ສປປ ລາວ ໄດ້ຮັບກຽດເປັນເຈົ້າພາບຈັດຄັດບານເຕະຍິງຊີງແຊ້ມອາຊີ U20 ປີ

ສປປ ລາວ ໄດ້ຮັບກຽດເປັນເຈົ້າພາບຈັດຄັດບານເຕະຍິງຊີງແຊ້ມອາຊີ U20 ປີ

ສະຫະພັນບານເຕະອາຊີ ( ເອເອັຟຊີ ) ປະກາດມອບໝາຍໜ້າທີ່ໃຫ້ກັບ ສປປ ລາວ ເປັນເຈົ້າພາບການແຂ່ງຂັນບານເຕະຍິງ ຊີງແຊ້ມອາຊີ ຮຸ່ນອາຍຸບໍ່ເກິນ 20 ປີ ຮອບຄັດເລືອກ 2022 ( AFC U20 Women’s Asian Cup Uzbekistan 2022 Qualifiers Round 1 ).

ເຊິ່ງການແຂ່ງຂັນລາຍການດັ່ງກ່າວແມ່ນມີທັງຫມົດ 31 ປະເທດ ເຂົ້າຮ່ວມການແຂ່ງຂັນໂດຍຈະແບ່ງກຸມອອກເປັນ 8 ກຸ່ມ ເຊິ່ງ 1 ໃນ 8 ປະເທດເຈົ້ານັ້ນປະກອບມີ: ສປປ ລາວ ເປັນເຈົ້າພາບ ຮ່ວມກັບ ອົດສະຕຣາລີ, ສປ ຈີນ, ໄຕຫວັນ, ມົງໂກລີ, ມຽນມາ, ສິງກະໂປ ແລະ ທາຈິກິດສະຖານ.

ສໍາລັບ ຮູບແບບການແຂ່ງຂັນແບບພົບກັນໝົດ ໂດຍເອົາທີມແຊັມຈາກແຕ່ລະກຸ່ມ ເຂົ້າໄປຫຼິ້ນຮອບທີສອງຈະແຂ່ງຂັນໃນລະຫວ່າງວັນທີ 3-7 ພະຈິກ 2021 ເຊິ່ງ ທີມທີ່ໄດ້້ອັນດັບ 1-4 ແມ່ນຈະໄດ້ໄປຫຼິ້ນໃນຮອບສຸດທ້າຍ ຮ່ວມກັບທີມທີ່ໄດ້ອັນດັບ 1-3 ໃນປີ 2019 ຄື: ຍີ່ປຸ່ນ, ສປປ ເກົາຫຼີ, ສ.ເກົາຫຼີ ແລະ ປະເທດທີ່ເປັນເຈົ້າພາບ, ສ່ວນຮອບສຸດທ້າຍແມ່ນຈະຈັດຢູ່ທີ່ປະເທດອຸເບກິສຖານ ໃນລະຫວ່າງວັນທີ 4-17 ເມສາ 2022 (ສ່ວນການຈັບສະຫຼາກແບ່ງສາຍຈະມີຂຶ້ນໃນໄວໆນີ້ພ້ອມກັບບານເຕະຊາຍ)

ຂ່າວລາວ