ໜ້າເປັນຫ່ວງ ບຸກຄະລາກອນດ່ານໜ້າ ທີ່ປະຕິບັດໜ້າທີ່ ຕິດເຊື້ອໂ ຄ ວິ ດ ເຖິງ 50ຄົນ

ໜ້າເປັນຫ່ວງ ບຸກຄະລາກອນດ່ານໜ້າ ທີ່ປະຕິບັດໜ້າທີ່ ຕິດເຊື້ອໂ ຄ ວິ ດ ເຖິງ 50ຄົນ

ທ່ານ ດຣ ສີສະຫວາດ ສຸດທານີລະໄຊ ຮອງຫົວໜ້າກົມ ຄວບຄຸມພະຍາດຕິດຕໍ່, ກະຊວງສາທາລະນະສຸກ ກ່າວໃນພິທີຖະແຫຼງຂ່າວສະພາບການລະບາດພະຍາດໂຄວິດ-19 ປະຈໍາວັນທີ 30 ກໍລະກົດ 2021 ວ່າ ສປປ ລາວ ພົບການຕິດເຊື້ອໃນພະນັກງານດ່ານໜ້າທີ່ປະຕິບັດໜ້າທີ່ໃນການປ້ອງກັນ ແລະ ປີ່ນປົວຄົນເຈັບ ໃນບັນດາແຂວງສູງເຖີງ 50 ຄົນ

ເຊິ່ງແຂວງທີ່ຕິດເຊື້ອຫຼາຍກ່ວາໝູ່ແມ່ນນະຄອນຫຼວງວຽງຈັນ (24 ຄົນ), ຮອງລົງມາແມ່ນແຂວງຈຳປາສັກ (19 ຄົນ) ໃນຈຳນວນ 50 ຄົນ ທີ່ຕິດເຊື້ອ, 64% ແມ່ນມີອາການສະແດງອອກ ແລະ ສ່ວນຫຼາຍແມ່ນພະນັກງານແພດໝໍ ມີຈໍານວນ 39 ຄົນ, ພະນັກງານເຮັດວຽກຢູ່ສູນຈຳກັດບໍລິເວນ 6 ຄົນ ແລະ ພະນັກງານປະຈຳດ່ານ 5 ຄົນ.

ການຖະແຫຼງຂ່າວສະຖານະການແຜ່ລະບາດຂອງພະຍາດໂຄວິດ-19​ ປະຈຳວັນ​ທີ​ 30/07/ 2021​ ໃຫ້ຮູ້ວ່າ:​ ກວດພົບເຊື້ອໃໝ່ +244ຕົວຢ່າງ,​ ໃນນີ້ມີ.

1. ນະຄອນຫຼວງວຽງຈັນ (+ 31 ) ກໍລະນີ “( + 31 ) ກໍລະນີນຳເຂົ້າ ທີ່ພັກຢູ່ສູນກັກກັນຖືກຕ້ອງຕາມກົດໝາຍ ແລະ ( + 00 ) ກໍລະນີກວດຜູ້ກຽມເດີນທາງອອກປະເທດ, ຈາກຈຳນວນການວິເຄາະທັງໝົດ 1,049 ຕົວຢ່າງ,

2. ແຂວງຄຳມ່ວນ (+ 10 ) ກໍລະນີນຳເຂົ້າ ທີ່ພັກຢູ່ສູນກັກກັນຖືກຕ້ອງຕາມກົດໝາຍ,

3. ແຂວງສະຫວັນນະເຂດ (+ 119 ) ກໍລະນີ, ” ( + 118 ) ກໍລະນີນຳເຂົ້າ ທີ່ພັກຢູ່ສູນກັກກັນຖືກຕ້ອງຕາມກົດໝາຍ ແລະ (+ 01 ) ກໍລະນີສຳພັດກັບຜູ້ຕິດເຊື້ອຜ່ານມາ”, ຈຳນວນການວິເຄາະທັງໝົດ 563 ຕົວຢ່າງ,

4. ແຂວງສາລະວັນ ( + 46 ) ກໍລະນີນຳເຂົ້າ ທີ່ພັກຢູ່ສູນກັກກັນຖືກຕ້ອງຕາມກົດໝາຍ,

5. ແຂວງຈຳປາສັກ (+ 38 ) ກໍລະນີ ” (+ 38 ) ກໍລະນີນຳເຂົ້າທີ່ພັກຢູ່ສູນກັກກັນຖືກຕ້ອງຕາມກົດໝາຍ ແລະ (+ 00 ) ກໍລະນີທີ່ສຳພັດກັບຜູ້ຕິດເຊື້ອຜ່ານມາ”, ຈາກຈຳນວນການວິເຄາະທັງໝົດ 350 ຕົວຢ່າງ

ຂ່າວລາວ