ອອກມາຂໍໂທດແລ້ວ ເລື່ອງ​ຍົນ​ຕົກທີ່​ເມືອງ​ຊຽງ​ເງິນ ຍ້ອນຮູ້ເທົ່າບໍ່ເຖິງການ ເພາະອາຍຸຍັງນ້ອຍ

ອອກມາຂໍໂທດແລ້ວ ເລື່ອງ​ຍົນ​ຕົກທີ່​ເມືອງ​ຊຽງ​ເງິນ ຍ້ອນຮູ້ເທົ່າບໍ່ເຖິງການ ເພາະອາຍຸຍັງນ້ອຍ

ຈາກເລື່ອງ ຂ່າວສານຂໍ້ມູນຢູ່ທາງສັງຄົມອອນລາຍ (TikTok) ກ່ຽວກັບເຮືອບິນຕົກຢູ່ ເມືອງຊຽງເງີນ ແຂວງຫຼວງພະບາງ ໃນວັນທີ 17 ພຶດສະພາ 2021.

ກົມການບິນພົນລະເຮືອນ ຂໍຖືເປັນກຽດແຈ້ງມາຍັງບັນດາຊາບວ່າ: ໃນວັນທີ 17 ພຶດສະພາ 2021 ບຸກຄົນ ໂດຍໃສ່ຊື່ວ່າ emaisce4433 ນຳສະເໜີຂ່າວຜ່ານທາງສັງຄົມອອນລາຍ(TikTok) ກ່ຽວກັບເຮືອບິນຕົກຢູ່ເຂດ ເມືອງຊຽງເງີນ ແຂວງຫຼວງພະບາງ.

ຕໍ່ກັບບັນຫາດັ່ງກ່າວ, ກົມການບິນພົນລະເຮືອນ ໃນນາມຄຸ້ມຄອງມະຫາພາກດ້ານວຽກງານການບິນພົນລະເຮືອນ ໄດ້ປະສານສົມທົບກັບກອງຈະລາຈອນທາງອາກາດລາວ ກວດກາຄືນແລ້ວເຫັນວ່າ ສະພາບຂອງຖ້ຽວບິນ ຂຶ້ນ-ລົງ ສະໝາມບິນທົ່ວປະເທດ ແລະ ຖ້ຽວບິນຜ່ານ ສປປ ລາວ ໃນມື້ນັ້ນແມ່ນປະຕິບັດການບິນຄວາມປອດໄພ ແລະ ບໍ່ມີການລາຍງານ ຫຼື ແຈ້ງເຕືອນ ກ່ຽວກັບສະພາບການສຸກເສີນໃດໆ ໃນເຂດນ່ານຟ້າຂອງ ສປປ ລາວ.

ສະນັ້ນ, ກົມການບິນພົນລະເຮືອນ ຂໍຢັ້ງຢືນ ແລະ ແຈ້ງໃຫ້ຊາບວ່າ: ການໃຫ້ຂ່າວຂອງບຸກຄົນດັ່ງກ່າວ(@maisee4433) ໃນຄັ້ງວັນທີ 17 ພຶດສະພາ 2021ແມ່ນບໍ່ມີມູນຄວາມຈິງ (ຂ່າວປອມ) ເປັນການບິດເບືອນແລະ ສ້າງຄວາມປັ່ນປ່ວນໃນສັງຄົມ ເພື່ອຫວັງມ້າງເພທໍາລາຍລະບົບຄຸ້ມຄອງວຽກງານການບິນພົນລະເຮືອນ. ພ້ອມນີ້ ກົມການບິນພົນລະເຮືອນ ໄດ້ປະສານກັບພາກສ່ວນທີ່ກ່ຽວຂ້ອງ ເພື່ອຈັດຕັ້ງປະຕິບັດຕາມພາລະບົດບາດ ແລະ ລະບຽບກົດໝາຍ ຢ່າງເຂັ້ມງວດ.

ດັ່ງນັ້ນ, ຈຶ່ງແຈ້ງມາຍັງທຸກພາກສ່ວນຈົ່ງໄດ້ຮັບຮູ້ ແລະ ເຂົ້າໃຈຕາມເນື້ອໃນຈິດໃຈຂອງແຈ້ງການສະບັບນີ້ດ້ວຍ.ກົມການບິນພົນລະເຮືອນ,ສະໜາມບິນສາກົນວັດໄຕ, ນະຄອນຫຼວງວຽງຈັນ

ລ່າສຸດເຈົ້າຕົວອອກມາຂໍໂທດແລ້ວ ຝາກເຖີງການບິນລາວ ທີ່ຂ້າພະເຈົ້າຮູ້ເທົ່າບໍ່ເຖີງການອາຍຸຍັງນ້ອຍທີ່ເວົ້າໄປວ່າຍົນຕົກໂດຍບໍ່ມີຂໍ່ມູນຄວາມຈີງ.ໃນວັນທີ17/5/2021.

ຂ້າພະເຈົ້າໃດ້ເວົ້າວ່າຍົກຕົກຢູ່ເມືອງຊຽງເງີນແຂວງຫລວງພະບາງ ແຕ່ຍົກທີ່ຕົກຮັ້ນບໍ່ຮູ້ວ່າຍົກມາແຕ່ໃສ ເປັນຍົນປະເທດໃດ ຍັງບໍ່ທັນເອີ່ນເຖີ່ງຊື່ ຍົນການບິນລາວຈັກຄວາມ.ສະນັ້ນຈຶ່ງຝາກມາຮອດເຈົ້າຫນ້າທີ່ ກະຊ່ວງໂຍທາ ຕະຫລອດຮອດພໍ່ແມ່ປະຊາຊົນ

ທີ່ໄດ້ເວົ້າແບບນັ່ນ .ຕໍ່ໄປຊິປະຕິຍານຕົນຊິບໍ່ເຮັດອີກໃນເລື່ອງທີ່ບໍ່ມີຄວາມຈີງ.ຜ່ານມາກະອັບເດດແຕ່ຂ່າວ ທີ່ມີຂໍ່ມູນດີໆໃຫ້ກັບສັງຄົມ ອັດເດດຂ່າວ ສານຕ່າງໆໃຫ້ສັງຄົມຮັບຮູ້ ຂ້າພະເຈົ້າບໍ່ຄິດວ່າ ຊິເປັນບັນກັບການບີນລາວປານນີ້ ຂະພະເຈົ້າຂໍໂທດຂໍອະໄພຫລາຍໆ.

ຂ່າວລາວ