ວັກຊິນ Sinovac ຂອງຈີນປ້ອງກັນການເສຍຊີວິດໄດ້ເກືອບ100%

ວັກຊິນ Sinovac ຂອງຈີນປ້ອງກັນການເສຍຊີວິດໄດ້ເກືອບ100%

ໃນວັນ​ທີ12​/05/2021 ອິນ​ໂດ​ເນ​ເຊຍ ​ເປີດ​ເຜີຍ​ວ່າ: ວັກ​ຊິນ​ ປ້ອງ​ກັນ​ ໂຄ​ວິດ-19 ຂອງຊີ​ໂນ​ແວັກ ​ໄບ​ໂອ​ເທັກ ບໍລິສັດ ​ການ​ຢາ​ ຂອງ​ຈີນ ມີ​ປະສິດທິພາບ ​ປ້ອງ​ກັນ ການ​ເສຍ​ຊີວິດ​ ສູງ​ເຖິງ 98% ​ແລະ ປ້ອງ​ກັນ ​ການ​ເຂົ້າປິ່ນ​ປົວ ​ໃນ​ໂຮງໝໍ 96% ​ໃນ​ກຸ່ມ​​ເຈົ້າໜ້​າ ການ​ແພດ ຂອງ​ອິນ​​ໂດ​ເນ​ເຊຍ

ຫລັງ​ຈາກ ຜົນ​ການ​ສຶກສາ​ ດັ່ງກ່າວ ອ້າງ​ອີງ​ຂໍ້​ມູນ ​ຈາກ​ເຈົ້າໜ້າ​ທີ່​ ການ​ແພດ​ ອິນ​ໂດ​ເນ​ເຊຍ 120.000ຄົນ ​ໃນ​ນະຄອນຫລວງ ​ຈາ​ກາ​ຕາ ທີ່​ໄດ້​ຮັບ​ ວັກ​ຊິນ​ ຂອງ​ຊີ​ໂນ​ແວັກ ຫລື ​ໂຄ​ໂຣນາ​ແວັກ ​ໃນ​ໄລ​ຍະ​ເດືອນ​ ມັງກອນ-ມີນາ​ທີ່​ຜ່ານ​ມາ.ອິນ​ໂດ​ເນ​ເຊຍ ສັກ​ວັກ​ຊິນ ​ໃຫ້​ແກ່​ ປະຊາຊົນ​ເກືອບ 9 ລ້ານ​ຄົນ ​ແລະ ​ຕັ້ງ​ເປົ້າ ສັກ​ວັກ​ຊິນ​ ໃຫ້​ໄດ້ 181 ລ້ານ​ຄົນ ພາຍ​ໃນ​ ເດືອນ​ມັງກອນ ​ປີໜ້າ ຈາກ​ປະຊາກອນ ​ທັງ​ໝົດ 270 ລ້ານ​ຄົນ.

ຈຳນວນ​ຜູ້​ຕິດ​ເຊື້ອ​ພະຍາດ​ໂຄ​ວິດ-19 ​ໃນ​ທົ່ວ​ໂລກ​ມີ​ເຖິງ160.074.267ຄົນ ຂໍ້​ມູນຫຼ້າ​ສຸດ​ຂອງ​ເວັບ​ໄຊ​ອົງ​ການ​ອະ​ນາ​ໄມ​ໂລກ​ສະ​ແດງ​ໃຫ້​ເຫັນ​ວ່າ: ມາ​ຮອດ​ເວລາ 20 ​ໂມງ 42 ນາທີ​ຂອງ​ວັນ​ທີ 13 ​ພຶດ​ສະ​ພານີ້​ຕາມ​ເວລາ​ວຽງ​ຈັນ, ​ໃນ​ທົ່ວ​ໂລກມີ​ຜູ້​ຕິດ​ເຊື້ອພະຍາດ​ໂຄ​ວິດ-19 ເພີ່ມ​ໃໝ່ທັງ​ໝົດ 745.256 ຄົນ, ​ລວມທັງ​ໝົດ​ແມ່ນ 160.074.267 ຄົນ;ມີ​ຜູ້​ເສຍ​ຊີ​ວິດໃໝ່ 13.262ຄົນ, ມີ​ຜູ້​ເສ​ຍຊີວິດ​ແລ້ວທັງ​ໝົດ 3.325.260 ຄົນ.

ຂ່າວລາວ