ຂ່າວດີ ນ້ອງລິຊ່າ  ແລະ ແມ່ຕູ້ 90ປີ ໄດ້ຮັບການປິ່ນປົວຫາຍດີ ແລະ ອອກໂຮງໝໍແລ້ວ

ຂ່າວດີ ນ້ອງລິຊ່າ ແລະ ແມ່ຕູ້ 90ປີ ໄດ້ຮັບການປິ່ນປົວຫາຍດີ ແລະ ອອກໂຮງໝໍແລ້ວ

ໃນວັນທີ 28 ເມສາ 2021 ທີ່ຜ່ານມາ, ຄຶດວ່າຫຼາຍຄົນຈະຍັງຄົງຈຳໄດ້ດີທີ່ໂຊຊຽວມີເດຍ ໄດ້ສະເໜີຂ່າວ ຫຼານນ້ອຍ “ພອນທິວາ ຜ່ານພູວົງ” ຫຼື “ລີຊ້າ” ໃນໄວພຽງ 7 ປີ ກຳລັງກ້າວຂາຂຶ້ນລົງໂຮງໝໍດ້ວຍນໍ້າຕາຊຶມເບົ້າ, ອ້າງວ້າງ, ໂດດດ່ຽວ ດຽວດາຍ ທ່າມກາງຫົວໃຈຊິສະຫຼາຍຂອງພໍ່ແມ່ພີ່ນ້ອງ ທີ່ເຮັດໄດ້ພຽງແຕ່ແນມເບິ່ງ ແລະ ໂບກມື ສົ່ງຫຼານນ້ອຍຈົນສຸດເສັ້ນທາງ….ຍ້ອນຫຼານ “ລີຊ້າ” ໄດ້ກາຍເປັນເຍື່ອ ທີ 526 ຂອງພະຍາດ ໂຄວິດ 19 ໃນ ສປປລ ລາວ ໄປແລ້ວ ນັ້ນເອງ

ຫຼັງຈາກໄປປິ່ນປົວຢູ່ໂຮງໝໍເຊດຖາທິຣາດ ໂດຍໄດ້ຮັບການເອົາໃຈໃສ່ດູແລເປັນຢ່າງດີ ຈາກແພດໝໍ, ພະຍາບານ ແລະ ໄດ້ຮັບກຳລັງໃຈຢ່າງລົ້ນເຫຼືອຈາກຜູ້ປ່ວຍນຳກັນ

ລ່າສຸດມື້ນີ້ ນ້ອງລິຊ່າ, ພິເສດແມ່ຕູ້ແມ່ຕູ້ 90ປີ ແລະ ອີກຫຼາຍຄົນ ໄດ້ອອກໂຮງໝໍແລ້ວເດີ ສະແດງຄວາມຍິນດີນຳຄົນເຈັບທຸກຄົນທີ່ໄດ້ອອກໂຮງໝໍມື້ນີ້

ຂ່າວລາວ