ລັດຖະມົນຕີກະຊວງປ້ອງກັນຄວາມສະຫງົບເນັ້ນໜັກມາດຕະການໃສ່ໂທດຜູ້ກະທຳຜິດກົດໝາຍ

ລັດຖະມົນຕີກະຊວງປ້ອງກັນຄວາມສະຫງົບເນັ້ນໜັກມາດຕະການໃສ່ໂທດຜູ້ກະທຳຜິດກົດໝາຍ

ທ່ານ ພົນໂທ ວິໄລ ຫຼ້າຄຳຟອງ, ລັດຖະມົນຕີກະຊວງປ້ອງກັນຄວາມສະຫງົບ ໄດ້ເນັ້ນຫນັກໃຫ້ມີການປັບປຸງບັນຫາເຈົ້າຫນ້າທີ່ທີ່ພົວພັນຢາເສບຕິດ ໂດຍທ່ານໄດ້ກ່າວວ່າ:

ປະຈຸບັນສັງຄົມໄດ້ສ່ອງແສງມາວ່າບ້ານເມືອງມີຢາເສບຕິດຫລາຍ ເຊິ່ງມີຕໍາຫລວດທະຫານເຂົ້າຮ່ວມຫລາຍຕັ້ງແຕ່ຫົວຫນ້າລົງມາ. ມີການໄປຕັ້ງດ່ານໄປເອົາຢາເສບຕິດນຳຜູ້ກະທຳຜິດ ແທນທີຈະໄປຊ່ວຍພັກຊ່ວຍລັດ ແຕ່ພັດໄປຍົວະໃຫ້ຜູເອົາມາໃຫ້ໂຕ, ຮຽກເອົາເງິນເຂົາລະໄລ່ເຂົາຫນີ ແລ້ວເອົາເງິນມາແບ່ງກັນ.

ທ່ານລັດຖະມົນຕີໄດ້ເນັ້ນຍໍ້າວ່າຕໍ່ໄປຫາກເຈົ້າຫນ້າທີ່ຜູ້ໃດມີສ່ວນກ່ຽວຂ້ອງກັບຢາເສບຕິດແມ່ນໃຫ້ໄລ່ອອກຈາກກອງກຳລັງປ້ອງກັນຄວາມສະຫງົບຢ່າງເດັດຂາດ ບໍ່ວ່າຈະຄ້າຂາຍ, ມີໄວ້ຄອຍຄອງ ຫລື ເສບກິນກໍ່ໃຫ້ເອົາອອກຫມົດໂດຍບໍ່ໄລ່ຄ່າອຸດຫນູນຫຍັງໃຫ້.

ຂ່າວລາວ