​ເປັນ​ຫຍັງແຮງ​ງານ​ລາວ​ທີ່​ໄປ​ເຮັດ​ວຽກ​ຢູ່​ປະ​ເທດ​ເພື່ອນ​ບ້ານ​​ ຈຶ່ງ​ລັກ​ລອບ​ກັບ​ຄືນ​ປະ​ເທດ

​ເປັນ​ຫຍັງແຮງ​ງານ​ລາວ​ທີ່​ໄປ​ເຮັດ​ວຽກ​ຢູ່​ປະ​ເທດ​ເພື່ອນ​ບ້ານ​​ ຈຶ່ງ​ລັກ​ລອບ​ກັບ​ຄືນ​ປະ​ເທດ

​ເປັນ​ຫຍັງແຮງ​ງານ​ລາວ​ທີ່​ໄປ​ເຮັດ​ວຽກ​ຢູ່​ປະ​ເທດ​ເພື່ອນ​ບ້ານ​​ໂດຍ​ສະ​ເພາະ​ຢູ່ປະ​ເທດໄທ​ຈຶ່ງ​ມີ​ການ​ລັກ​ລອບ​ກັບ​ຄືນ​ປະ​ເທດ​ແບບ​ຜິດ​ກົດ​ໝາຍ? ຄຳ​ຖາມ​ນີ້​ອາດ​ເປັນ​ຄຳ​ຖາມ​ທີ່​ສັງ​ຄົມ​ສົນ​ໃຈ

ອີງ​ຕາມ​ຂໍ້​ມູນ​ຈາກ​ພະ​ແນກ​ແຮງ​ງານ ແລະ ສະ​ຫວັດ​ດີ​ການ​ສັງ​ຄົມ​ຂອງ​ບັນ​ດາ​ແຂວງ​ທີ່​ມີ​ຊາຍ​ແດນ​ຕິດ​ກັບ​ປະ​ເທດ​ໄທ ເຊັ່ນ: ແຂວງ​ບໍ​ລິ​ຄຳ​ໄຊ, ຄຳ​ມ່ວນ, ສະ​ຫວັນ​ນະ​ເຂດ, ສາ​ລະ​ວັນ, ຈຳ​ປາ​ສັກ, ໄຊ​ຍະ​ບູ​ລີ, ນະ​ຄອນ​ຫຼວງວຽງ​ຈັນ ແລະ ແຂວງ​ອື່ນໆ,

ການທີ່ແຮງງານລາວ​ລັກ​ລອບກັບ​ຄືນ​ປະ​ເທດ​​ແບບ​ຜິດ​ກົດ​ໝາຍນັ້ນ ກໍຍ້ອນ​ວ່າ​ແຮງ​ງານ​ເຫຼົ່ານັ້ນ​ເປັນ​ແຮງ​ງານ ​ເຖື່ອນ​ໂດຍ​ບໍ່​ມີ​ເອກະ​ສານ​ຜ່ານ​ແດນໃດໆ ຊຶ່ງ​ແຮ​ງ​ງານ​​ ລາວທີ່​ໄປ​ເຮັດ​ວຽກ​ຢູ່​ໄທ​ນັ້ນ​ຫຼາຍກວ່າ 50% ແມ່ນ​ແຮງ​ ງານ​ເຖື່ອນ, ດັ່ງນັ້ນເມື່ອຢ້ານຄວາມຜິດຈຶ່ງລັກລອບ ເຂົ້າມາ.

ເມື່ອ​ຖາມ​ວ່າ​ໃນ​ໄລ​ຍະ​ທີ່​ມີ​ການ​ແຜ່​ລະ​ບາດ​ຂອງ​ພະ​ຍາດ​ໂຄວິດ-19, ຕຳ​ຫຼວດກວດ​ຄົນ​ເຂົ້າ​ເມືອງ​ລາວ​-ໄທ​ໄດ້​ມີ​ການ​ຕົກ​ລົງ​ກັນ​ກ່ຽວ​ກັບ​ການຮັບ​ເອົາ​ແຮງ​ງານ​ເຖື່ອນ​ກັບ​ຄືນ​ປະ​ເທດ​ແບບ​ບໍ່​​ມີ​ຄວາມ​ຜິດ​ໃດໆ​ພຽງ​ແຕ່​​ໃຫ້ແຮງ​ງານ​ເຫຼົ່ານັ້ນ​ແຈ້ງ​ຕຳ​ຫຼວດກວດ​ຄົນ​ເຂົ້າ​ເມືອງ​ທັງ​ສອງ​ປະ​ເທດ ກໍ່​ຈະ​ສາ​ມາດ​ກັບ​ຄືນ​ປະ​ເທດ​ແບບ​ຖືກ​ກົດ​ໝາຍ ຫຼື ຈະ​ບໍ່​ມີ​ຄວາມ​ຜິດ​ໃດໆ​ທາງ​ກົດ​ໝາຍ​ບ້ານ​ເມືອງ ແຕ່​ເປັນ​ຫຍັງ​ຈຶ່ງຍັງ​ມີ​​ການ​ລັກ​ລອບ​ກັບ​ຄືນ​ປະ​ເທດ​ແບບຜິດ​ກົດ​ໝາຍ​ຢູ່​, ນັ້ນ ກໍຍ້ອນ​ວ່າ​ແຮງ​ງານ​ບາງ​ສ່ວນ​ບໍ່​ໄດ້​ຮັບ​ຂໍ້​ມູນ​ຂ່າວ​ສານ​ກ່ຽວ​ກັບ​ເລື່ອງ​ດັ່ງ​ກ່າວ ແລະ ບາງ​ສ່ວນ​ກໍ່​ຍັງ​ຢ້ານ​ຄວາມ​ຜິດ​ທາງ​ກົດ​ໝາຍ​ບ້ານ​ເມືອງ.

ຂ່າວ: ວຽງ​ຈັນ​ທາຍ

ຂ່າວລາວ