ນັກກີລາເຊື້ອສາຍລາວ ຂຶ້ນຊົກໃນວົງການ UFC ມື້ນີ້ ຮ່ວມສົ່ງກຳລັງໃຈໃຫ້ ອັງເດຣ ສຸຄຳທັດ

ນັກກີລາເຊື້ອສາຍລາວ ຂຶ້ນຊົກໃນວົງການ UFC ມື້ນີ້ ຮ່ວມສົ່ງກຳລັງໃຈໃຫ້ ອັງເດຣ ສຸຄຳທັດ

ອັງເດຣ ສຸຄຳທັດ (Andre Soukhamthath) ນັກກີລາຕໍ່ສູ້ແບບປະສົມປະສານ ໃນວົງການ UFC ສັນຊາດອາເມຣິກາເຊື້ອສາຍລາວອາຍຸ 32 ປີ ກຽມດວນກັບ ໂຈເຊ່ ອາວແບໂຕ້ ກຸຍໂນເນັຊ ນັກມວຍຊາວເມັກຊິໂກ້ ໄວ 30 ປີ ທີ່ສັງວຽນ XFC (Xtreme Fighting Championships) ລາຍການມວຍຄົບເຄື່ອງລະດັບໂລກ ໃນວັນທີ 28 ພຶດສະພານີ້ ທີ່ນະຄອນ ດີມອຍລັດໄອໂອວ້າ, ສະຫະລັດອາເມຣິກາ ກົງກັບເວລາໃນ ສປປ ລາວ ປະມານ 10 ໂມງເຊົ້າຂອງວັນທີ 29 ພຶດສະພານີ້.

ອັງເດຣ ສຸຄຳທັດ ເປັນຄົນສັນຊາດອາເມຣິກາ ເຊື້ອສາຍລາວ ອາຍຸ 32 ປີ, ໃນການຂຶ້ນສັງວຽນລາຍການນີ້ ຖືໄດ້ວ່າເປັນຄັ້ງທີ 2 ແລ້ວ ຕໍ່ຈາກການຊະນະ ກຸຍເຮີເມ້ ຟາເຣຍ ນັກມວຍຊາວເບຣຊິນ ເມື່ອວັນທີ 11 ພະຈິກ 2020 ທີ່ຜ່ານມາ, ເຊິ່ງໂນເນັສ ຂຶ້ນຊົກ 2 ຄັ້ງໃນລາຍການນີ້ ແຕ່ກໍບໍ່ຊະນະ ເສຍນັອກໃຫ້ທັງສອງຄັ້ງ ແລະ ການພົບກັນຄັ້ງນີ້ກໍເປັນການພົບກັນຄັ້ງທຳອິດ.

ວັນທີ່ 27 ພຶດສະພາ ໄດ້ມີການຖະແຫລງຂ່າວກ່ອນຊົກ ແລະ ຊັ່ງນໍ້າໜັກຄັ້ງສຸດທ້າຍ ເຊິ່ງກ່ອນໜ້ານີ້ ອັງເດຣ ສຸຄຳທັດ ຂຶ້ນສັງວຽນລາຍການນີ້ ເປັນຄັ້ງທີ 2 ຕໍ່ຈາກຊະນະ ກຸຍເຮີເມ້ ຟາເຣຍ ນັກມວຍຊາວເບຣຊິນ ເມື່ອວັນທີ 11 ພະຈິກ 2020 ຂະນະທີ່ ໂຈເຊ່ ອາວແບໂຕ້ ກຸຍໂນເນັຊ ຂຶ້ນຊົກ 2 ຄັ້ງລາຍການນີ້ ພົບກັບຄວາມປະລາໄຊ ໂດຍເສຍນັອກທັງສອງຄັ້ງ, ນີ້ເປັນການພົບກັນຄັ້ງທຳອິດຂອງທັງສອງ.

ສະຖິຕິຂອງ ອັງເດຣ ສຸຄຳທັດ ຖືວ່າເຮັດໄດ້ດີ ເຊິ່ງລວມທຸກລາຍການເປັນ 22 ຄັ້ງກ່ອນໜ້ານີ້, ຊະນະ 14 ຄັ້ງ, ເສຍ 8 ແລະ ນັອກຄູ່ຕໍ່ສູ້ 8 ຄັ້ງ ຊະນະໂດຍຄູ່ແຂ່ງຍອມຈຳນົນ 3 ຄັ້ງ, ຊະນະດ້ວຍຄະແນນ 3 ຄັ້ງ ແລະ ເສຍ 8 ຄັ້ງ ດ້ວຍການເສຍຄະແນນ ບໍ່ເຄີຍຖືກນັອກ. ສ່ວນສະຖິຕິການຊົກຂອງ ໂຈເຊ່ ອາວແບໂຕ້ ກຸຍໂນເນັຊ 13 ຄັ້ງ ຊະນະ 8 ເສຍ 5 ນັອກຄູ່ຕໍ່ສູ້ 2 ຄັ້ງ.

ຂ່າວຕ່າງປະເທດ ຂ່າວລາວ