ທ້າວຕື້ ຕຳຫຼວດສະຫວັນນະເຂດທີ່ເປັນກະແສ ຖືກຢຸດໜ້າທີ່ແລະຈະບໍ່ໄດ້ຮັບນະໂຍບາຍໃດໆ

ທ້າວຕື້ ຕຳຫຼວດສະຫວັນນະເຂດທີ່ເປັນກະແສ ຖືກຢຸດໜ້າທີ່ແລະຈະບໍ່ໄດ້ຮັບນະໂຍບາຍໃດໆ

ທ່ານ ວິໄລ ຫຼ້າຄຳຟອງ ລັດຖະມົນຕີ ກະຊວງປ້ອງກັນຄວາມສະຫງົບ ອອກຂໍ້ຕົກລົງ ວາດ້ວຍການປະຕິບັດວິໄນ ຕໍ່ນາຍຕໍາຫຼວດ ປກສ ແຂວງສະຫວັນນະເຂດ ທ້າວ ພູໃສ ສີສະຫວັນ (ຕື້) ທີ່ເປັນເປັນທີສົນໃຈຂອງປະຊາຊົນຈຳນວນຫຼາຍ ເຊິ່ງຜູ້ກ່ຽວຖືກຂໍ້ຫາພົວພັນກັບຄົນຕ່າງປະເທດໂດຍບໍ່ຖືກກົດໝາຍເລິຍເຮັດໃຫ້ມີການລະບາດໂຄວິດ-19 ແລະຜູ້ກ່ຽວພົວພັນຫຼິ້ນການພະນັນເຖື່ອນ (ຄ້າ-ຂາຍຜິດກົດໝາຍ)

ວັນທີ 07 ພຶດສະພາ 2021 ລັດຖະມົນຕີປ້ອງກັນຄວາມສະຫງົບ ອອກຂໍຕົກລົງສະບັບເລກທີ 825/ປກສ ວ່າດ້ວຍການປະຕິບັດວິໄນ ນາຍຕຳຫຼວດ

ມາດຕາ 1 ປະຕິບັດວິໃນ ຮອ ພູໃສ ສີສະຫວັນ ດ້ວຍຄວາມຜິດຫຼາຍກະໂທງ ຕາມລາຍລະອຽດຕ່າງໆລຸ່ມນີ້

ມາດຕາ 2 ໃຫ້ ຮອ ພູໃສ ສີສະຫວັນ ອອກຈາກກຳລັງ ປກສ ໂດຍບໍ່ໄດ້ຮັບອຸດໜູນໃດໆທັງສິ້ນ

ມາດຕາ 3 ປກສ ແຂວງສະຫວັນນະເຂດ ຈົ່ງຮັບຮູ້ແລະປະຕິບັດພາຍໃນ 30 ວັນ

ມາດຕາ 4 ມີຜົນສັກສິດນັບແຕ່ມື້ລົງລາຍເຊັນເປັນຕົ້ນໄປ

ເພື່ອເປັນການ ປະຕິບັດລະບຽບວິໃນຂັ້ນສູງ ຕໍ່ຜູ້ກ່ຽວ ແມ່ນທາງ ປກສ ແຂວງສະຫວັນນະເຂດ ໄດ້ໃຫ້ ທ້າວ ພູໃສ ສີສະຫວັນ (ຕື້) ໄດ້ຢຸດໜ້າທີ ໂດຍບໍ່ໄດ້ຮັບນະໂຍບາຍໃດໆ

ຂ່າວລາວ