​ໜ້າ​ເປັນ​ຫ່ວງ ການ​ລະ​ບາດ​ຂອງ​​ພະຍາດໂຄວິດ-19 ຢູ່​ນະຄອນ​ຫຼວງວຽງຈັນຍັງ​ມີ​ຜູ້​ຕິດ​ເຊື້ອ​ໃນ​ຊຸມ​ຊົນ

​ໜ້າ​ເປັນ​ຫ່ວງ ການ​ລະ​ບາດ​ຂອງ​​ພະຍາດໂຄວິດ-19 ຢູ່​ນະຄອນ​ຫຼວງວຽງຈັນຍັງ​ມີ​ຜູ້​ຕິດ​ເຊື້ອ​ໃນ​ຊຸມ​ຊົນ

ຄະ​ນະ​ສະ​ເພາະ​ກິດ​ເພື່ອ​ປ້ອງ​ກັນ, ຄວບ​ຄຸມ ແລະ ແກ້​ໄຂ​ການ​ແຜ່​ລະ​ບາດ​ຂອງ​ພະ​ຍາດ​ໂຄວິດ-19 ​ຕາງ​ໜ້າ​ໂດຍທ່ານ ດຣ. ນາງ ພອນປະເສີດ ໄຊຍະມຸງຄຸນ ຮອງຫົວໜ້າກົມຄວບຄຸມພະຍາດຕິດຕໍ່ ກະ​ຊວງ​ສາ​ທາ​ລະ​ນະ​ສຸກໃຫ້​ຮູ້​ວ່າ:

ປັດ​ຈຸ​ບັນ​ນີ້ ເຖິງ​ແມ່ນ​ວ່າ​ຈຳ​ນວນ​ຕົວ​ເລກ​ຜູ້​ຕິດ​ເຊື້ອ​ພະ​ຍາດ​ໂຄວິດ-19 ຈະ​ມີ​ທ່າ​ອ່ຽງ​ຫຼຸດ​ລົງ ແຕ່ການ​ລະ​ບາດ​ຂອງ​ພະ​ຍາດ​ໂຄວິດ-19 ຢູ່​ລາວ​ຍັງ​ໜ້າ​ເປັນ​ຫ່ວງ​ໂດຍ​ສະ​ເພາະ​ຢູ່​ນະ​ຄອນ​ຫຼວງວຽງ​ຈັນ ຍ້ອນ​ວ່າ​ຍັງ​ພົບ​ຜູ້​ຕິດ​ເຊື້ອ​ໃນ​ຊຸມ​ຊົນ ຊຶ່ງ​ຕ່າງ​ຈາກ​ ຕ່າງ​ແຂວງ​ທີ່ພົບຈາກ​ແຮງ​ງານ​ກັບ​ຄືນ​ປະ​ເທດ​ ແລະ ອີກ​ບັນ​ຫາ​ໜຶ່ງ​ຢູ່​ນະ​ຄອນ​ຫຼວງວຽງ​ຈັນຍັງມີການໄປມາຫາ ສູ່ກັນລະຫ່ວາງ ຍາດຕິພີ່ນ້ອງ, ໝູ່ເພື່ອນ, ຍັງ​ມີ​ການຊຸມແຊວໂດຍ​ບໍ່​ປະ​ຕິ​ບັດ​ໄລ​ຍະ​ຫ່າງ ແລະ ມີ​ປະ​ຊາ​ຊົນ​ຈຳ​ນວນ​ຫຼາຍ​ທີ່​ຍັງ​ຖື​ເບົາ​ຕໍ່​ມາດ​ຕະ​ການ​ປ້ອງ​ກັນ​ພະ​ຍາດ​ດັ່ງ​ກ່າວ​ ແລະ ບັນ​ຫາອື່ນໆ.

ທ່ານ ດຣ. ນາງ ພອນປະເສີດໄດ້​ຮຽກ​ຮ້ອງ​ໃຫ້​ທຸກ​ຊັ້ນ​ ຄົນໃນປະເທດຕ້ອງໄດ້ເປັນເຈົ້າການນຳກັນ ເພື່ອ​ຢັບ ​ຢັ້ງ​ພະ​ຍາດ​ດັ່ງ​ກ່າວໂດຍການປະ​ຕິ​ບັດ​ຄຳ​ສັ່ງ 15/ນຍ ແລະ ມາດ​ຕະ​ການ​ປ້ອງ​ກັນ​ພະ​ຍາດ​ໂຄວິດ-19 ທີ່​ທາງ​ຄະ​ນະ​ສະ​ເພາະ​ກິດ​ວາງ​ອອກ ລວມ​ທັງເປັນຫູ ເປັນຕາຊ່ວຍເຈົ້າໜ້າທີ່ ຖ້າຫາກພົບເຫັນບຸກຄົນ ຫຼື ກຸ່ມຄົນປະຕິບັດບໍ່ຖືກຕ້ອງຂັດຕໍ່ລະບຽບຫຼັກການ ແລະ ມາດຕະການທີ່ທາງຄະນະສະເພາະກິດ ວາງ ອອກ ບໍ່ວ່າຈະເປັນການການລັກລອບເຂົ້າເມືອງ ແບບບໍ່ຖືກຕ້ອງຕາມຈຸດເຂດແດນຕ່າງໆ,

ການຕັ້ງວົງ ກິນຊຸມແຊວ ແລະ ອື່ນໆ ຖ້າເຫັນຂໍໃຫ້ແຈ້ງໃຫ້ທາງ ເຈົ້າໜ້າທີ່ ແລະ ອຳນາດການປົກຄອງຊາບໂດຍທັນທີ ເພາະຖ້າຜູ້ລັກລອບເຂົ້າມາປະເທດ ເປັນຜູ້ຕິດເຊື້ອ ບໍ່ໄດ້ຈຳກັດບໍລິເວນ ແລ້ວມາເຄື່ອນໄຫວໃນປະເທດ ກໍ່ຈະເປັນການແຜ່ເຊື້ອໃນຊຸມຊົນເປັນວົງກວ້າງຈົນອາດບໍ່ສາມາດຄວບຄຸມໄດ້.

ຂ່າວລາວ