ສປປ ລາວ ພົບຜູ້ຕິດເຊື້ອ+64ຄົນ ຄະນະສະເພາະກິດຊີ້ມີແນວໂນ້ມການຕິດເຊື້ອເພີ່ມຂຶ້ນຢ່າງໄວວາ

ສປປ ລາວ ພົບຜູ້ຕິດເຊື້ອ+64ຄົນ ຄະນະສະເພາະກິດຊີ້ມີແນວໂນ້ມການຕິດເຊື້ອເພີ່ມຂຶ້ນຢ່າງໄວວາ

ມື້ນີ້ວັນທີ່ 01.05.2021 ສປປ ລາວ ພົບຜູ້ຕິດເຊື້ອໂຄວິດໃຫມ່ ຈໍານວນທັງໝົດ +64 ຄົນ! ລາຍລະອຽດ ດັ່ງຕໍ່ໄປນີ້: ຍອດຜູ້ຕິດເຊື້ອສະສົມທົ່ວປະເທດ 821 ຄົນ, ເສຍຊີວິດ 0 ຄົນ

ກໍລະນີຜູ້ຕິດເຊື້ອໃຫມ່ມື້ນີ້: ນະຄອນຫຼວງວຽງຈັນ 49 ຄົນ, ຈໍາປາສັກ 13 ຄົນ, ອຸດົມໄຊ 1 ຄົນ, ສາລະວັນ 1 ຄົນ

ວັນທີ 01 ພຶດສະພາ 2021 ການຖະແຫຼງຂ່າວຂອງຄະນະສະເພາະກິດ ຊີ້ໃຫ້ຮູ້ວ່າ ສະພາບການແຜ່ລະບາດຂອງເຊື້ອໂຄວິດ-19 ຢູ່ໃນ ສປປ ລາວ ມີແນວໂນ້ມການຕິດເຊື້ອໂຄວິດ ເພີ່ມຂຶ້ນຢ່າງໄວວາ. ກ່ອນ ບຸນປີໃໝ່ລາວ, ສປປ ລາວ ມີຈໍານວນຜູ້ຕິດເຊື້ອພຽງ 49 ຄົນ, ພາຍຫຼັງບຸນປີໃຫມ່ລາວ ພຽງປະມານ 15 ວັນ, ສປປ ລາວ ພົບການຕິດເຊື້ອສະສົມ ເປັນ 821 ຄົນ, ຫຼື ເພິ່ມຂຶ້ນປະມານ 16 ເທົ່າ.

ການຕິດເຊື້ອປະຈຸບັນ ຍັງໄດ້ແຜ່ລາມໄປຫາເດັກນ້ອຍ ແລະ ຜູ້ສູງອາຍຸຊື່ງເປັນກຸ່ມສ່ຽງ. ຮຽກຮ້ອງໃຫ້ຄົນລາວ ທຸກຄົນຈົ່ງມີສະຕິ ແລະ ພ້ອມກັນຜ່ານຜາ ການລະບາດນີ້ ໃຫ້ໄດ້ໂດຍໄວ.

ຂ່າວລາວ