ມື້ນີ້ ສປປ ລາວຕິດເຊື້ອພະຍາດໂຄວິດເພີ່ມໃໝ່ 46ຄົນ ຕິດເຊື້ອສະສົມແລ້ວ 1.072 ຄົນ

ມື້ນີ້ ສປປ ລາວຕິດເຊື້ອພະຍາດໂຄວິດເພີ່ມໃໝ່ 46ຄົນ ຕິດເຊື້ອສະສົມແລ້ວ 1.072 ຄົນ

ຄະນະສະເພາະກິດປ້ອງກັນ, ຄວບຄຸມ ແລະ ແກ້ໄຂການແຜ່ລະບາດ ຂອງພະຍາດໂຄວິດ-19 ໄດ້ຖະແຫຼງຂ່າວເມື່ອວັນທີ 5 ພຶດສະພາ 2021 ນີ້ໃຫ້ຮູ້ວ່າ: ລາວກວດພົບຜູ້ຕິດເຊື້ອພະຍາດໂຄວິດ-19 ເພີ່ມໃໝ່ 46 ຄົນ ໃນວັນທີ 5 ພຶດສະພາ 2021 ນີ້

ຈາກຜູ້ທີ່ເຂົ້າມາກວດຫາເຊື້ອຫຼາຍກວ່າ 900 ຄົນໃນມື້ວັນທີ 4 ພຶດສະພາ 2021 ທີ່ຜ່ານມາ ຊຶ່ງຈໍານວນຜູ້ຕິດເຊື້ອຫຼຸດລົງ 14 ຄົນຖ້າທຽບກັບຈໍານວນຜູ້ຕິດເຊື້ອເມື່ອວັນທີ 4 ພຶດສະພາ ທີ່ຜ່ານມາ.

ຄະນະສະເພາະກິດໃຫ້ຮູ້ຕື່ມວ່າ: ຜູ້ຕິດເຊື້ອພະຍາດໂຄວິດ-19 ທີ່ພົບໃໝ່ໃນມື້ນີ້ຢູ່ນະຄອນຫຼວງວຽງຈັນ 19 ຄົນ, ແຂວງຈໍາປາສັກ 6 ຄົນ, ບໍ່ແກ້ວ 15 ຄົນ, ສະຫວັນນະເຂດ 6 ຄົນ. ຮອດປັດຈຸບັນນີ້, ປະເທດລາວມີຜູ້ຕິດເຊື້ອສະສົມແລ້ວ 1.072 ຄົນ ໃນນີ້ປິ່ນປົວຫາຍດີ 60 ຄົນ, ຍັງນອນປິ່ນປົວຢູ່ໂຮງໝໍມີທັງໝົດ 1.042 ຄົນໃນຂອບເຂດທົ່ວປະເທດ.

ຂ່າວລາວ