ໌ອອກໄປ ແລະ ຫຼາຍໆຄົນກໍໄດ້ສະແດງຄວາມຄິດເຫັນໃນທາງໃຫ້ກຳລັງໃຈນ້ອງ ແລະ ຄອບຄົວ, ອີດູສົງສານ ແລະ ອວຍພອນໃຫ້ນ້ອງປອດໄພກັບບ້ານມາຫາຄອບຄົວ.

ໃນຂະນະດຽວກັນ “ຕານຸ ວັນນະສິນ” ນັກຮ້ອງທີ່ຊາວລາວຮູ້ຈັກດີ ກໍໄດ້ສະແດງຄວາມຫ່ວງໃຍແກ່ນ້ອງຜູ້ຍິງດັ່ງກ່າວ ດ້ວຍການແຕ່ງເພງອວຍພອນໃຫ້ນ້ອງຮັກສາຕົວຢ່າງປອດໄພ ຫາຍດີ ແລະ ກັບບ້ານ, ໂດຍເນື້ອເພງມີດັ່ງນີ້:

“ໂອ້ ເດັກນ້ອຍ, ຂ້ອຍຫຼຽວເຫັນເຈົ້າຜ່ານພາບນີ້. ມັນຄົງມີຈັກວິທີ ຈະສົ່ງເພງນີ້ໄປເຖິງເຈົ້າ”, ວັກໜຶ່ງຂອງເພງໄດ້ສະແດງເຖິງຄວາມຕັ້ງໃຈຂອງ ຕານຸ ສິລະປິນໜຸ່ມເຈົ້າຂອງສຽງທີ່ມີສະເໜ່ ທີ່ຕ້ອງການສົ່ງກຳລັງໃຈໃຫ້ເດັກຍິງຄົນນັ້ນ.

ຂ້ອຍພຽງຂໍໃຫ້ເຈົ້າ ເໜືອກວ່າສິ່ງອື່ນໃດ. ຂໍໃຫ້ເຈົ້າຫາຍດີ. ເດັກນ້ອຍຈະໄດ້ກັບບ້ານ”, ວັກສຸດທ້າຍຂອງເພງນີ້ ເຖິງວ່າຈະຂຽນ ແລະ ຮ້ອງອອກມາໂດຍ ຕານຸ ແຕ່ນີ້ຄົງເປັນດັ່ງຄວາມໃນໃຈຂອງຫຼາຍໆຄົນທີ່ຢາກສົ່ງເຖິງເດັກຍິງຜູ້ທີ່ຕ້ອງມາປະສົບກັບພະຍາດຮ້າຍທີ່ກຳລັງລະບາດໃນປັດຈຸບັນ.

ຂ່າວລາວ