ປະຫວັດຜູ້ຕິດເຊື້ອໃຫມ່ມື້ນີ້ 3ຄົນ​ ເຊີ່ງມີທ່າອ່ຽງລຸດລົງຕາມລຳດັບ

ປະຫວັດຜູ້ຕິດເຊື້ອໃຫມ່ມື້ນີ້ 3ຄົນ​ ເຊີ່ງມີທ່າອ່ຽງລຸດລົງຕາມລຳດັບ

ຄະນະສະເພາະກິດແຈ້ງສະພາບ “ວັນນີ້ 30 ພຶດສະພາ 2021, ມື້ຜ່ານມາກວດວິເຄາະທັງໝົດ 1,928 ຕົວຢ່າງ.

(1). ຜົນພົບຜູ້ຕິດເຊື້ອ COVID-19 ຈຳນວນ + ( 03 ) ກໍລະນີ (ໃໝ່) ພຽງແຕ່ໃນນະຄອນຫຼວງວຽງຈັນ (ຊຸມຊົນ) ຈາກຈຳນວນວິເຄາະ 914 ຕົວຢ່າງ ແລະ ລວມສະຖິຕິທົ່ວປະເທດທັງໝົດ ( 1,911 ) ກໍລະນີ; (2). ປິ່ນປົວຫາຍດີ – ( 24 ) ໃໝ່, ໂດຍລວມສະຖິຕິທັງໝົດ – ( 1,426 ) ກໍລະນີ; (3). ຍັງຮັບການປິ່ນປົວ ( 482 ) ກໍລະນີ; (4). ຈຳນວນຜູ້ເສັຍຊີວິດ, ລວມສະຖິຕິ (03) ກໍລະນີ.

ຜູ້ຕິດເຊື້ອ ທີ່ 1 ແມ່ນຜູ້ສໍາພັດໃກ້ຊິດກັບຜູ້ຕິດເຊື້ອຈາກກະຊວງ ໂຍທາທິການ ແລະຂົນສົ່ງ

ຜູ້ຕິດເຊື້ອທີ 2 ຢູ່ ບ້ານຕານມີໄຊ ຫຼື ຫໍພັກຄູອາຈານ ມຊ

ຜູ້ຕິດເຊື້ອທີ່ 3 ຢູ່ ບ້ານໂພນປາເປົ້າ

ຮສ.ດຣ​ ບົວເທບ ພູມິນ ຮອງຫົວໜ້າກົມປິ່ນປົວ ແລະ ຟື້ນຟູໜ້າທີ່ການ, ກະຊວງສາທາລະນະສຸກ ໄດ້ອະທິບາຍ ທິດສະດີອາການສະແດງ ຄິດໄລ່ ສ່ວນຮ້ອຍ ຂອງຜູ້ຕິດເຊື້ອໂຄວິດ ໃນຕອນເຊົ້າ ວັນທີ 30.05.2021 ຈະມີອາການ ດັ່ງຕໍ່ໄປນີ້  ໄອ 59%,​ ໄຂ້ 44%,​ ເມື່ອຍ 44%,​ ກິນອາຫານບໍ່ແຊບ 40%, ຫາຍໃຈຍາກ 31%, ເຈັບກ້າມຊີ້ນ 14% ນອກຈາກນັ້ນ ອາດມີອາການອື່ນໆ ປະປົນມາເຊັ່ນ: ເຈັບຄໍ, ຂີ້ມູກຍ້ອຍ, ຖອກທ້ອງ, ເຈັບຫົວ, ດັງບໍ່ໄດ້ກິ່ນ ເປັນຕົ້ນ

ຂ່າວລາວ