ຖືກອອກໝາຍຈັບ ນາງງາມມຽນມາຫຼັງຍົກປ້າຍຮ້ອງໃຫ້ນານາຊາດຊ່ວຍເຫຼືອ

ຖືກອອກໝາຍຈັບ ນາງງາມມຽນມາຫຼັງຍົກປ້າຍຮ້ອງໃຫ້ນານາຊາດຊ່ວຍເຫຼືອ

ຊາວມຽນມາຮຽກຮ້ອງນານາຊາດໃຫ້ຊ່ວຍເຫຼືອປະເທດຂອງຕົນພ້ອມທັງຊ່ວຍປົກປ້ອງ ນາງງາມມຽນມາ ເພາະນາງໄດ້ຖືກອອກ ໝາຍຈັບບຈາກລັດຖະບານມຽນມາຫຼັງຈາກທີ່ໄດ້ຊູປ້າຍຮ້ອງໃຫ້ນານາຊາດຊ່ວຍເຫຼືອ

ມິສແກຣນມຽນມາ ທີ່ໄດ້ເດີນທາງມາເຂົ້າຮ່ວມການປະກວດ ມິສແກຣນອິນເຕີເນັດຊັ່ນແນລ 2020 ທີ່ປະເທດໄທ ນາງໄດ້ເວົ້າກ່ຽວກັບສະພາບການປະທ້ວງທີ່ກຳລັງເກີດຂຶ້ນພາຍໃນປະເທດມຽນມາ ພ້ອມຂໍຄວາມຊ່ວຍເຫຼືອຈາກນານາຊາດໃຫ້ຫັນມາສົນໃຈ ແລະ ໃຫ້ຄວາມຊ່ວຍນຳຄວາມສະຫງົບສຸກກັບຄືນສູ່ປະເທດ ຫຼັງຈາກນັ້ນ ໄດ້ມີການຄາດການວ່າ ການກະທຳຂອງນາງ ຮານ ເລ ໄດ້ສ້າງຄວາມບໍ່ພໍໃຈໃຫ້ລັດຖະບານມຽນມາ ເນື່ອງຈາກເປັນການກະທຳທີ່ຜິດຕໍ່ກົດໝາຍ ແລະ ຂັດຕໍ່ຄຳສັ່ງຂອງລັດຖະ ບານມຽນມາໃນເວລານີ້.

ນາງ ຮານ ເລ ມິສແກຣນມຽນມາ ໄດ້ເຂົ້າຮ່ວມເດີນຂະບວນກັບປະຊາຊົນມຽນມາຫຼາຍຄັ້ງ ນາງກ່າວວ່າການໂຈມຕີຂອງທະຫານເຮັດໃຫ້ປະເທດຕ້ອງຕົກຢູ່ໃນຄວາມຢ້ານກົວ “ທະຫານລາດຕະເວນໃນເມືອງທຸກມື້ ແລະ ບາງຄັ້ງພວກເຂົາກໍ່ຕັ້ງເຄື່ອງກີດຂວາງເພື່ອຂັດຂວາງຄົນທີ່ຜ່ານໄປມາ ໃນບາງຄັ້ງພວກເຂົາກໍ່ຍິງຄົນໂດຍບໍ່ລັງເລ ພວກເຮົາຢ້ານທະຫານຂອງເຮົາເອງ ເວລາພວກເຮົາພົບທະຫານ ພວກເຮົາເຮັດໄດ້ພຽງຮູ້ສຶກຄຽດ ແລະ ຮູ້ສຶກຢ້ານ

ແນວໃດກໍ່ຕາມ ມີຂໍ້ມູນເປີດເຜີຍວ່າຫຼັງຈາກຈົບການປະກວດແລ້ວ ນາງຈະເດີນທາງໄປທີ່ນິວຢອກ ເພື່ອໄປຫາ ບິວຕີ້ ເພື່ອນຊາວມຽນມາທີ່ເປັນນາງແບບໃນສັງກັດແຫ່ງໜຶ່ງ ແລະ ຈະເຮັດວຽກຮ່ວມກັນໃນງານ ນິວຢອກແຟຊັ່ນວີກ ທີ່ກຳລັງຈະເກີດຂຶ້ນ ຈົນກວ່າສະພາບການໃນປະເທດຈະດີຂຶ້ນ ກ່ອນໜ້ານີ້, ນາງ ຮານ ເລ ຜູ້ເຂົ້າປະກວດມີສແກຣນມຽນມາ ທີ່ເດີນທາງເຂົ້າມາປະກວດໃນປະເທດໄທ ກໍ່ໄດ້ສະແດງອອກ ແລະ ເວົ້າເຖິງສະພາບການໃນມຽນມາເຮັດໃຫ້ນາງຖືກອອກໝາຍຈັບ ແລະ ບໍ່ສາມາດກັບເຂົ້າໄປເທດບານເກີດໄດ້ ເນື່ອງຈາກມີຄວາມກັງວົນເລື່ອງຄວາມປອດໄພຂອງຕົນເອງ.

ນາງງາມມຽນມາ ນາງ ທູຊາ ວິນ ລວິນ ໄດ້ປະກົດຕົວເທິງເວທີ Miss Universe 2020 ເຖິງຈະຜ່ານເຂົ້າຮອບພຽງ 21 ຄົນສຸດທ້າຍ ແລະ ໄດ້ຮັບລາງວັນຊະນະເລີດຊຸດປະຈຳດີເດັ່ນ. ເຖິງແມ່ນວ່າຊຸດປະຈຳຊາດໂຕຈິງຈະຫາຍໄປພ້ອມກັບການເດີນທາງ ແຕ່ຊຸດທີ່ນາງສວມໃສ່ຂຶ້ນປະກວດເທິງເວທີກໍ່ເປັນຊຸດທີ່ຊົງອິດທິພົນບໍ່ໜ້ອຍ ເນື່ອງຈາກເປັນຊຸດທີ່ ທ່ານ ນາງ ອອງຊານ ຊູຈີ ເຄີຍສວມໃສ່ ແລະ ເທິງເວທີນາງໄດ້ສົ່ງສຽງໃຫ້ຄົນທົ່ວໂລກຮັບຮູ້ດ້ວຍການຍົກປ້າຍ.

ຂ່າວຕ່າງປະເທດ