ນາຍົກຢືນຢັນ ຢູ່ ສປປ ລາວ ຍັງສາມາດຮັບມືກັບໂຄວິດໄດ້ ການເສຍຊີວິດຢູ່ລາວບໍ່ມີ

ນາຍົກຢືນຢັນ ຢູ່ ສປປ ລາວ ຍັງສາມາດຮັບມືກັບໂຄວິດໄດ້ ການເສຍຊີວິດຢູ່ລາວບໍ່ມີ

ອົງການສະຫະປະຊາຊາດ (ສປຊ) ໄດ້ຈັດກອງປະຊຸມສະໄໝພິເສດ ຂອງສະມັດຊາໃຫຍ່ ອົງການ ສປຊ ຄັ້ງທີ 31 ແບບທາງໄກ ກ່ຽວກັບການແກ້ໄຂການລະບາດຂອງເຊື້ອພະຍາດ COVID-19 ຂຶ້ນເມື່ອບໍ່ດົນມານີ້ ທີ່ນິວຢອກ ປະເທດສະຫະລັດ ອາເມລິກາ ເພື່ອປຶກສາຫາລືກ່ຽວກັບການແກ້ໄຂການລະບາດຂອງເຊື້ອພະຍາດ COVID-19 ຊຶ່ງເຂົ້າຮ່ວມກອງປະຊຸມດັ່ງກ່າວຕາງໜ້າຝ່າຍລາວ ໂດຍທ່ານ ທອງລຸນ ສີສຸລິດ ນາຍົກລັດຖະມົນຕີ.

ທ່ານທອງລຸນ ສີສຸລິດ ໄດ້ກ່າວຄໍາປາໄສລາຍງານໂດຍຜ່ານທາງວິດີໂອ ກ່ຽວກັບສະພາບການແຜ່ລະບາດຂອງພະຍາດໂຄວິດ-19 ໂດຍມີເນື້ອໃນບາງຕອນທີ່ສໍາຄັນວ່າ: ສປປ ລາວ ໄດ້ມີມາດຕະການທີ່ເຂັ້ມງວດໃນການສະກັດກັ້ນພະຍາດດັ່ງກ່າວ ເຖິງແມ່ນວ່າຈະບໍ່ພົບຜູ້ຕິດເຊື້ອຢູ່ພາຍໃນປະເທດກໍ່ຕາມ. ສາມາດເວົ້າໄດ້ວ່າການຮັບມືກັບພະຍາດດັ່ງກ່າວຢູ່ປະເທດລາວມີຜົນສໍາເລັດໄດ້ໃນລະດັບໜຶ່ງເຊັ່ນວ່າມີຜູ້ຕິດເຊື້ອທີ່ຍັງສາມາດຮັບມືໄດ້ ແລະ ຜົນສໍາເລັດອັນໜຶ່ງແມ່ນບໍ່ມີຜູ້ເສຍຊີວິດຍ້ອນພະຍາດນີ້ຢູ່ລາວ.

ທ່ານທອງລຸນໄດ້ກ່າວເນັ້ນຂອງການຮ່ວມມືຫລາຍຝ່າຍກ່ຽວກັບແກ້ໄຂພະຍາດນີ້ວ່າ: ຮຽກຮ້ອງໃຫ້ອົງການສາກົນຊ່ວຍສົ່ງເສີມໂຄງການ “ວັກຊີນຫລາຍຝ່າຍ” ເພື່ອຮັບປະກັນໃຫ້ວັກຊິນຕ້ານພະຍາດໂຄວິດ-19 ກາຍເປັນສິນຄ້າສາທາລະນະ ຂອງທຸກປະເທດໃນໂລກ ທີ່ມີລາຄາບໍ່ແພງ.

ຂ່າວ: ວຽງຈັນທາຍ

ຂ່າວລາວ