ສາທຸ…ໄຖນາແລ້ວພົບພຣະພຸດທະຮູບ 2ອົງຢູ່ທົ່ງນາ ບ້ານໃຫຍ່ນໍ້າປຸກ ເມືອງຫ້ວຍຊາຍ ແຂວງບໍ່ແກ້ວ

ສາທຸ…ໄຖນາແລ້ວພົບພຣະພຸດທະຮູບ 2ອົງຢູ່ທົ່ງນາ ບ້ານໃຫຍ່ນໍ້າປຸກ ເມືອງຫ້ວຍຊາຍ ແຂວງບໍ່ແກ້ວ

ແຫລ່ງຂ່າວຈາກແຂວງບໍ່ແກ້ວລາຍງານວ່າ: ພະນັກງານວິຊາການກອງພິພິທະພັນ ພະແນກຖະແຫລງຂ່າວ, ວັດທະນະທຳ ແລະ ທ່ອງທ່ຽວແຂວງ ໄດ້ຂຶ້ນທະບຽນພະພຸດທະຮູບ 2 ອົງໄວ້ເປັນຊັບສົມບັດຂອງຊາດກໍ່ຄືຂອງພຸດທະສາສະນິກະຊົນທົ່ວແຂວງ.ຂະນະທີ່ອົງການປົກຄອງບ້ານໃຫຍ່ນໍ້າປຸກ ເຫັນດີນໍາມາປະດິດສະຖານຢູ່ວັດສີດອນມູນສາສະດາຣາມ ເພື່ອສັກກາລະບູຊາຕໍ່ໄປ.

ພະພຸດທະຮູບ 2 ອົງນີ້ ໄດ້ພົບເຫັນຢູ່ທົ່ງນາຂອງທ້າວ ຊາຍທອງ ພອນຈະເລີນ ອາຍຸ 34 ປີປະຊາຊົນບ້ານໃຫຍ່ນໍ້າປຸກ ຄຸ້ມໃຕ້ ເມືອງຫ້ວຍຊາຍແຂວງບໍ່ແກ້ວ ໃນຂະນະໄຖນາ

ໃນຕອນແລງເວລາ 17:00 ໂມງວັນທີ 12 ມິຖຸນາ ໄດ້ໄຖຖືກຖ້ວຍດິນ ແລະ ສັງເກດເຫັນຈອມເກດພະພຸດທະຮູບຈຶ່ງໄດ້ຂຸດຂຶ້ນມາ ທັງໄດ້ແຈ້ງຕໍ່ອົງການປົກຄອງບ້ານເພື່ອສະເໜີໃຫ້ພາກສ່ວນກ່ຽວຂ້ອງຮັບຊາບ ແລະ ພາຍຫລັງພະນັກງານວິຊາການ ກວດກາ ພົບວ່າ:

ເປັນພະພູດທະຮູບປາງຊະນະມານເຮັດດ້ວຍທອງປະສົມ ຊຶ່ງພະພຸດທະຮູບປາງຊະນະມານ ເຮັດດ້ວຍທອງປະສົມ ສູງ 20,2 ຊັງຕີແມັດ, ອົງພະສູງ 19,5 ຊັງຕີແມັດ, ໜ້າຕັກກວ້າງ 12 ຊັງຕີແມັດ ແລະ ໜັກ 1,7 ກິໂລ. ຂະນະທີ່ພະພຸດທະຮູບປາງຊະນະມານ ເຮັດດ້ວຍທອງເຫລືອງ ສູງ 21 ຊັງຕີແມັດ, ອົງພະສູງ 17 ຊັງຕີແມັດ, ໜ້າຕັກກວ້າງ 11,5 ຊັງຕີແມັດ ແລະ ໜັກ 1,2 ກິໂລ.

ຂ່າວລາວ