ກຽມພ້ອມແລ້ວ…ໂຮງໝໍພາກສະໜາມແຂວງ ສະຫວັນນະເຂດ ຮອງຮັບຜູ້ຕິດເຊື້ອພະຍາດໂຄວິດໄດ້ສູງເຖິງພັນຄົນ

ກຽມພ້ອມແລ້ວ…ໂຮງໝໍພາກສະໜາມແຂວງ ສະຫວັນນະເຂດ ຮອງຮັບຜູ້ຕິດເຊື້ອພະຍາດໂຄວິດໄດ້ສູງເຖິງພັນຄົນ

ແຂວງສະຫວັນນະເຂດ ກໍ່ມີແຮງງານເປັນຈຳນວນຫຼວງຫຼາຍທີ່ໄປອອກແຮງງານຢູ່ປະເທດໃກ້ຄຽງໂດຍສະເພາະແມ່ນປະເທດໄທ ເຊິ່ງໃນແຕ່ລະວັນໄດ້ມີແຮງງານກັບຄືນປະເທດເປັນຈຳນວນບໍ່ໜ້ອຍ ໃນນັ້ນກໍ່ໄດ້ມີແຮງງານຈໍານວນໜຶ່ງທີ່ກວດພົບວ່າຕິດເຊື້ອພະຍາດໂຄວິດ-19

ຄືດັ່ງທີ່ເຫັນໃນຖະແຫຼງຂ່າວປະຈຳວັນທຸກໆມື້ ມີແຮງງານລາວກັບຄືນມາແຕ່ຕ່າງປະເທດຈຳນວນຫຼາຍ ໂດຍສະເພາະແຂວງຈຳປາສັກ ແລະສະຫວັນນະເຂດ ເປັນສອງແຂວງທີ່ມີຜູ້ໄປອອກແຮງງານຢູ່ປະເທດໄທຫຼາຍ ທັງເປັນແຂວງໜ້າດ່ານ ສະນັ້ນ ເພື່ອເປັນການຮອງຮັບດ້ານສະຖານທີ່ປິ່ນປົວສຳລັບຜູ້ຕິດເຊື້ອພະຍາດໂຄວິດ 19 ໃຫ້ພຽງພໍ ແລະ ຫຼີກລ່ຽງຄວາມແອອັດຂອງຜູ້ຕິດເຊື້ອພະຍາດໂຄວິດ 19 ພາຍໃນສູນປິ່ນປົວ ສະຫວັນນະເຂດຈິ່ງຮີບຮ້ອນສ້າງໂຮງໝໍພາກສະໜາມໄວ້ມີລະດັບ 1000 ຕຽງ.

ປັດຈຸບັນ, ແຂວງສະຫວັນນະເຂດ ມີຜູ້ຕິດເຊື້ອພະຍາດໂຄວິດ-19 ສະສົມທັງໝົດ 427 ກໍລະນີ, ກໍາລັງປິ່ນປົວ 282 ກໍລະນີ. ໃນນີ້ເປັນແຮງງານນຳເຂົ້າຈຳນວນ 401 ກໍລະນີ ແລະ ອາດຈະມີຜູ້ຕິດເຊື້ອເພີ່ມຂຶ້ນອີກໃນແຕ່ລະວັນ.

ສະນັ້ນທາງຄະນະສະເພາະກິດຂັ້ນແຂວງຈຶ່ງໄດ້ສ້າງໂຮງໝໍພາກສະໜາມເພື່ອຮອງຮັບຜູ້ຕິດເຊື້ອພະຍາດໂຄວິດ 19 ໂດຍໄດ້ກຳນົດເອົາ ບໍລິສັດອາເດີລານ ລາວຈຳກັດ ເຂດເສດຖະກິດພິເສດແຂວງສະຫວັນນະເຂດ ( ຫຼັກ 9 ນະຄອນໄກສອນພົມວິຫານ ) ເປັນໂຮງໝໍສຳລັບປິ່ນປົວຜູ້ຕິດເຊື້ອພະຍາດໂຄວິດ 19 ເຊິ່ງຈຸດດັ່ງກ່າວແມ່ນມີພື້ນທີ່ກວ້າງ ຫ່າງໄກຈາກຊຸມຊົນ ແລະ ສາມາດຮອງຮັບຜູ້ຕິດເຊື້ອໄດ້ສູງເຖິງ 1.000 ຄົນ ມາຮອດປັດຈຸບັນໂຮງໝໍດັ່ງກ່າວແມ່ນສາມາດເປີດໃຫ້ບໍລິການປິ່ນປົວເປັນທີ່ຮຽບຮ້ອຍແລ້ວ.

ຂ່າວລາວ