ຮູບຫຼຸດ ຮູບຖ່າຍແຕ່ງງານຂອງ ນາງງາມແມັກຊີໂກ ຝ່າຍຊາຍອອກມາຊີ້ແຈງແລ້ວ

ຮູບຫຼຸດ ຮູບຖ່າຍແຕ່ງງານຂອງ ນາງງາມແມັກຊີໂກ ຝ່າຍຊາຍອອກມາຊີ້ແຈງແລ້ວ

ວັນທີ​ 17​ ພຶດສະພາ​ ຊາວເນັດຕ່າງພາກັນຄົ້ນຫາເອົາພາບຖ່າຍ Andrea​ Maza ສາວງາມຈາກປະເທດແມັດຊີໂກ ຫຼັງຄວ້າມົງກຸດ Miss​ Universe​ 2020​ ແລ້ວກໍ່​ມີກະແສເກີດຂຶ້ນ ເມື່ອແຟນນາງງາມໄປຄົ້ນພົບພາບໃນປີ 2019​ ທີ່​ Andrea​ Maza​ ເຄີຍໂພສລົງໃນ Instagram​ ເປັນພາບທີ່ລາວເອງໃສ່ຊຸດແຕ່ງງານສີຂາວ​ ແລະ​ ຝ່າຍຊາຍໃສ່ຊຸດສູດສີເທົາ ກຳລັງຢືນຖ່າຍຮູບຢູ່ໜ້າພູແບບຫວານຊື້ງ​ ແລະ​ ຕາມກົດຂອງການປະກວດ Miss​ Universe​ ຫ້າມຜູ້ທີ່ແຕ່ງງານແລ້ວເຂົ້າປະກວດ

ເລື່ອງດັ່ງໄດ້ເຮັດໃຫ້ຝ່າຍຊາຍຕ້ອງຮີບອອກມາຊີ້ແຈ້ງທັນທີຜ່ານ Instagram​ ວ່າ​ ຮູບຖ່າຍດັ່ງກ່າວກັບ Miss​ Universe​ ຄົນໃຫມ່ ບໍ່ແມ່ນການຖ່າຍຮູບແຕ່ງງານແຕ່ຢ່າງໃດ,​ ແຕ່ເປັນພຽງການຖ່າຍຮູບທີມຄູ່ຮັກ ເພື່ອໂປຣໂມດການທ່ອງທ່ຽວຂອງເມືອງເທົ່ານັ້ນ

ນາງງາມແມັກຊິໂກມີຄວາມຮູ້ຄວາມສາມາດຫຼາຍດ້ານ ເຊັ່ນ:

1.ຈົບປະລິນຍາດ້ານວິສະວະກຳຊັອຟແວ ເປັນວິຊາທີ່ຮຽນຍາກ ແລະຕ້ອງມີຄວາມອົດທົນສູງ ທີ່ສຳຄັນຕ້ອງຫົວດີນຳ.

2. ເປັນຊ່າງແຕ່ງໜ້າ ແລະ ນາງແບບ

3.ເປັນນັກເຄື່ອນໄຫວດ້ານສິດທິສະຕຣີ ການແບ່ງແຍກເຊື້ອຊາດ ແລະ ສີຜີວ.

4. ປັດຈຸບັນຍັງເປັນນັກເຄື່ອນໄຫວລົງນະລົງ ການຍຸດຕິຄວາມຮຸນແຮງ ທາງເພດ

5.ໄດ້ເຂົ້າຮ່ວມອົງກອນການກຸສົນຫຼາຍແຫ່ງໃນ ປະເທດຈີນ ອິນເດຍອິນໂດເນເຊຍ

ນີ້ກໍ່ສະແດງໃຫ້ເຫັນວ່າ ກອງປະກວດຕ້ອງການສື່ໃຫ້ຜູ້ຍິງທົ່ວໂລກໄດ້ຮູ້ວ່າ miss universe ຕ້ອງເປັນຜູ້ຍິງທີ່ມີຄວາມຄິດສະໄຫມໃຫມ່ ແລະ ຕ້ອງມີຄວາມພ້ອມທີ່ຫລາຍກວ່າຄວາມງາມ.

ຂ່າວຕ່າງປະເທດ ຂ່າວບັນເທີງ