ຄະນະສະເພາະກິດຊີ້ແຈງ ກໍລະນີແມ່ຕູ້ເສຍຊີວິດບໍ່ເຫັນຂໍ້ໃດໆທີ່ພົວພັນກ່ຽວກັບການສັກຢາວັກຊີນ

ຄະນະສະເພາະກິດຊີ້ແຈງ ກໍລະນີແມ່ຕູ້ເສຍຊີວິດບໍ່ເຫັນຂໍ້ໃດໆທີ່ພົວພັນກ່ຽວກັບການສັກຢາວັກຊີນ

ໃນວັນທີ 11 ພຶດສະພາ ທ່ານ ດຣ. ບັນດິດ ຊຸມພົນພັກດີ ຄະນະກຳມະການທີ່ປຶກສາແຫ່ງຊາດ ໃນການໃຫ້ວັກແຊງ ໄດ້ເຂົ້າຮ່ວມຖະແຫຼງຂ່າວຮ່ວມຕາງໜ້າກອງເລຂາຄະນະສະເພາະກິດ ເພື່ອປ້ອງກັນ, ຄວບຄຸມ ແລະ ແກ້ໄຂການລະບາດຂອງພະຍາດ ໂຄວິດ-19 ທີ່ກະຊວງສາທາລະນະສຸກ.

ທ່ານ ດຣ. ບັນດິດ ຊຸມພົນພັກດີ ຄະນະກຳມະການທີ່ປຶກສາແຫ່ງຊາດ ໃນການໃຫ້ວັກຊິນ ໄດ້ກ່າວວ່າ: ໃນວັນທີ 10 ພຶດສະພາ 2021 ຕາງໜ້າຄະນະກໍາມະການທີ່ປຶກສາການໃຫ້ວັກຊິນແຫ່ງຊາດ ຜູ້ຕາງໜ້າກົມອາຫານ ແລະ ຢາ ແລະ ຕາງໜ້າຈາກອົງການອະນາໄມໂລກ ໄດ້ລົງສືບສວນຫາຂໍ້ມູນຄວາມຈິງ ກຽວກັບການເສຍຊີິວິດຂອງແມ່ຕູ້ເບີດ ຫຼື ແມ່ຕູ້ບຸນຍັງ ອາຍຸ 63 ປີ ຢູ່ບ້ານນາຄູນ ເມືອງນາຊາຍທອງ ນະຄອນຫຼວງວຽງຈັນ ທີ່ເສຍຊີວິດ ຫຼັງໄດ້ໄປສັກຢາວັກຊິນປ້ອງກັນໂຄວິດ-19 ໃນວັນທີ 7 ພຶດສະພາ 2021 ແລະ ໄດ້ເສຍຊີວິດໃນວັນທີ 9 ພຶດສະພາ 2021.

ກ່ອນສັກຢາແພດກໍ່ໄດ້ແທກອຸນຫະພູມ, ຄວາມດັນ ແລະ ເຊັນເອກະສານຍິນຍອມຕາມຂັ້ນຕອນທີ່ພວກເຮົາໄດ້ປະຕິບັດກັນ ຜ່ານການກວດເຫັນວ່າແມ່ຕູ້ບໍ່ໄດ້ມີຂໍ້ຫ້າມໃດໆໃນການຮັບວັກຊິນ ພາຍຫຼັງໃຫ້ວັກແຊັງແລ້ວແມ່ຕູ້ກໍໄດ້ພັນຜ່ອນ 15-30 ນາທີ ຫຼັງຈາກບໍ່ມີອາການໃດໆຜູ້ກ່ຽວກໍ່ກັບບ້ານ.

ຫຼັງຈາກກັບບ້ານໄດ້ 1 ມື້ແລ້ວແມ່ຕູ້ມີອາການປວດຕົນປວດໂຕ, ປວດຕາມແຂນຂາ ແລະ ເວລາດັ່ງກ່າວບໍ່ຮູ້ວ່າແມ່ຕູ້ໄດ້ກິນຢາຫຍັງໄປແດ່ ແລະ ໃນວັນທີ 9 ແມ່ຕູ້ເລີ່ມມີອາການຮາກອອກເລືອດ 2-3 ຄັ້ງ ຈົນຮອດເວລາ 17:30 ໂມງ ພີ່ນ້ອງໄດ້ນໍາພາຜູ້ກ່ຽວໄປໂຮງໝໍເມືອງນາຊາຍທອງ ທີມແພດໄດ້ມີການປະເມີນວ່າຜູ້ກ່ຽວເບື້ອງຕົ້ນມີອາການເສຍສະຕິ ແລະ ບໍ່ຫາຍໃຈ ຕົນໂຕກໍ່າ, ຄວາມດັນເລືອດ ແຕ່ແພດກໍພະຍາມຊ່ວຍກູ້ຊີບເປັນເວລາດົນພໍສົມຄວນ, ແຕ່ຜູ້ກ່ຽວບໍ່ຕອບສະໜອງ ແລະ ໄດ້ເສຍຊີວິດລົງໄປ.

ຫຼັງຈາກສືບຫາຂໍ້ມູນຈາກຄອບຄົວຜູ້ກ່ຽວ ບາງຄົນກໍບອກວ່າແມ່ຕູ້ມີພະຍາດປະຈໍາໂຕເຊັ່ນ: ເປັນວັນນະໂລກ ແລະ ໄດ້ເຄີຍປິ່ນປົວມາແລ້ວ, ມີຄວາມດັນ, ເບົາຫວານ ແລະ ພະຍາດສັນຫຼັງໜີບເສັ້ນປະສາດ.

ດັ່ງນັ້ນທີມແພດຈິ່ງສະຫຼຸບເບື້ອງຕົ້ນດັ່ງນີ້ ການເສຍຊີວິດຂອງແມ່ຕູ້ແມ່ນບໍ່ມີຂໍ້ມູນໃດໆທີ່ກ່ຽວພັນກັບການສັກຢາວັກແຊັງ ແອັສຕາ ຊີນີກາ ເພາະວ່າຫຼອດວັກແຊັງທີ່ສັກໃຫ້ແມ່ຕູ້ແມ່ນກ່ອງໜຶ່ງສາມາດສັກໃຫ້ໄດ້ 10 ຄົນ ( ຫຼື 10 ໂດສ ) ແຕ່ 9 ຄົນທີ່ຮັບຢາໃນຫຼອດດຽວກັນບໍ່ມີອາການໃດໆທັງນັ້ນ, ແຕ່ທີມແພດໝໍກໍ່ຈະສືບຕໍ່ສືບຫາຂໍ້ມູນຄວາມຈິງຕື່ມອີກຕໍ່ໄປ.

ຂ່າວລາວ