ໂຄວິດສາຍພັນ”ເດລຕ້າ” ກວດພົບເຫັນຕື່ມອີກ 3ຄົນ ໃນນັ້ນຢູ່ນະຄອນຫຼວງວຽງຈັນ 2ກໍລະນີ

ໂຄວິດສາຍພັນ”ເດລຕ້າ” ກວດພົບເຫັນຕື່ມອີກ 3ຄົນ ໃນນັ້ນຢູ່ນະຄອນຫຼວງວຽງຈັນ 2ກໍລະນີ

ອີງຕາມການສອບຖາມຂໍ້ມູນເພີ່ມເຕີມ ຈາກ ທ່ານ ດຣ. ສີສະຫວາດ ສຸດທານີລະໄຊ ຮອງຫົວໜ້າກົມຄວບຄຸມພະຍາດຕິດຕໍ່, ກະຊວງສາທາລະນະສຸກ ໃນໂອກາດການຖະແຫລງຂ່າວປະຈຳວັນທີ 2 ກໍລະກົດ 2021 ໃຫ້ຮູ້ວ່າ: ສປປ ລາວ ກວດພົບຜູ້ຕິດເຊື້ອສາຍພັນ #ເດລຕ້າ ນຳເຂົ້າ ຕື່ມອີກ 3 ຄົນ ຈາກນະຄອນຫລວງວຽງຈັນ 2 ແລະ ຄຳມ່ວນ 1 ຄົນ.

ຕົວເລກຜູ້ຕິດເຊື້ອມື້ນີ້ ກວດ​ພົບຜູ້ຕິດເຊື້ອໃຫມ່​ 32​ ຄົນ, ຕິດໃນຊຸມຊົນ​ 5​ ຄົນ​ ແລະ​ ນຳເຂົ້າ​ 27​ ຄົນ. ຜ່ານມາໄດ້ກວດວິເຄາະທັງໝົດ 1,670 ຕົວຢ່າງ ແລະ ລວມສະຖິຕິຜູ້ຕິດເຊື້ອທັງໝົດ ( 2,144 ) ກໍລະນີ

ນະຄອນຫຼວງວຽງຈັນ (+ 03 ) ກໍລະນີນຳເຂົ້າທີ່ພັກຢູ່ສູນກັກກັນຖືກຕ້ອງຕາມກົດໝາຍ, ຈາກຈຳນວນວິເຄາະ 493 ຕົວຢ່າງ

ແຂວງວຽງຈັນ (+ 05 ) ກໍລະນີຊຸມຊົນ (ຈາກຄອບຄົວຜູ້ຕິດເຊື້ອລາຍໃໝ່ຈາກພະນັກງານການບິນລາວເພດຍິງ ບ້ານສີເກີດ ເມືອງນາຊາຍທອງ ນະຄອນຫຼວງວຽງຈັນ),

ແຂວງຄຳມ່ວນ (+ 03 ) ກໍລະນີນຳເຂົ້າທີ່ພັກຢູ່ສູນກັກກັນຖືກຕ້ອງຕາມກົດໝາຍ;

ແຂວງຈຳປາສັກ (+ 15 ) ກໍລະນີນຳເຂົ້າທີ່ພັກຢູ່ສູນກັກກັນຖືກຕ້ອງຕາມກົດໝາຍ,

ແຂວງສະຫວັນນະເຂດ (+ 05 ) ກໍລະນີນຳເຂົ້າທີ່ພັກຢູ່ສູນກັກກັນຖືກຕ້ອງຕາມກົດໝາຍ,

ປິ່ນປົວຫາຍດີລວມສະຖິຕິທັງໝົດ ( 1,970 ) ກໍລະນີ, ຈຳນວນຜູ້ເສັຍຊີວິດລວມສະຖິຕິ (03) ກໍລະນີ

ຂ່າວລາວ