ພະຍາບານ ທີ່ເປັນຜູ້ເບີ່ງແຍງຜູ້ຕິດເຊື້ອໂຄວິດ ກວດພົບວ່າຕອນນີ້ຕິດເຊື້ອໂຄວິດ”ນະຄອນຫຼວງວຽງຈັນ”

ພະຍາບານ ທີ່ເປັນຜູ້ເບີ່ງແຍງຜູ້ຕິດເຊື້ອໂຄວິດ ກວດພົບວ່າຕອນນີ້ຕິດເຊື້ອໂຄວິດ”ນະຄອນຫຼວງວຽງຈັນ”

ອີງຕາມການຖະແຫຼງຂ່າວຂອງຄະນະສະເພາະກິດ ປະຈຳວັນທີ 15 ກໍລະກົດ 2021 ໂດຍ ທ່ານ ດຣ ລັດຕະນະໄຊ ເພັດສຸວັນ ຫົວໜ້າກົມຄວບຄຸມພະຍາດຕິດຕໍ່ ກະຊວງສາທາລະນະສຸກ ໄດ້ໃຫ້ຮູ້ວ່າ: ນະຄອນຫຼວງວຽງຈັນ ໄດ້ກວດພົບຜູ້ຕິດເຊື້ອໃໝ່ 1 ຄົນ, ເຊີ່ງຜູ້ກ່ຽວແມ່ນ ພະຍາບານ ທີ່ເປັນຜູ້ເບີ່ງແຍງຜູ້ຕິດເຊື້ອໂຄວິດ-19

ໂດຍຜູ້ກ່ຽວບໍ່ໄດ້ໄປໃສ່ ແລະ ມີຜູ້ສຳພັດໃກ້ຊິດທັງໝົດ 6 ຄົນ ເຊີ່ງທັງໝົດໄດ້ຮັບການກວດເຊື້ອແລ້ວ ຜົນກວດເປັນລົບ ແຕ່ຍັງຕ້ອງໄດ້ກັກໂຕອີກ 14ວັນເພື່ອຕິດຕາມອາການ

ທ່ານດຣ. ຣັດຕະນະໄຊ ເພັດສຸວັນ ຫົວໜ້າກົມ ຄວບຄຸມພະຍາດຕິດຕໍ່, ກະຊວງສາທາລະນະສຸກ ຈະມາຖະແຫຼງຂ່າວສະພາບການລະບາດພະຍາດ COVID-19 ປະຈຳວັນທີ 15 ກໍລະກົດ 2021ວ່າ: ວັນທີ 14 ກໍລະກົດ 2021 ໄດ້ກວດວິເຄາະທັງໝົດ 1.451 ຄົນ ໃນນັ້ນ ກວດພົບຜູ້ຕິດເຊື້ອໃໝ່ ທັງໝົດ 116 ຄົນ.

ໃນນັ້ນ ມີກໍລະນີນຳເຂົ້າ 114 ຄົນ ມາຈາກ ແຂວງຈໍາປາສັກ 41 ກໍລະນີ, ສະຫວັນນະເຂດ 67 ກໍລະນີ, ຄໍາມ່ວນ 02 ກໍລະນີ ແລະ ສາລະວັນ 04 ກໍລະນີ ເຊິ່ງກວດພົບຈາກແຮງງານລາວ ທີ່ກັບມາແຕ່ປະເທດເພື່ອນບ້ານ ໂດຍຖືກຕ້ອງຕາມກົດໝາຍ.ສ່ວນຕິດເຊື້ອໃນຊຸມຊົນ 2 ຄົນ ມາຈາກນະຄອນຫຼວງ 1 ຄົນ ແລະ ອຸດົມໄຊ 1 ຄົນ ເຊິ່ງມີປະຫວັດສຳຜັດໃກ້ຊິດ ນຳຜູ້ຕິດເຊື້ອເກົ່າທີ່ຜ່ານມາ.

ຂ່າວລາວ