ເກີດເຫດຟ້າຜ່າສອງເອື້ອຍນ້ອງເສຍຊີວິດ​ຄາ​ທີ່​ ທີ່ເມືອງຮ້ຽມ, ແຂວງຫົວພັນ

ເກີດເຫດຟ້າຜ່າສອງເອື້ອຍນ້ອງເສຍຊີວິດ​ຄາ​ທີ່​ ທີ່ເມືອງຮ້ຽມ, ແຂວງຫົວພັນ

ເກີດເຫດ​ເສົ້າ​ສະຫຼົດໃຈ​ ຟ້າຜ່າ​ຍິງ​ 2​ ຄົນເສຍຊີວິດຄາທີ່ໃນຂະນະທີ່ກຳລັງຢູ່ກ້ອງຕົ້ນໄມ້ເພື່ອຫຼົບຝົນ ເຫດເກີດທີ່ບ້ານນາກູດ ເມືອງຮ້ຽມ ແຂວງຫົວພັນ​ ເມື່ອເວລາປະມານ 13:45 ໂມງ ຂອງວັນທີ 5 ມິຖຸນາ 2021​ ຜ່ານມາ, ຖືເປັນຄະຕິເຕືອນໃຈໃຫ້​ທຸກຄົນ​ເວລາຝົນຕົກຟ້າຮ້ອງຢ່າໄປຢູ່ກ້ອງຕົ້ນໄມ້ໃຫຍ່.

ອີງຕາມຄຳສະເໜີຂອງ​ ທ້າວ ທອນ ອາຍຸ 50​ ປີ ອາຊີບ ປະຊາຊົນ ປັດຈຸບັນຢູ່ບ້ານນາກູດ ເມືອງຮ້ຽມ ແຂວງຫົວພັນ​ ເລື່ອງເຫດການຟ້າຜ່າລູກໃພ້ ແລະ ລູກສາວ 2 ຄົນເສຍຊີວິດ, ນາຍບ້ານ ບ້ານນາກູດ ເມືອງຮ້ຽມ ແຂວງຫົວພັນ ໄດ້ຢືນຢັນວ່າ: ເຫດການຟ້າຜ່າແມ່ນເກີດຂຶ້ນຈິງ ມີຄົນເສຍຊີວິດ 2 ຄົນຄື:

– ຜູ້ທີ່ 1 ຊື່ ນາງ ບົວນັ້ນ ອາຍຸ 21 ປີ ອາຊີບ ປະຊາຊົນ ບ້ານນາກູດ

– ຜູ້ທີ່ 2 ຊື່ ນາງ ໂມທອງ ອາຍຸ 17 ປີ ອາຊີບຮຽນ ມ7

ທັງສອງຄົນໄດ້ໄປຢູ່ກ້ອງຕົ້ນໄມ້ໃນເວລາຝົນຕົກ​ ໃນເວລານັ້ນໄດ້ມີຟ້າຜ່າຕົ້ນໄມ້ທີ່ຢູ່ຫາງຈາກພວກເຂົາທັງສອງປະມານ​ 36 ແມັດ ຕາມການສັນນິຖານວ່າ ມີແສງໄຟຈາກຈຸດທີ່ຟ້າຜ່າມາຝາດເອົາພວກເຂົາທັງສອງຈົນເສຍຊີວິດຄາທີ.

ຂ່າວລາວ