ຄົນແຫ່ຂື້ນທາງດ່ວນມື້ນີ້ ແຕ່ຕ້ອງຜິດຫວັງ ເພາະມື້ນີ້ທີ່ 20ທັນວາ ເປັນພຽງມື້ຈັດພິທີເປີດເທົ່ານັ້ນ

ຄົນແຫ່ຂື້ນທາງດ່ວນມື້ນີ້ ແຕ່ຕ້ອງຜິດຫວັງ ເພາະມື້ນີ້ທີ່ 20ທັນວາ ເປັນພຽງມື້ຈັດພິທີເປີດເທົ່ານັ້ນ

ວັນທີ 20 ທັນວາ ເປັນມື້ທີ່ບໍລິສັດ ແລະ ລັດຖະບານ  ລາວ-ຈີນ ຈັດພິທີເປີດນຳໃຊ້ທາງດ່ວນຂຶ້ນທີ່ທາງດ່ວນ ຈຸດເກັບເງິນນະຄອນຫຼວງວຽງຈັນ ດັ່ງນັ້ນ ຈຶ່ງມີລົດເຂົ້າອອກທາງດ່ວນເປັນຈຳນວນຫຼາຍ ອັນເປັນເຫດເຮັດໃຫ້ພໍ່ແມ່ປະຊາຊົນຈຳນວນໜຶ່ງ ເຂົ້າໃຈວ່າທາງດ່ວນວຽງຈັນ-ວັງວຽງ ສັນຈອນໄດ້ແລ້ວ ຈຶ່ງພາກັນແຫ່ລ້ຽວລົດເຂົ້າໄປຫວັງແລ່ນທາງດ່ວນເປັນຈຳນວນຫຼາຍຄົນແຕ່ຕ້ອງໄດ້ພາກັນລ້ຽງລົດກັບ

ເພາະຍັງບໍ່ແມ່ນມື້ເພິ່ນເປີດໃຫ້ໃຊ້ບໍລິການເທື່ອ ມື້ນີ້ 20 ທັນວາ ເປັນພຽງມື້ຈັດພິທີເປີດເທົ່ານັ້ນ ເຊິ່ງເພິ່ນມີແຈ້ງການ ແລະ ປະກາດອອກໄປແລ້ວວ່າ ຈະເປີດໃຫ້ພໍ່ແມ່ປະຊາຊົນໄດ້ນຳໃຊ້ ຫຼື ໃຊ້ບໍລິການ ແມ່ນນັບແຕ່ວັນທີ 21 ທັນວາ 2020 ເປັນຕົ້ນໄປ  ແລະ ຈະເປີດໃຫ້ພໍ່ແມ່ປະຊາຊົນແລ່ນຟຣິ ເປັນເວລາ 3 ມື້ ນັບແຕ່ວັນທີ 21 ເຖິງ 23 ທັນວາ 2020 ເດີ.

ທ່ານ ບຸນຍັງ ວໍລະຈິດ ປະທານປະເທດແຫ່ງ ສປປ ລາວ ໄດ້ໃຫ້ກຽດເຂົ້າຮ່ວມ ແລະ ເປັນຜູ້ຕັດແຖບຜ້າ ແລະ ລັ່ນຄ້ອງ 9 ບາດເພື່ອເປີດເສັ້ນທາງດ່ວນວຽງຈັນ-ວັງວຽງ ໄລຍະ 1 ຊຶ່ງເປັນເສັ້ນທາງດ່ວນທໍາອິດ ແລະ ເປັນເສັ້ນທາງປະຫວັດສາດ ແຫ່ງ ສປປ ລາວ ທີ່ໄດ້ມີພິທີເປີດນຳໃຊ້ຢ່າງເປັນທາງການໃນຕອນເຊົ້າຂອງມື້ວັນທີ 20 ທັນວາ 2020 ນີ້ ທີ່ສະຖານີເກັບເງິນ ນະຄອນຫຼວງວຽງຈັນ

ພາຍຫຼັງທີ່ມີພິທີເປີດນໍາໃຊ້ໃນມື້ນີ້, ມື້ອື່ນວັນທີ 21-23 ຈະເປີດໃຫ້ບໍລິການຂຶ້ນໃຊ້ຟຣີ ເພື່ອເປັນການສະເຫຼີມສະຫຼອງວັນຊາດທີ 2 ທັນວາ ຄົບຮອບ 45 ປີ.

ຂ່າວລາວ