ປກສ ກຸ່ມ5 ໜອງທາ ເຂັ້ມງວດປະຕິບັດຄຳສັ່ງ ເພື່ອຄວບຄຸມ,ສະກັດກັ້ນ ແລະ ປ້ອງກັນເຊື້ອພະຍາດ

ປກສ ກຸ່ມ5 ໜອງທາ ເຂັ້ມງວດປະຕິບັດຄຳສັ່ງ ເພື່ອຄວບຄຸມ,ສະກັດກັ້ນ ແລະ ປ້ອງກັນເຊື້ອພະຍາດ

ພັທ ພົມມີ ແສນຈົ່ງຮັກ ຫົວໜ້າ ປກສ ກຸ່ມ 5 ໜອງທາ ເມືອງຈັນທະບູລີ ນະຄອນຫຼວງວຽງຈັນ ໄດ້ໃຫ້ສຳພາດຕໍ່ສື່ມວນຊົນ ປກສ ໃນວັນທີ 17 ພຶດສະພາ 2021 ວ່າ: ມີ ປະຊາຊົນ 4 ບ້ານທີ່ຂຶ້ນກັບ ປກສ ກຸ່ມ 5 ທີ່ຕິດເຊື້ອພະຍາດໂຄວິດ-19 ທັງໝົດ 23 ຄົນ ເພື່ອຄວບຄຸມ, ສະກັດກັ້ນ ແລະ ປ້ອງກັນ ເຊື້ອພະຍາດດັ່ງກ່າວ ກໍໄດ້ສຸມໃສ່ຈັດຕັ້ງຕາມຄຳສັ່ງເລກທີ15/ນຍ ຢ່າງເຂັ້ມງວດ.

ພັທ ພົມມີ ແສນຈົ່ງຮັກ ໃຫ້ຮູ້ວ່າ: ປກສ ກຸ່ມ 5 ໜອງທາ ມີ 7 ບ້ານຂຶ້ນກັບ.ໃນນັ້ນ, ບ້ານທີ່ມີປະຊາ ຊົນຕິດເຊື້ອພະຍາດໂຄວິດ-19 ປະກອບມີ 4 ບ້ານ ຄື: ບ້ານໂພນສະຫວ່າງ ມີ 1 ຄົນ, ບ້ານດອນແດງ 1 ຄົນ,ບ້ານຫ້ວຍຫົງ11 ຄົນ ແລະບ້ານໜອງທາເໜືອ 1 ຄົນ

ຽ່ວກັບມາດຕະການສະກັດກັ້ນ,ຄວບຄຸມ ແລະ ປ້ອງກັນ,ຄະນະພັກ-ຄະນະນຳ ແລະ ອົງການ ປົກຄອງບ້ານ ໄດ້ອີງໃສ່ແຈ້ງການ, ຄຳສັ່ງຂອງລັັດ ຖະບານ ໃນການໂຄສະນາເຜີຍແຜ່ ເພື່ອໃຫ້ປະຊາ ຊົນໄດ້ຮັບຮູ້ ແລະ ເຂົ້າໃຈ ພ້ອມກັນເຂົ້າຮ່ວມໃນການຈັດຕັ້ງປະຕິບັດ. ນອກນັ້ນ, ປກສ ກຸ່ມ ກໍໄດ້ສົມທົບກັບພາກສ່ວນທີ່ກຽ່ວຂ້ອງ ແຕ່ງຕັ້ງພະນັກ ງານປະຈຳການ ຕະຫຼອດ 24 ຊົ່ວໂມງ

ບ່ອນທີ່ມີ ການແພ່ລະບາດ ເພື່ອກວດກາຄົນເຂົ້າ-ຄົນອອກຢ່າງເຂັ້ມງວດ ຈຳກັດບໍລິເວນກຸ່ມສຽ່ງທີ່ອາດຈະຕິດເຊື້ອພະຍາດໂຄວິດ-19 ບໍ່ໃຫ້ອອກນອກສະ ຖານທີ່ ເພື່ອບໍ່ໃຫ້ເຊື້ອພະຍາດດັ່ງກ່າວແພ່ລາມເປັນບໍລິເວນກວ້າງ ແລະ ຍາກຕໍ່ການຄວບຄຸມ.

ໃນໂອກາດນີ້, ພັທ ພົມມີ ແສນຈົ່ງຮັກ ຍັງໄດ້ຮຽກຮ້ອງມາຍັງອົງການປົກຄອງບ້ານ, ປະຊາຊົນພາຍໃນບ້ານ ທີ່ຂຶ້ນກັບກຸ່ມ 5 ໜອງທາ ຈົ່ງຮ່ວມແຮງຮ່ວມໃຈກັນຕ້ານພະຍາດໂຄວິດ-19 ໂດຍປະຕະບັດຕາມຄຳສັ່ງເລກທີ 15/ນຍ ຢ່າງເຂັ້ມງວດ.

ຂ່າວລາວ