ຍ້ອນບັນຫາຄວາມແອອັດ ຫລວງພະບາງ​ສັ່ງໂຈະການສັກວັກຊິນ​ປ້ອງກັນໂຄວິດ

ຍ້ອນບັນຫາຄວາມແອອັດ ຫລວງພະບາງ​ສັ່ງໂຈະການສັກວັກຊິນ​ປ້ອງກັນໂຄວິດ

ຕອນເຊົ້າຂອງວັນທີ່ 2/7/2021 ທີ່ຜ່ານມາ ເກີດເຫດສຸນລະມຸນອີກແລ້ວ ຢາດກັນເອົາໃບຄີວ ເພື່ອສີດວັກຊີນ ຕ້ານໂຄວິດ-19 ຢູ່ຫຼວງພະບາງ ບໍ່ມີວິໃນ ການຈັດລະບຽບ ມັນສ່ຽງທີ່ຈະເຮັດໃຫ້ເກີດການແຜ່ລະບາດຂອງເຊື້ອໂຄວິດ.

ມາດຕະການ ໃຜບໍ່ສີດວັກຊີນຄົບ 2 ເຂັມ ກະບໍ່ໃຫ້ໃຊ້ບໍລິການໂດຍສານ ບໍ່ໃຫ້ເດີນທາງຂ້າມລະຫວ່າງແຂວງ ບໍ່ໃຫ້ໄປພົວພັນວຽກກັບສະຖານທີ່ລັດບາງແຫ່ງ ແລະ ຍັງມີມາດຕະການຫຼາຍຢ່າງກີດກັນແຕ່ ຄົນທຸກຄົນມີຄວາມຈຳເປັນຕ້ອງເດີນທາງເພື່ອຫາລ້ຽງຊີວິດໂຕເອງ ມັນເລີຍເກີດການຢາດແຍ່ງການສີດວັກຊີນຂື້ນ ເກີດຄວາມວຸ້ນວາຍ ສ່ຽງຕໍ່ການແຜ່ລະບາດຂອງເຊື້ອໂຄວິດ.

ແນວໃດກໍ່ຕາມຂໍໃຫ້ຮັກສາໄລຍະຫ່າງ ແລະ ຄວາມເປັນລະບຽບຮຽບຮ້ອຍແດ່ເດີ້ເພື່ອຄວາມປອດໄພຂອງຊົນຊາດລາວໝົດທຸກຄົນ.

ລ່າສຸດ ສຳນັກຂ່າວສານຫຼວງພະບາງ Luangprabangnews ໄດ້ລາຍງານວ່າ: ແຂວງ ຫຼວງພະບາງ ສັ່ງໂຈະຊົ່ວຄາວ​ການສັກວັກຊິນ​ປ້ອງກັນໂຄວິດ-19 ນັບແຕ່ມື້ອື່ນ​ ວັນທີ​ 3​ ກໍລະກົດ​ 2021 ເປັນຕົ້ນໄປ ຢູ່ 3 ຈຸດຄື: ໂຮງຫມໍ107, ສ້າງແພດເກົ່າ​ບ້ານທາດຫລວງ ແລະ ສວນສາທາລະນະລ້ານຊ້າງ ບ້ານພັນຫລວງ

ທັງນີ້, ແມ່ນຍ້ອນເຫດຜົນຄວາມບໍ່ເປັນລະບຽບຮຽບຮ້ອຍຂອງການເຂົ້າມາສັກວັກຊິນ ເຮັດໃຫ້ມີຄວາມແອອັດ ສ່ວນຈະເປີດສັກຄືນມື້ໃດນັ້ນຈຶ່ງແຈ້ງຄືນຕາມພາຍຫລັງ

ຂ່າວລາວ