ວັກຊີນ ໄຟເຊີ ໝົດກ່ອນຄາດໝາຍ ຫຼື​ ເປັນເພາະນຳໃຊ້ບໍ່ຖືກເປົ້າໝາຍ

ວັກຊີນ ໄຟເຊີ ໝົດກ່ອນຄາດໝາຍ ຫຼື​ ເປັນເພາະນຳໃຊ້ບໍ່ຖືກເປົ້າໝາຍ

ອີງຕາມແຜນການປະກາດຂອງສູນຂ່າວສານການແພດສຸຂະສຶກສາ ວັນທີ 2 ມິຖຸນາ 2021 ຜ່ານພາຍຫຼັງໄດ້ຮັບການຊ່ວຍເຫຼືອວັກຊີນໄຟເຊີ ຈຳນວນ 100.620 ໂດສ ໂດຍມີແຜນສັກໃຫ້ 3 ກຸ່ມເປົ້າໝາຍ​ ພາຍໃນໄລຍະວັນທີ 15​-25​ ມິຖຸນາ ຄື

1.ຜູ້ສູງອາຍຸ 60 ປີ ຂຶ້ນໄປຈະມີການກວດເບິ່ງບັດປະຈຳຕົວ ຫຼື ສຳມະໂນຄົວ ຫຼື ຫຼັກຖານຢືນຢັນອື່ນໆ ທີ່ບົ່ງບອກອາຍຸ ຢ່າງລະອຽດ.

2.ຜູ້ທີ່ມີພະຍາດປະຈຳຕົວ ເຊັ່ນ: ພະຍາດໝາກໄຂ່ຫຼັງ, ເບົາຫວານ, ພະຍາດຫົວໃຈ, ພະຍາດທາງເດີນຫາຍໃຈ, ພະຍາດຕັບ, ພະຍາດຕຸ້ຍ (BMI >30 kg/m2), ມະເຮັງ, ຜູ້ທີມີຄວາມປົກຜ່ອງທາງດ້ານພູ້ມຄູ້ມກັນລວມທັງຜູ້ທິມີການປ່ຽນຖ່າຍອະໄວຍະວະ, ຜຸ້ທີ່ມີຄວາມດັນເລືອດສູງ, ຜູ້ທີມີຄວາມຜິດປົກກະຕິ ທາງດ້ານພັນທຸກຳມາແຕ່ກຳເນີດ (Down syndrome).

3. ພະນັກງານແພດໝໍ ແລະ ໜ້າດ່ານທີ່ພາດໂອກາດຜ່ານມາ.​

ແຕ່ຕໍ່ມາກໍໄດ້ມີກຳນົດຮັດກຸມລົງຍັງເຫຼືອ 2 ກຸ່ມຕົ້ນ ເພາະເຫັນວ່າພະນັກງານແພດໝໍ ແລະ ພະນັກງານໜ້າດ່ານສາມາດສັກວັກຊີນອື່ນໆໄດ້. ຕາມແຜນແມ່ນຈະສັກແຕ່ວັນທີ 15-30 ມິຖຸນາ ແຕ່ຄວາມຈິງແລ້ວສັກໄປໄດ້ບໍ່ຮອດ 5 ມື້ວັກຊີນກໍໝົດ ກ່ອນກຳນົດ ເຊິ່ງບາງຄົນລົງທະບຽນໄວ້ກໍບໍ່ໄດ້ສັກກໍມີ.

ສັງຄົມຈຶ່ງເກີດມີຄຳຖາມວ່າ ເປັນສາເຫດຍ້ອນຫຍັງ ວັກຊີນຈຶ່ງໝົດໄວກ່ອນກຳນົດ ແລະ ກຸ່ມເປົ້າໝາຍບໍ່ໄດ້ສັກ. ໃນຄວາມສົງໄສນັ້ນກໍມີປາກົດການໃຫ້ເຫັນໃນທາງສັງຄົມເຊັ່ນ ບາງຄົນໃຊ້ເສັ້ນສາຍໃນການໄຄວ່ຄວ້າໂອກາດໃນການໄດ້ສັກວັກຊີນ, ບາງຄົນອາຍຸບໍ່ຮອດກໍໄປອ້າງຄວາມຈຳເປັນ, ບາງຄົນບໍ່ມີພະຍາດກໍໄປໃຫ້ໝໍເຮັດໃບຢັ້ງຢືນພະຍາດໃຫ້ ຕ່າງໆນານາ ເພື່ອຈະໄດ້ສັກວັກຊີນຍີ່ຫໍ້ທີ່ທົ່ວໂລກຕ່າງກໍໃຝ່ຝັນ ເຮັດໃຫ້ວັກຊີນໝົດໄວກ່ອນກຳນົດ.

ຫຼ້າສຸດ ຄະນະສະເພາະກິດກໍອອກມາປະກາດວ່າວັກຊີນຊິໂນຟາມ (ວັກຊີນທີ່ໄດ້ຮັບການຊ່ວຍເຫຼືອມີຈຳນວນຫຼາຍ) ວ່າສາມາດສັກໃຫ້ກຸ່ມຜູ້ສູງອາຍຸ 60 ປີຂຶ້ນໄປ ແລະ ຜູ້ມີພະຍາດປະຈຳຕົວໄດ້​ ເຊິ່ງໄດ້ຮັບການຢືນຢັນຈາກອົງການອະນາໄມໂລກ.​

ຂ່າວລາວ