ຫົວໜ້າກກອງພັນປ້ອງກັນເຄື່ອນທີ່ ປກສ ແຂວງ ພ້ອມທີມງານ ໄດ້ສືບຕໍ່ປະຕິບັດມາດຕະການຕ້ານ ແລະ ສະກັດກັ້ນ

ຫົວໜ້າກກອງພັນປ້ອງກັນເຄື່ອນທີ່ ປກສ ແຂວງ ພ້ອມທີມງານ ໄດ້ສືບຕໍ່ປະຕິບັດມາດຕະການຕ້ານ ແລະ ສະກັດກັ້ນ

ແຫລ່ງຂ່າວຈາກແຂວງບໍ່ແກ້ວໃຫ້ຮູ້ວ່າ: ເມື່ອບໍ່ດົນມານີ້, ສະຫາຍ ພັນໂທ ຄໍາສອນ ໄຊຍະວົງ ຮອງຫົວໜ້າການເມືອງ ຫົວໜ້າຫ້ອງການເມືອງ ກອງບັນຊາການທະຫານແຂວງບໍ່ແກ້ວ ແລະ ສະຫາຍ ພັນໂທ ຈັນສຸກ ໄຊຍະປະທຸມ ຫົວໜ້າກອງພັນປ້ອງກັນເຄື່ອນທີ່ ປກສ ແຂວງ ພ້ອມທີມງານ ໄດ້ສືບຕໍ່ປະຕິບັດມາດຕະການຕ້ານ ແລະ ສະກັດກັ້ນ ພະຍາດລະບາດໂຄວິດ-19 ຢ່າງເຂັ້ມງວດ ໃນການປ້ອງກັນເວນຍາມລາດຕະ ເວນຕາມຂອບເຂດຊາຍແດນ ລາວ-ໄທ ແຕ່ຈຸດບ້ານຂອນແກ້ວ-ບ້ານດ່ານຖິ່ນ.

ການເຄື່ອນໄຫວລາດຕະເວນ ກໍເພື່ອປະຕິບັດຕາມມາດຕະການຕ່າງໆທີ່ຂັ້ນເທິງວາງອອກ ໂດຍສະເພາະ ການເພີ່ມທະວີກໍາລັງເຂົ້າໃນວຽກງານ ປ້ອງກັນເວນຍາມຂອບເຂດຊາຍແດນ ໂດຍໄດ້ຈັດຕັ້ງກຳລັງອ້າຍນ້ອງລາດຕະເວນທັງເວັນທັງຄືນທາງບົກ ແລະທາງນ້ຳຕະຫລອດ 24 ຊົ່ວໂມງ. ໃນແຕ່ລະຈຸດຮັບ ຜິດຊອບຂອງເມືອງຫ້ວຍຊາຍ ເຊິ່ງເປັນເຂດຊາຍແດນຕິດຈອດກັບ ຣາຊະອານາຈັກໄທ ໂດຍໃນໄລຍະຜ່ານມາເຂດດັ່ງກ່າວກໍຍັງມີບຸກຄົນຈຳນວນໜຶ່ງທີ່ຝ່າຝືນມາດຕະການທີ່ຂັ້ນເທິງວາງອອກ ເປັນຕົ້ນ ການຄ້າຂາຍເຖື່ອນ, ຄ້າຢາເສບຕິດ ແລະ ການລັກລອບເຂົ້າເມືອງແບບຜິດກົດໝາຍ.

ພ້ອມນັ້ນ ສອງກຳລັງ (ທະຫານ-ຕຳຫລວດ) ຍັງໄດ້ປະຕິບັດມາດຕະການຕ່າງໆຢ່າງເຂັ້ມງວດຕໍ່ບຸກຄົນທີ່ກະທຳຜິດ ເຖິງຢ່າງໃດກໍຕາມພວກເຮົາກໍຈະສຸມທຸກກຳລັງເຂົ້າໃນວຽກງານດັ່ງກ່າວ ເພື່ອເຮັດໃຫ້ສະພາບ ພາຍໃນຂອບເຂດຮັບຜິດຊອບຂອງຕົນເອງ ໃຫ້ມີຄວາມສະຫງົບໂດຍພື້ນຖານ ເພື່ອແນໃສ່ ສະກັດກັ້ນ ແລະຕອບຕ້ານການລະບາດຂອງເຊື້ອພະຍາດໂຄວິດ-19 ພາຍໃນແຂວງໃຫ້ຫລຸດລົງເປັນກ້າວໆ.

ຂ່າວລາວ