ສັ່ງປິດເມືອງ ເມືອງຄົງເຊໂດນ ແຂວງສາລະວັນ ຫຼັງຈາກກວດພົບຜູ້ຕິດເຊື້ອໃນຊຸມຊົນ

ສັ່ງປິດເມືອງ ເມືອງຄົງເຊໂດນ ແຂວງສາລະວັນ ຫຼັງຈາກກວດພົບຜູ້ຕິດເຊື້ອໃນຊຸມຊົນ

ວັນທີ່ 5.7.2021 ເມືອງຄົງເຊໂດນສັ່ງປິດ4ບ້ານໃນການເຂົ້າ-ອອກຊົ່ວຄາວ ເພື່ອເຂັ້ມງວດໃນການສະກັດກັ້ນ ແລະ ປ້ອງກັນພະຍາດໂຄວິດ-19

ເພື່ອປະຕິບັດຕາມແຈ້ງການດ່ວນຂອງທ່ານເຈົ້າເມືອງໆຄົງເຊໂດນໃນວັນທີ 5 ກໍລະກົດ 2021 ນີ້ ເພື່ອຮັບປະກັນການປ້ອງ ຄວມຄຸມ, ສະກັດກັ້ນ ແລະ ແກ້ໄຂ ການລະບາດຂອງພະຍາດໂຄວິດ – 19 ຢູ່ເມືອງຄົງເຊໂດນ ແມ່ນຈະໄດ້ມີການປະຕິບັດຢ່າງແຂງແຮງຕໍ່ມາດຕະການປ້ອງກັນ, ຄວບຄຸມ ເຊັ້ນການເຂົ້າ-ອອກລະຫ່ວາງບ້ານ ຫາ ບ້ານ ໃນທົ່ວເມືອງມີຈຳນວນ 84 ບ້ານ

ໂດຍສະເພາະແມ່ນໃຫ້ອຳນາດການປົກຄອງໃນ 4 ບ້ານຄື: ບ້ານທົ່ງຈະເລີນ, ບ້ານຄົງໃຫຍ່, ບ້ານຄົງນ້ອຍ ແລະ ບ້ານຄົງນະຄອນ ປິດການເຂົ້າອອກຊົ່ວຄາວ ພ້ອມທັງຕັ້ງຈຸດກວດກາຄົນເຂົ້າ – ອອກຕະຫຼອດ 24 ຊົ່ວໂມງ ຢ່າງເຂັ້ມງວດ ຫ້າມບໍ່ໃຫ້ພໍ່ແມ່ປະຊາຊົນພາຍໃນບ້ານດັ່ງກ່າວ ໄປມາຫາສູ່ກັບບຸກຄົນພາຍນອກ ແລະ ຫ້າມບໍ່ໃຫ້ບຸກຄົນ, ພໍ່ແມ່ປະຊາຊົນບ້ານອື່ນເດີນທາງເຂົ້າໄປໃນບ້ານດັ່ງກ່າວ ( ຍົກເວັ້ນກໍລະນີຈໍາເປັນເທົ່ານັ້ນ )ແລະ ຍັງໄດ້ກໍານົດເອົາ 8 ບ້ານອ້ອມຂ້າງທີ່ມີຄວາມສ່ຽງຄື: ບ້ານບຶງກາງ, ບ້ານທ່າຄໍ້, ບົວລະພາ, ໂນນຄໍ້, ໝື່ນປູ, ນາແພງໃຫຍ່, ວັງການຮຸງ ແລະ ບ້ານໂຮງເລື່ອຍມີໄຊ ປິດການສັນຈອນໄປມານັບແຕ່ເວລາ 9 : 00 ໂມງຂອງຕອນແລງ ຫາ 5:00 ໂມງຂອງຕອນເຊົ້າ

ຍົກເວັ້ນກໍລະນີຈໍາເປັນ ສຸກເສີນ ແຕ່ຕ້ອງໄດ້ແຈ້ງຕໍ່ອໍານາດການປົກຄອງບ້ານອອກໃບຢັ້ຢືນໃຫ້ຈິງສາມາດໄປໄດ້, ປິດກິດຈະກໍາ ຮ້ານກິນດື່ມ, ຮ້ານບັນເທີງ-ຄາລາໂອເກະ, ຄຣິນິກ, ຮ້ານອິນເຕີເນັດ, ຮ້ານສະໜຸກເກີ້, ຮ້ານເສີມສວຍ, ຮ້ານຕັດຜົມ, ເດີ່ນຟຸດຊໍ, ຟິດເນັດ, ຮ້ານນວດສະປາ ແລະ ສະໜາມຕີໄກ່ທົ່ວເມືອງ, ປິດການຮຽນຮຽນການສອນຊົ່ວຄາວແຕ່ມໍ 1 ຫາ ມໍ 6 ສ່ວນຂັ້ນມໍ 4 ແລະ ມໍ 7 ແມ່ນສືບຕໍ່ຮຽນປົກກະຕິ ໂດຍໃຫ້ຮັກສາມາດຕະການປ້ອງກັນພະຍາດໂຄວິດ – 19 ຢ່າງເຂັ້ມງວດ, ອະນຸຍາດເປີດຮ້ານຂາຍເຄື່ອງຍ່ອຍ, ຮ້ານຂາຍເສື້ອຜ້າ, ຮ້ານຂາຍຢາ, ຮ້ານຂາຍເຄື່ອງກໍ່ສ້າງ-ເຄື່ອງໄຟຟ້າ, ຮ້ານສ້ອມແປງລົດ, ຮ້ານລ້າງ-ອັດສິດ, ໂຮງງານນໍ້າດື່ມ,ນໍ້າກ້ອນ ແຕ່ຕ້ອງປະຕິບັດມາດຕະການປ້ອງກັນພະຍາດໂຄວິດ-19 ຢ່າງເຂັ້ມງວດ ຮັກສາໄລຍະຫ່າງ, ໃສ່ຜ້າອັດປາກ-ປອັດດັງ, ລ້າງມືດ້ວຍສະບຸ ຫຼື ເຈວທີ່ສ່ວນປະສົມຂອງເຫຼົ້າ

ແລະ ໃຫ້ອໍານາດການປົກຄອງແຕ່ລະບ້ານຕິດຕາມກວດກາຄົນເຂົ້າ-ອອກ ພາຍໃນບ້ານ ໂດຍສະເພາະຜູ້ທີ່ເດີນທາງມາແຕ່ເຂດສ່ຽງຕໍ່ການຕິດເຊື້ອພະຍາດໂຄວິດ – 19 ທັງພາຍໃນ ແລະ ຕ່າງປະເທດ ຖ້າພົບເຫັນວ່າບຸກຄົນໃດຫາກລັກລອບເຂົ້າມາໂດຍບໍ່ໄດ້ຮັບອະນຸຍາດແມ່ຈະໄດ້ປະຕິບັດຕາມລິບຽບກົດໝາຍຂອງບ້ານ-ເມືອງ, ນອກນັ້ນຍັງໄດ້ມີການວາງກຳລັງລາດຕະເວນຢ່າງເຂັ້ມງວດ ໃນການເຄື່ອນໄຫວຕິດຕາມກວດກາ, ຄວບຄຸມ ເພື່ອຮັບປະກັນການປະຕິບັດມາດຕະການຂໍ້ຫ້າມຕ່າງໆໃຫ້ເຂັ້ມງວດ ຖ້າຫາກມີການຝ່າຝືນລະເມີນ ແມ່ນຈະໄດ້ປະຕິບັດຕາມລະບຽບກົດໝາຍ ທີ່ກຳນົດໄວ້.

ຂ່າວລາວ