ສະຫຼຸບເລື່ອງ ນໍ້າໝາກກ້ຽງ Queen ລະຫວ່າງລູກຄ້າ ກັບ ແມ່ຄ້າທີ່ເປັນປະເດັນຕອນນີ້

ສະຫຼຸບເລື່ອງ ນໍ້າໝາກກ້ຽງ Queen ລະຫວ່າງລູກຄ້າ ກັບ ແມ່ຄ້າທີ່ເປັນປະເດັນຕອນນີ້

ມີລູກຄ້າຄົນໜຶ່ງສັ່ງນໍ້າໝາກກ້ຽງຜ່ານທາງ App : ອາຫານຊື່ດັງແອັບສີບົວ ຫຼັງຈາກລູກຄ້າໄດ້ຮັບ ນໍ້າໝາກກ້ຽງແລ້ວບໍ່ພໍໃຈເພາະຕົນເອງຄິດວ່າແມ່ນນໍ້າໝາກກ້ຽງສົດ ເຊິ່ງໃນເມນູຂຽນໃນແອັບວ່ານໍ້າໝາກກ້ຽງ Queen ລາຄາ 20,000 ກີບ ເປັນນໍ້າໝາກກ້ຽງສໍາເລັດຮູບເປັນແກ້ວ

ຫຼັງຈາກທີ່ລູກຄ້າຮູ້ສຶກວ່າມັນແພງເກີນໄປ ແລະ ບໍ່ແມ່ນນໍ້າໝາກກ້ຽງສົດຕາມທີ່ຕົນເອງຄິດກໍ່ເລີຍ Live ສົດອະທິບາຍເຫດການທີ່ເກີດຂຶ້ນພ້ອມທັງໄປຫາຮອດຮ້ານ ແລ້ວຖຽງກັບແມ່ຄ້າແບບໃຊ້ອາລົມບໍ່ມີການຖາມແບບດີ ເຊິ່ງແມ່ຄ້າກໍ່ອະທິບາຍຕາມຄວາມຈິງວ່າບໍ່ໄດ້ຂຽນວ່ານໍ້າໝາກກ້ຽງສົດແຕ່ຂຽນວ່ານໍ້າໝາກກ້ຽງ Queen ເຊິ່ງທາງລູກຄ້າກໍ່ບໍ່ພໍໃຈແຮງ ວ່າບໍ່ຄຸ້ມຄ່າແມ່ຄ້າກະອະທິບາຍວ່າມັນມີຄ່າສົ່ງຄ່າເປີເຊັນຄ່ານໍ້າກ້ອນຄ່າຈອກ ຫຼາຍໆຢ່າງເປັນເຫດຜົນທີ່ຕ້ອງຂາຍປະມານນີ້

ຫຼັງຈາກນັ້ນກໍ່ຕັດມາສະພາບຮ້ານແບບເຕັມໄປດ້ວຍນໍ້າໝາກກ້ຽງທີ່ລາວຈັບມາແຕ່ຕົ້ນຖອກຖິ້ມເຕັມໜ້າຮ້ານ ທີ່ສໍາຄັນແມ່ຄ້າບອກວ່າມາເວົ້າໃຫ້ຕອນມີລູກຄ້ານໍາອີກ ດ້ານຊາວເນັດໃຫ້ຄໍາຄິດເຫັນວ່າ: ແມ່ຄ້າບໍ່ຜິດເພາະບໍ່ໄດ້ຂຽນວ່ານໍ້າໝາກກ້ຽງສົດ ແຕ່ຂຽນເປັນຊື່ແບຣນຂອງນໍ້າໝາກກ້ຽງສໍາເລັດຮູບ ເອີ້ນໄດ້ວ່າລູກຄ້າຄົນນີ້ທົວລົງແບບເຕັມໆ

ການທີ່ເຮົາຈະຄອມເມັ້ນໃຫ້ທາງຮ້ານຄ້າປັບປຸງທາງຮ້ານສິຖືກຫຼືຜິດເຮົາຄວນໂອ້ລົມກັນດ້ວຍເຫດຜົນ ແລະ ລະງັບອາລົມກັນດີກວ່າເພາະເຊື່ອວ່າການໃຊ້ອາລົມມັນບໍ່ໄດ້ຊ່ວຍໃຫ້ຫຍັງດີຂຶ້ນ ຖ້າການເຂົ້າໄປຖາມກັນດ້ວຍການຢາກໃຫ້ອີກຝ່າຍຊີ້ແຈງໜ້າຈະບໍ່ເກີດເຫດການແບບນີ້ອີກ

ຄໍາຖາມຄືລູກຄ້າຄົນນີ້ຈະຂໍໂທດຮ້ານເພິ່ນບໍ່? ເພາະເຮັດໃຫ້ຮ້ານເປື້ອນແຖມຖືກດ່າແບບເສຍຫາຍອີກ

ເປັນແນວໃດກໍ່ຂໍໃຫ້ທຸກຄົນຕັດສິນນຳກັນລີຍວ່າໃຜຜິດໃຜຖືກ (ຕາມຄລິບ)

ຂ່າວລາວ