ມາຮອດປັດຈຸບັນ ສປປ ລາວ ກວດພົບເຫັນເຊື້ອພະຍາດໂຄວິດ 4ສາຍພັນແລ້ວ

ມາຮອດປັດຈຸບັນ ສປປ ລາວ ກວດພົບເຫັນເຊື້ອພະຍາດໂຄວິດ 4ສາຍພັນແລ້ວ

ອີງຕາມການລາຍງານຂອງ ທ່ານ ດຣ. ສີສະຫວາດ ສຸດທານີລະໄຊ, ຮອງຫົວໜ້າ ກົມຄວບຄຸມພະຍາດຕິດຕໍ່, ກະຊວງ ສາທາລະນະສຸກ ໃນວັນທີ 2 ກໍລະກົດ 2021 ນີ້້ ໃຫ້ຮູ້ວ່າ: ມາຮອດປັດຈຸບັນ ສປປ ລາວ ກວດພົບເຫັນເຊື້ອພະຍາດ ໂຄວິດ-19 ມີ 4 ສາຍພັນໃນລາວປະກອບມີ:ສາຍພັນດັ້ງເດີມ, ສາຍພັນອານຟ້າ, ສາຍພັນເດວຕ້າແລະ ຫຼ້າສຸດ ແມ່ນກວດພົບເຫັນສາຍພັນກັບປ້າ (ອິນເດຍ)ເຊິ່ງເປັນສາຍພັນທີ່ບໍ່ຮຸນແຮງ ເມື່ອທຽບໃສ່ກັບສາຍພັນອື່ນໆ ແຕ່ກໍ່ຕ້ອງໄດ້ຕິດຕາມສະພາບການຢ່າງໃກ້ຊິດ, ໂດຍ ອົງການອະນາໄມໂລກ ລະບຸວ່າ ເປັນສາຍພັນທີ່ຄວນເອົາໃຈໃສ່ ແລະ ເຝົ້າລະວັງ.

ເມື່ອເວົ້າເຖິງ ສາຍພັນ ຂອງເຊື້ອພະຍາດ ໂຄວິດ-19 ແລ້ວ, ສາຍພັນ ເດວຕ້າ ແມ່ນເປັນສາຍພັນທີ່ໜ້າຫ່ວງທີ່ສຸດ ເນື່ອງຈາກວ່າ ສາຍພັນນີ້ກໍາລັງເປັນບັນຫາທີ່ເຮັດໃຫ້ຫຼາຍປະເທດໃນທົ່ວໂລກ ປະສົບກັບສະພາບການລະບາດຮອບໃໝ່, ໂດຍໃນໄລຍະຜ່ານມາ ສາຍພັນ ເດວຕ້າ ມີການແຜ່ລະບາດໃນ 92 ປະເທດທົ່ວໂລກ,

ເຊິ່ງເປັນສາຍເຫດເຮັດໃຫ້ມີການລາຍງານຈຳນວນຕົວເລກຜູ້ຕິດເຊື້ອ ແລະ ຜູ້ເສຍຊີວິດ ເພີ່ມຂຶ້ນຢ່າງຫຼວງຫຼາຍ ແລະ ຕໍ່ເນື່ອງໃນທົ່ວໂລກ, ເປັນຕົ້ນແມ່ນ ປະເທດອິນເດຍ ທີ່ມີໄລຍະມີການບາດຮຸນແຮງໃນປະເທດ, ແຕ່ລະມື້ຈະມີລາຍງານ ກໍລະນີ ຕິດເຊື້ອໃໝ່ ເປັນຈຳນວນຫຼັກແສນ ແລະ ເສຍຊີວິດ ຫຼາຍໝື່ນຄົນຕໍ່ມື້.

 

ຂ່າວລາວ