ບໍ່ຫວັ່ນຕໍ່ໂຄວິດ ຄູ່ຮັກໃສ່ຊຸດ PPE ເຂົ້າພິທີແຕ່ງດອງ ຫຼັງຮູ້ວ່າເຈົ້າສາວຕິດໂຄວິດ

ບໍ່ຫວັ່ນຕໍ່ໂຄວິດ ຄູ່ຮັກໃສ່ຊຸດ PPE ເຂົ້າພິທີແຕ່ງດອງ ຫຼັງຮູ້ວ່າເຈົ້າສາວຕິດໂຄວິດ

ການລະບາດຂອງໂຄວິດ-19 ເຮັດໃຫ້ຄູ່ຮັກທີ່ວາງແຜນຈະແຕ່ງງານ ຕ້ອງເລື່ອນງານແຕ່ງອອກໄປຢ່າງບໍ່ມີກຳຫນົດ ແຕ່ບໍ່ສຳລັບຄູ່ຮັກຈາກອິນເດຍຄູ່ນີ້ແນ່ນອນທີ່ຍັງຈັດງານແຕ່ງຕໍ່ໄປ ເຖີງເຈົ້າສາວຈະຕິດໂຄວິດແລ້ວກໍ່ຕາມ

ສຳນັກ​ຂ່າວ​ຕ່າງປະ​ເທດ​ລາຍ​ງານ​ວ່າ: ​ເຈົ້າບ່າວ ​ແລະ ​ເຈົ້າສາວ​ຊາວ​ອິນ​ເດຍ​ໃສ່​ຊຸດ​ປ້ອງ​ກັນ​ຕົນ​ເອງ ຫລື PPE ​ເຂົ້າພິທີ​ແຕ່ງດອງ ຢູ່​ສູນ​ປິ່ນປົວ​ໂຄ​ວິດ-19 ທາງ​ຕາ​ເວັນ​ຕົກ​ຂອງ​ລັດຣາຊາ​ສະຖານ​ຂອງ​ອິນ​ເດຍ ​ໂດຍ​ເຈົ້າສາວ​ຫາ​ຮູ້​ວ່າຕົນ​ເອງ​ຕິດ​ເຊື້ອ​ໂຄ​ວິດ​ໃນ​ມື້​ແຕ່ງດອງ ຫລັງ​ລຸງ​ຂອງ​ນາງ​ຮູ້​ວ່າ​ຕົນ​ເອງ​ຕິດ​ເຊື້ອ​ໂຄ​ວິດ​ເມື່ອ​ສອງ​ວັນ​ກ່ອນ ​ແລະ ຈາກ​ນັ້ນາງ ລວມທັງ​ລູກ​ເອື້ອຍລູກ​ນ້ອງ​ຖືກ​ເອີ້ນ​ຕົວ​ໄປ​ກວດ​ໂຄ​ວິດ ​ແລະ ຮູ້​ຜົນ​ວ່າ​ຕິດ​ໂຄ​ວິດ​ໃນ​ມື້​ແຕ່ງດອງ​ພໍດີ.

ພາຍຫລັງ​ຄອບຄົວ​ຂອງ​ເຈົ້າບ່າວ-​ເຈົ້າສາວ​ຮູ້​ວ່າ​ເຈົ້າສາວ​ຕິດ​ໂຄ​ວິດ ຍັງ​ຢືນຢັນ​ເດີນ​ໜ້າ​ຈັດງານ​ແຕ່ງດອງ​ຕໍ່​ໄປ ພາຍ​ໃຕ້​ການ​ຄວບ​ຄຸມພະ​ຍາດ​ຂອງ​ເຈົ້າໜ້າ​ທີ່ ​ແລະ ​ໃນ​ງານ​ດອງ​ໄດ້​ຈຳກັດ​ແຂກ​​ເຂົ້າຮ່ວມ​ໃຫ້​ເຫລືອ​ພຽງ​ພໍ່​ແມ່​ຂອງ​ເຈົ້າບ່າວ-​ເຈົ້າສາວ ​ແລະ ພະ ​ເຊິ່ງ​ເປັນ​ຜູ້​ດຳ​ເນີນ​ພິທີ​ງານ​ດອງ ​ແລະ ທຸກ​ຄົນ​ຕ້ອງ​ໃສ່​ຊຸດ PPE ​ເຊັ່ນ​ດຽວ​ກັນ.

ຂ່າວຕ່າງປະເທດ