ວັກຊິນ ASTRAZENECA ທີ່ຜະລິດໂດຍປະເທດຍີ່ປຸ່ນ ຈະສົ່ງມາລາວ 6ແສນໂດສ

ວັກຊິນ ASTRAZENECA ທີ່ຜະລິດໂດຍປະເທດຍີ່ປຸ່ນ ຈະສົ່ງມາລາວ 6ແສນໂດສ

ລາຍງານ: ວັກຊິນ ASTRAZENECA ທີ່ຜະລິດໂດຍປະເທດຍີ່ປຸ່ນ ຈະຖືກນຳສົ່ງມາຮອດ ສປປ ລາວ ໃນວັນທີ 5 ສິງຫາ 2021 ນີ້ (ມື້ອື່ນ) ນອກຈາກນີ້, ບໍ່ພຽງແຕ່ວັກຊິນເທົ່ານັ້ນ ແຟນເພຈ Embassy of Japan in Laos ສະຖານທູດຍີ່ປຸ່ນປະຈໍາ ສປປລາວ ຍັງໄດ້ລາຍງານວ່າ:

ການສະໜັບສະໜຸນໃນຄັ້ງນີ້ລວມມີການສະໜອງເຄື່ອງຜະລິດອົກຊິເຈນ ຈຳນວນ 100 ເຄື່ອງ, ເຄື່ອງດູດຂີ້ສະເຫຼດ 100 ເຄື່ອງ ແລະ ເຄື່ອງຕິດຕາມອາການຊີວິດ 100 ເຄື່ອງໃຫ້ແກ່ ສປປ ລາວ ເພື່ອຕໍ່ສູ້ກັບການລະບາດຂອງພະຍາດໂຄວິດ-19 ໃນປັດຈຸບັນ.

ລັດຖະບານຍີ່ປຸ່ນຈະໄດ້ມອບເຄື່ອງຜະລິດອົກຊີແຊນ ຈຳນວນ 100 ເຄື່ອງ ແລະ ວັກຊີນປ້ອງກັນໂຄວິດອີກ 600,000 ໂດສ (ຍັງບໍ່ທັນລະບຸປະເພດ) ໃຫ້ແກ່ລັດຖະບານລາວໄວໆນີ້.

ຫຼັງຈາກການປະຊຸມຄະນະລັດຖະມົນຕີຂອງປະເທດຍີ່ປຸ່ນ ໃນວັນທີ 03 ສິງຫາ 2021, ທ່ານ ໂທຊິມິສຶ ໂມເຕກິ (Yoshimitsu Motegi) ລັດຖະມົນຕີກະຊວງການຕ່າງປະເທດຂອງຍີ່ປຸ່ນ ໄດ້ອອກມາໃຫ້ສຳພາດ ເພື່ອເປັນການສະໜັບສະໜູນທາງດ້ານການແພດໃຫ້ກັບປະເທດລາວ ທີ່ກຳລັງປະສົບບັນຫາຫາແຜ່ເຊື້ອໂຄວິດ ແລະ ໃຫ້ຜ່ານພົ້ນວິກິດຂອງການລະບາດພະຍາດໂ ຄ ວິ ດ ໂດຍໄວ.

ນອກຈາກປະເທດລາວແລ້ວ ລັດຖະບານກໍຍັງໄດ້ສົ່ງເຄື່ອງຜະລິດອົກຊີແຊນໃຫ້ແກ່ປະເທດໄທອີກເປັນຈຳນວນ 775 ເຄື່ອງ.

ຂ່າວລາວ