ເສຍຊີວິດແລ້ວ ຊາຍອິນເດຍຜູ້ທີ່ມີເມຍຫຼາຍທີ່ສຸດໃນໂລກ ເມຍ 39ຄົນ,ລູກອີກ 94ຄົນ

ເສຍຊີວິດແລ້ວ ຊາຍອິນເດຍຜູ້ທີ່ມີເມຍຫຼາຍທີ່ສຸດໃນໂລກ ເມຍ 39ຄົນ,ລູກອີກ 94ຄົນ

ທ້າວ ໄຊອໍນາ ຊະນາ ຊາຍຊາວອິນເດຍ ຜູ້ເຊິ່ງເປັນຫົວໜ້າຄອບຄົວ ມີສະມາຊິກໃນເຮືອນເຖິງ 181ຄົນ ໂດຍມີເມຍ 39 ຄົນ, ລູກ 94ຄົນ ແລະ ຫຼານ 33ຄົນ ລວມເຖິງບັນດາລູກເຂີຍ ແລະ ລູກໃພ້ອີກ

ຢູ່ໃນເຮືອນທີ່ເປັນອາຄານຫຼາຍຊັ້ນ ບໍລິເວນພູເຂົາຂອງບ້ານພັກຕວັງ ໃນລັດມິໂຊລັມ ທາງພາກຕາເວັນອອກສ່ຽງເໜືອຂອງອິນເດຍ ພວກເຮົາທຸກຄົນເຕັມໃຈເປັນເມຍຂອງລາວ ເພາະລາວເປັນຜູ້ຊາຍທີ່ຫຼໍ່ທີ່ສຸດໃນໝູ່ບ້ານ.ແນວໃດກໍ່ຕາມ ເຫດຜົນທີ່ຊາຍຄົນດັ່ງກ່າວມີເມຍ, ມີລູກ ແລະ ມີຄອບຄົວໃຫຍ່ແບບນີ້ນັ້ນ ຜູ້ກ່ຽວເຜີຍວ່າຕ້ອງການຢາຊ່ວຍເຫຼືອຄົນຍາກຈົນ ແລະ ຍັງຈະຫາເມຍຄົນຕໍ່ໆໄປອີກ

ລ່າສຸດ ວັນທີ 14 ເດືອນມິຖຸນາ 2021 ສຳນັກຂ່າວ BBC ລາຍງານວ່າ ທ້າວ ໄຊອໍນາ ຊານາ (Ziona Chana) ຜູ້ທີ່ມີເມຍຫຼາຍທີ່ສຸດໃນໂລກ ໄດ້ເສຍຊີວິດແລ້ວດ້ວຍໄວ 76 ປີ ຫຼັງຈາກຕໍ່ສູ້ກັບໂລກເບົາຫວານ ແລະ ຄວາມດັນໂລຫິດສູງ.

ເລື່ອງລາວຂອງທ້າວ ໄຊອໍນາ ເປັນທີ່ສົນໃຈຂອງສື່ໃນຊ່ວງຫຼາຍປີທີ່ຜ່ານມາ ໂດຍຄອບຄົວໃຫຍ່ຂອງລາວໃຊ້ຊີວິດຢູ່ນຳກັນໃນອາຄານ 4 ຊັ້ນ ຂະໜາດ 100 ຫ້ອງ ໂດຍທີ່ບັນດາເມຍໄດ້ພັກຢູ່ຮ່ວມກັນ ເຊິ່ງໄດ້ຕິດກັບຫ້ອງນອນສ່ວນຕົວຂອງ ທ້າວ ໄຊອໍນາ ເຮັດໃຫ້ສະຖານທີ່ແຫ່ງນີ້ກາຍເປັນແຫຼ່ງທ່ອງທ່ຽວອັນສຳຄັນຂອງລັດ Mizoram ໃນອິນເດຍ ມີທ່ອງທ່ຽວຈຳນວນຫຼາຍທີ່ຕ້ອງການຂໍມາເບິ່ງວິຖີການໃຊ້ຊີວິດຂອງຄອບຄົວນີ້.

ຂ່າວຕ່າງປະເທດ